JOHANU 12:48 - BIBLU WIWE LỌ 1923

⁴⁸ Ewo he gbé mi, bo ma sọ yí ohó ṣie lẹ, tindo mẹhe to owhẹ̀ etọn da de: ohó he yen dọ lọ, dopolọ wẹ nasọ dawhèna ẹn to azán pòdo gbè.

JOHANU 12:48 Iomraidhean Croise

ISAIA 53:3

Yè vlẹ ẹ, yè sọ gbẹ́ ẹ to gbẹtọ lẹ de, gbẹtọ awublanọ, he yọ́n awubla: é sọ taidi mí hẹn nukun mítọn whla sọn e go; yè vlẹ ẹ, mí ma sọ ho e pọ́n.

MATIU 10:15

Nugbo wẹ yẹn dọ hlan mì, E na pónte na aigba Sọdọmi po Gomọla po tọn to whẹdazángbè hú na otò ne.

MATIU 21:42

Jesu sọ dọ hlan yé, dọmọ, Be mìwlẹ ma ko hia to Owé wiwe lẹ mẹ gbède, dọ, Zannu he didótọ lẹ gbé dai, Doponẹ wẹ yè hẹn yín gángánsu hòlọnglọnẹn tọn, Ehe wẹ sọn Oklunọ de, E sọ jawu to nukun mìtọn mẹ.

MATIU 25:31

Ṣigba whenuena Ovi gbẹtọ tọn na wá to gigo etọn mẹ, po angẹli lẹpo po e po, whenẹnu we é na sinai to ofìn gigo etọn tọn ji.

MALKU 12:10

Be mì ma ko hia Owé wiwe he, Zannu he didótọ le gbé dai, Dopolọ wẹ so lezun gángánsu hòlọnglọnẹnme ton.

MALKU 16:16

Mẹhe yise bọ yè baptizi i, yè na whlẹn ẹn gán; ṣigba mẹhe ma yise wẹ yè na gblewhẹdo.

MALKU 8:31

E sọ só pinplón yé dọmọ, Ovi gbẹtọ tọn ma sọgan nọ ma jiya na onú susu, bo sọ yín gbigbé dai gbọn mẹho lẹ dali, po ogán yẹwhenọlẹ tọn po, po wekantọ le po bo na yín hùhù bo sọ fọ́n to azán atọ̀n godo.

LUKU 10:16

Mẹhe Sè mìtọn, é sè ṣie; mehe sọ vlẹ mì, é vle mi; mẹhè sọ vlẹ mi, é vlẹ ewọ hé do mi hlan.

LUKU 17:25

Ṣigba é ma sọgan nọ ma duya onú susu tọn whẹ, na yè ni sọ gbé ẹ dai sọn alọ whendo he tọn mẹ gba.

LUKU 20:17

Ṣigba é pọ́n yé, bo dọmọ, Be etẹwẹ ehe yè wlanwe do, Ozannu he didóto le gbẹdai, Dopolò wẹ ye do basi otado holonglonen mẹ tọn?

LUKU 7:30

Ṣigba Faiesi lẹ, po osénnọ lẹ po sọ gbé linlẹn Jiwheyẹwhe tọn dai na: yéde, yè ma sọ baptizi ye to e de.

LUKU 9:22

dọmọ, Ovi gbẹtọ tọn ma sọgan nọ ma jiya onú susu tọn, bọ yè nasọ gbé ẹ sọn mẹho lẹ de, po ogán yẹwhenọ lẹ tọn po, po wekantọ lẹ po, bo sọ yín hùhù, to azán atọntọ, yè nasọ fọ́n ẹn do ogbẹ.

LUKU 9:26

Na mẹdepope he winyan ṣie po ohó ṣie po tọn hù, ewọ wẹ winyan etọn na hù Ovi gbẹtọ tọn, whenuena é ja to gigo ewlọsu tọn mẹ podọ to Otọ́ etọn tọn mẹ, podọ to angẹli wiwe lẹ tọn mẹ.

JOHANU 11:24

Malta dọ hlan ẹn, dọ, Yẹn yọnẹn dọ é nasọ fọ́n to fọ́nsọnku mẹ to azán pòdo gbè.

JOHANU 5:45

Mì lẹn dọ yẹn na slẹ mì hlan Otọ́ blo: mẹde tin mẹhe to mì slẹ, yèdọ Moṣe, mehe go mì dotudo.

JOHANU 6:39

Ehe we ojlo mẹhe do mi hlan tọn, dọ to onú he é ko na mi lẹ mẹ yẹn hẹn depópe bú to yé mẹ blo, ṣigba na yẹn ni fọ́n ẹn do ote to azán podo gbè

JOHANU 8:47

Mehe yín Jiwheyẹwhe tọn nọ sè ohó Jiwheyẹwhe tọn lẹ; ehe tọn wutu wẹ mìwlẹ ma sè, na mì ma yín Jiwheyẹwhe tọn wutu.

