JOHANU 13:34 - BIBLU WIWE LỌ 1923

³⁴ Osẹn yoyó de wẹ yẹn na hlan mì, Dọ mì ni yiwanna mìzọzo: dile yen yiwanna mì, na mìwlẹ ga ni yiwanna mìnọzọ.

JOHANU 13:34 Iomraidhean Croise

PSALM 119:63

Ogbẹ́ yé he dibusi we lẹpo tọn wẹ yẹn, Podọ yé he payi ogbèdai towe go lẹpo tọn.

PSALM 16:3

Eyín mẹwiwe he tin to aihọn mẹ lẹ tọn wẹ, Omẹ gbọnvò wẹ yé, mẹhe mẹ ohòmẹhùnhùn ṣie te.

Levitiku 19:18

Hiẹ ma na yí ahọsu gba, kavi zé okẹ̀n depope hẹn do ovi omẹ towe lẹ tọn lẹ go gba, ṣigba hiẹ na yiwanna kọmẹnu towe di dewe: yẹn wẹ OKLUNỌ lọ.

Levitiku 19:34

Ojonọ he wáwasi to mì de lọ na tin hlan mì di owhévi lọ to mì ṣẹnṣẹn, hiẹ nasọ yiwanna ẹn di dewe; na mìwlẹ ko yín ojonọ to aigba Egipti tọn lọ mẹ: yen wẹ OKLUNỌ lọ Jiwheyẹwhe mìtọn.

MATIU 5:44

Ṣigba yẹn dọ hlan mì, Mì yíwánna kẹ̀ntọ mìton lẹ, bo sọ hodè na mẹhe to vivlẹ mì kò, bo sọ to homẹkẹn do mí lẹ

JOHANU 15:17

Onú helẹ wẹ yen degbena mì dọ, mì ni yiwanna mìnọzo.

JOHANU 17:21

na yé omẹ pó nido yin dopo; yèdọ dile hiẹ, Otọ́, te to yẹn mẹ, bo yẹn tọ hie mẹ, na yewle ga nido yín dopo to mìwlẹ mẹ: na aihọn nido yise dọ hiẹ wẹ do mi hlan.

LOMUNU LẸ 12:10

Mì nọ yí homẹdagbe do yiwanna minọzo di mẹmẹsunnu; to yẹyi mẹ mì nọ na pipa daho mìnọzo;

LOMUNU LẸ 13:10

Owanyi ma nọ wàzòn gbigble hlan kọmẹnu etọn: enẹwutu owanyi wẹ yìnyìn osén tọn.

LOMUNU LẸ 13:8

Mì duahọ núde tọn do ome de blo; adavo nado yiwanna mìnọzo; na ewọ mẹhe yiwanna mẹdevo ko yìn osén lọ.

GALATIANU LẸ 5:22

Ṣigba sinsén Gbigbọ tọn wẹ, owanyi, ayajẹ, jijọho, linsinven, homedagbe, dagbewà, nugbowà,

GALATIANU LẸ 5:6

Na to Jesu Klisti mẹ, owhẹgbo ma yín nudepope, kavi owhẹmagbo; adavo yise he to azọnwà gbọn owanyi mẹ.

GALATIANU LẸ 6:10

Be enẹwutu le mìwlẹ mọtẹn do, mì gbọ mí ni nọ wa dagbe hlan omẹ popo, humọ hlan yé he yín yise whédo tọn lẹ.

GALATIANU LẸ 6:2

Mì nọ hen agbán mìnọzo tọn, na mì nido hẹn osén Klisti tọn di.

EFESUNU LẸ 5:2

bo nọ zinzọnlin to owanyi mẹ, yèdọ dile Klisti yiwanna mí ga, bọ é sọ yí ede na mí di nunina, podọ di avọ̀ hlan Jiwheyẹwhe na onú vivi he whénwan gblingblin de.

KỌLỌSINU 1:4

to whenuena mí sè linlin yise mìtọn tọn to Klisti Jesu me, po owanyi he mì tindo do mẹwiwe lẹpo go po,

1 TẸSALONIKANU LE 3:12

Na Oklunọ ni hẹn mì sudeji, na mì ni sọ to susu owanyi mẹ hlan mìnọzọ, podọ hlan gbẹtọ lẹpo, yèdọ dile mí to bibasi hlan mì dali do.

2 TẸSALONIKANU LẸ 1:3

Mìwlẹ ma sọgan nọ opé mado hlan Jiwheyẹwhe whepoponu na mì, mẹmẹsunnu, le é jẹ do, na yise mìtọn to whinwhẹn deji susu, podọ owanyi dopodopo mìtọn tọn do mìnọzo go lẹzun susu;

HEBLU LẸ 13:1

GBỌ owanyi mẹmẹsunnu tọn ni tin to ote jeijei.

JAKOBU 2:8

Eyín mìwlẹ yìn tado osén tọn lọ dile Owé wiwe te, Hiẹ na yiwanna kọmẹnu towe di dewe, mì wà dagbe:

1 PITA 1:22

Le mì ko lẹ́ alindọn mìton lẹ wé to tónusise mìtọn mẹ hlan nugbo jẹ owanyi mẹmẹsunnu tọn madoklọ mẹ, mì nọ yiwanna mìnọzọ talala po ayiha wiwe po:

2 PITA 1:7

owanyi na mẹmẹsunnu dogó jiji-di-Jiwheyẹwhe tọn; podọ owanyi dogó owanyi na mẹmẹsunnu.

1 JOHANU 3:11

Na ehe wẹ owẹn he mì sè sọn whẹ́whẹ́whenu, dọ mí ni yiwanna mìnọzo.

1 JOHANU 3:23

Ehe wẹ osén etọn, Dọ mí ni yí oyín Jesu Klisti Ovi etọn tọn se, bo sọ yiwanna mìnọzo yèdọ dile ewọ na osẹ́n mí do.

1 JOHANU 4:21

Osẹ́n he wẹ mí mọyi sọn e de, dọ ewọ he yiwanna Jiwheyẹwhe, yiwan na mẹmẹsunnu etọn ga.

2 JOHANU 1:5

Be dinvie yẹn sọ vè we, yọnnu yẹyinọ é ma yín yẹn tlẹ sọ wlanwe osẹ́n yọ́yọ́ de tọn hlan we gba, adavo ehẹ mí ko tindo sọn whẹ́whẹ́whenu, dọ mì ni yiwanna mìnọzo.