JOHANU 13:8 - BIBLU WIWE LỌ 1923

⁸ Pita sọ dọ hlan ẹn, dọ, Hiẹ ma na kló afo ṣie gbède. Jesu sọ gblọnna ẹn, dọ, Eyín yẹn ma klọ́ we, hiẹ ma tindo tenmẹ de to dẽ

JOHANU 13:8 Iomraidhean Croise

Gẹnẹsisi 42:38

Ewọ sọ dọmọ, Visunnu ṣie ma na jẹte yì hẹ mì gba; na nọvisunnu etọn ko kú, ewọ dopokẹdẹ wẹ pò: eyín danu jọ do e go to aliho he mì gbọn jei dali, bé mì na hẹn odà wéwé ṣie lẹ po awúbla po yì oyọ̀ mẹ.

2 SAMUẸLI 20:1

OMẸ Beliali tọn de dúkosọ nado tin to fine, oyín mẹhetọn yín Ṣeba, visunnu Bikli tọn, Bẹnjamininu de: ewọ sọ kún opẹ́n lọ, bo dọmọ, Míwlẹ ma tindo mimá de to Davidi mẹ gba, mọ mí ma sọ tindo ogú de to visunnú Jẹsse tọn mẹ: omẹ dopodopo hlan gohọ̀ etọn mẹ, mì Islaeli emi,

1 AHỌLU LẸ 12:16

Whenuena Islaeli lẹpo mọ dọ ahọlu ma tuntóai hlan yé gba, gbẹtọ lẹ gblọnna ahọlu, dọmọ, Mimá tẹ́wẹ míwlẹ tindo to Davidi mẹ? mọ míwlẹ ma sọ tindo ogú to visunnu Jẹsse tọn mẹ: hlan gohọ̀ mìtọn lẹ kọ̀n, mì Islaeli emi: Davidi, pọ̀n owhé towe titi go. Mowẹ Islaeli fọ̀nyì gohò yetọn lẹ kọ̀n.

PSALM 51:2

Kló mì sọn oylanwiwà ṣie mẹ patapata; Bo sọ lẹ́ mi wé sọn ylando ṣie mẹ.

PSALM 51:7

Yí hisọpu do kló mi, yẹn nasọ yín wiwe; Lawuna mi, yẹn nasọ wé hú osìnagó.

ISAIA 4:4

whenuena OKLUNỌ na klọ odú viyọnnu Ziọni tọn lẹ tọn sẹ̀, bo na sọ kisa ohùn Jelusalẹm tọn sẹ̀ sọn ṣẹnṣẹn etọn gbọn gbigbọ whẹ̀dida tọn dali, podọ gbọn gbigbọ fifiọ tọn dali.

EZEKIELI 36:25

Yẹn bo na sọ mì osìn didi do mì ji, mìwlẹ na sọ yín wiwe: odihó mìtọn lẹpo mẹ podọ vodun mìtọn lẹpo mẹ, wẹ yẹn na lè mì wé sọn.

ZEKALIA 13:1

AZÁN nẹ mẹ finẹ wẹ asisanuvo de na yín hùnhùn hlan owhé Davidi tọn podọ hlan tòmẹnu Jelusalẹm tọn lẹ, na ylando podọ na mawé.

MATIU 16:22

Pita sọ yí i, bo sè nado wiwóhẹ ẹ dọmọ Jiwheyẹwhe ní walẹblanu to oji we, Oklunọ: ehe ma na tin hlan we gba.

MATIU 21:29

E sọ gblọn bo dọmọ, Yẹn ma jlo gba: ṣigba to godo mẹ, é diọlinlẹnna ede, bo sọ yì.

MATIU 26:33

Ṣigba pita gblọn, bo dọ hlan ẹn, dọmọ, Ẹyin yè na hẹn mẹpopo dahli to hiẹ me, yè ma tọ na hẹn yẹn dahli gbède.

MATIU 26:35

Pita sọ dọ hlan ẹn, dọmọ, Yèdọ eyín yẹn mananọma kú po hiẹ po, yẹn ma na món we gbède. Mọkẹdẹ wẹ nuplọntọ lẹpo dọ ga.