OWALỌ APỌSTELI LẸ TỌN 17:31

sọle ewọ ko dè azán de, ehe mẹ ewọ na dawhèna aihọn to dódó mẹ to dawe he ewọ ko do de mẹ; ehetọn é ko na adọgbigbó hlan gbeto lẹpo, to ehe mẹ é ko fọ́n ẹn sọn osiọ le mẹ.

OWALỌ APỌSTELI LẸ TỌN 3:23

E nasọ wa jọ, ayiha depope he ma yí yẹwhegán lo se, we yè na súdo sọn gbẹtọ lẹ mẹ.

LOMUNU LẸ 2:16

To azán he gbè whenuena Jiwheyẹwhe na dawhè asli gbẹtọ tọn gbọn Jesu Klisti de dile wẹndagbe ṣie te.

2 KỌLINTINU LẸ 4:3

Ṣigba eyín wẹndagbe mítọn yín ehe bè, e yin bibè hlan ome he to dindon lẹ:

2 TẸSALONIKANU LẸ 1:8

mẹhe to ahọsuyì to yé he ma yón Jiwheyẹwhe lẹ go, podọ yé he ma setónuna wẹndagbe Jesu Klisti Oklunọ mítọn tọn lẹ, to miyọn he to jiji mẹ:

HEBLU LẸ 10:25

to ma gbé opli mìde tọn mẹ, dile jijo mẹdelẹ tọn te; ṣigba mí ni nọ to homẹjladona mìnọzo; humọ na le mì mọ dọ azán lọ to sisepó.

HEBLU LẸ 12:25

Mì payi e go dọ mì sọ gbẹ́ ewọ he to hódọ blo. Na eyín yé he gbẹ́ ewọ he to hódọ to aihọn mẹ ma gán, nẹmunẹmu wẹ mìwlẹ ma na sọgan hòngan, eyín míwlẹ lé sọn ewọ he to hódọ sọn olon mẹ de:

HEBLU LẸ 2:3

nawẹ mìwlẹ na hòngán do, eyín mí gbẹkọ whlẹngan daho di ehe hunkọ go, he yè to dido sọn whéwhéwhenu gbọn Oklunọ me, bọ yè sọ to didọ hlan mí sọn yé he ko sè to onù etọn mẹ lẹ de;

HEBLU LẸ 4:12

Na ohó Jiwheyẹwhe tọn tin to ogbẹ̀, é dohuhlọn, bo da hú ohi nùawenọ, é nọ só omẹ, yèdọ nado klán ayiha po gbigbọ po do vòvò agómẹ húpétẹn tọn po ojo ohú mẹ tọn po, ewọ sọ wẹ linlẹn ayiha tọn po ojlo ayiha tọn po yonentọ.

1 PITA 1:5

mẹhe yè whlá gbọn huhlọn Jiwheyẹwhe tọn dali, gbọn yise mẹ hlan whlẹngan he to yiya nado hẹn sọawúhia to ojlẹ godo tọn mẹ.

2 PITA 3:3

na mì ni sọ yọn ehe whẹ́, dọ, mẹvlẹtọ lẹ ná wá po ovlẹ po to azán godo tọn mẹ, bo na to zọnlinzin to ojlo yéde tọn mẹ,

2 PITA 3:7

ṣigba olọn he tin to dinvie lẹ, po aigba lọ po, gbọn ohó dopo lọ dali yè sọ whlá hlan miyọn, bo sọ hla yé dai hlan whẹdazángbè po dindọn mẹylankan lẹ tọn po.

1 SAMUẸLI 10:19

ṣigba míwlẹ to azán he gbè gbẹ́ Jiwheyẹwhe mìtọn, mẹhe ewlọsu whlẹn mì sọn núhámẹ mìtọn lẹ mẹ po nukunbibia mìtọn lẹ po; míwlẹ ko sọ dọ hlan ẹn dọ, Lala, ṣigba dè ahọlu de do mí ji. Enẹwutu dinvie mì ni hẹn mìde sọawuhia to OKLUNỌ nukọn gbọn whẹ́ndo mìtọn lẹ dali, podọ gbọn fọtọ́n mìtọn lẹ dali.

1 SAMUẸLI 8:7

OKLUNỌ sọ dọ hlan Samuẹli dọ, Tuntóai hlan ogbè omẹ ewlẹ tọn to enẹ he yé dọ hlan we lẹpo mẹ; na hiẹ ma wẹ yé ko gbẹ́ gba, ṣigba yẹn wẹ yé ko gbẹ́, na yẹ́n ma na do duahọlu to yé ji.