JOHANU 13:6

Mowẹ é wá Simọni Pita de. Pita sọ do hlan ẹn, do, Hie to afọ ṣie klo wẹ, Oklunọ?

JOHANU 13:9

Simọni Pita sọ dọ hlan ẹn, dọ, E ma yin afọ ṣie kẹdẹ gba, Oklunọ, sigba alọ ṣie po ota ṣie po ga.

JOHANU 3:5

Jesu gblọn dọmọ, Nugbo, nugbo, wẹ yen dọ hlan we, Adavo yè yí osìn po Gbigbọ po do ji gbẹtọ ewo ma sogan biọ ahọludu Jiwheyẹwhe tọn mẹ.

OWALỌ APỌSTELI LẸ TỌN 22:16

Etẹwutu wẹ hiẹ nọte dinvie? Tite, na yè ni baptizi we, bo klò ylando towe lẹ sè, bo sọ to oyín Oklunọ tọn ylọ.

1 KỌLINTINU LẸ 6:11

Mọ wẹ mẹdelẹ te to mì mẹ; ṣigba yè ko klọ́ mì, ṣigba yè ko lè mì wé, ṣigba yè ko sùwhẹna mì to oyín Jesu Oklunọ tọn mẹ, podọ to Gbigbọ Jiwheyẹwhe mítọn tọn mẹ.

EFESUNU LẸ 5:26

na ewọ nido klọ bo sọ yí lèwé osìn tọn do lè ẹ wé gbọn ohó lọ dali.

Deutelonomi 12:12

Mìlẹ nasọ nọ jaya to OKLUNỌ lọ Jiwheyẹwhe mìtọn nukọn, mìlẹ, po visunnu mìtọn lọ po, po viyọnnu mìtọn lẹ po, po devisunnu mitọn lẹ po, po deviyọnnu mìtọn lẹ po, po Levinu he tin to họngbo towe mẹ lọ po, mimọ ewọ ma tindo mimá de kavi ogú de to mì de.

KỌLỌSINU 2:18

Mì dike mede fìn ale mìtọn sọn mì si blo, gbọn hùwhẹ be sọn ojlo ede lọsu tọn mẹ de dali, po taliaina angeli lẹ tọn po, bo nò onú he ewọ ko mọ le me, bo sọ nọ to kikla gbọn nuyọnẹn agbasalan etọn tọn mẹ,

KỌLỌSINU 2:23

Onu he tindo ohia yìnyọnẹn tọn de nugbo, to ojlo taliaì po hùwhẹ po mẹ, po mapò agbasa yìnte po; he ma yin yẹyi de to nupekò agbasalan tọn ji.

TITU 3:5

é ma yín gbọn azón dódó tọn he mí ko wà dali gba, ṣigba dile lẹblanu etọn te, é whlẹn mí, gbọn lèwé ovọji tọn po hẹnzunyóyó Gbigbọ Wiwe tọn po dali;

HEBLU LẸ 10:22

mì gbọ mí ni yí ayiha nugbo de do dòn sepo ẹ, to ogigó yise tọn mẹ, na yè ni yí nuyìnnú do kló ayiha ylankan mítọn mẹ, bo sọ yí osìn wiwe do kló agbasa mítọn wé.

OSỌHIA 1:5

sọn Jesu Klisti de, mẹhe yín kunnudetọ nugbonọ lọ, omẹ plọnji sọn osiọ lẹ mẹ, ahọvi ahọlu aigba tọn lẹ ton. Hlan ewọ he yiwanna mí, bo so yí ohùn etọn do klọ mí sọn ylando mítọn le me,

OSỌHIA 7:14

Yẹn sọ dọ hlan ẹn, dọ, Mẹdaho, hiẹ wẹ yọnẹn. E sọ dọ hlan mi, dọ, Ehelẹ wẹ yé he tọ́n SỌN nukunbibia daho mẹ, bo yàn aṣovò yetọn bo sọ hẹn yé zùn wewé to ohùn Lẹngbọvu lọ tọn mẹ.