JOHANU 12:32 - BIBLU WIWE LỌ 1923

³² Podọ yẹn, eyín ye zé mi daga son aigba, na dòn gbẹtọ lẹpo hlan dẽ.

JOHANU 12:32 Iomraidhean Croise

2 SAMUẸLI 18:9

Absalọmi sọ dùkosọ nado pé mẹmẹsi Davidi tọn lẹ. Absalọmi hẹ̀ otlòsọ etọn ji, otlòsọ lọ sọ gbọn alà atin pánhan daho de tọn glọ yì, yè sọ zé e daga to olọn po aigba po ṣẹnṣẹn; otlòsọ he tin to glọ etọn lọ sọ jù yì.

OHÀN SỌLỌMỌNI TỌN 1:4

Dòn mi; mí na họnwezun wá dewe; Ahọlu ko hẹn mi wá abò etọn mẹ: Milẹ na jaya, homẹ mítọn na sọ hùn do ogo we, Milẹ na flin hó owanyi towe tọn dọ hú vẹ̃nhàn: Yé yiwanna we jlọjlọ.

ISAIA 11:10

To azán nẹ gbe, adọ̀ Jese tọn de na tin ehe na nọte na asia gbẹtọ lẹ tọn; E de wẹ kosi lẹ na din hlan: gbọjẹ etọn na sọ yín gigonọ.

ISAIA 49:6

E sọ dọ dọmọ, E yín onú pẹvi na hiẹ ni yín devi ṣie, nado zé ohẹnnu Jakob tọn lẹ doaga, podọ nado lẹ́ omẹ whiwhla Islaeli tọn gọ́: yẹn na sọ yí we do basi hinhọ́n Kosi lẹ tọn, na hiẹ nido yín whlẹngán ṣie kaka jẹ pòdo aigba tọn.

HOSEA 11:4

Yẹn yí okàn gbẹtọ de tọn lẹ do dọ̀n yé, po okọ̀gàn owanyi tọn lẹ po; yẹn bo sọ tin hlan yé di yé he dè oglepọ̀nu sẹ̀ sọn aglan yetọn lẹ mẹ, yẹn bo sọ zé núdùdù do yé nukọn.

Osọha lẹ 21:9

Moṣe sọ basi odàn ogàn vẹ tọn de, bò yí i do atin lọ ji: é sọ wà jọ, dọ eyín odàn de hẹnadú omẹ depope whenuena é pọ́n hlan odàn ogànvẹ̃ tọn lọ de, é gán.

JOHANU 1:7

Ewọ lọ wẹ wá di kunnudetọ, nado dekunna na hinhọ́n lọ, na gbẹtọ lẹpo nido yise gbọn ewọ dali

JOHANU 12:34

Enẹwutu agùndaho lọ gblọn nẹ dọ, Mi ko sè sọn osén mẹ dọ Klisti na nò kakadoi: nawe hiẹ dọ do dọ Yè ma sọgan nọ ma zé Ovi gbẹtọ tọn daga? Menu wẹ Ovi gbẹtọ tọn he?

JOHANU 18:32

Na ohó Jesu tọn nido di, ehe é dọ do DO oku he hunkọ é na kú hia.

JOHANU 19:17

ewọ sọ yì gbonu hìnhẹn satin ede tọn jẹ ofi otaka de tọn lọ, he yè nọ ylọ to Heblu mẹ Golgọta:

JOHANU 3:14

Dile Moṣe zé odàn do aga to zùngbo mẹ, mọkẹde wẹ yè ma sọgan nọ ma zé Ovi gbẹtọ tọn do aga:

JOHANU 6:44

Mẹdepope ma sọgan wá dè, adavo Otò he do mi hlan dòn ẹn: yẹn nasọ fọ́n ẹn do ote to azán pòdo gbè.

JOHANU 8:28

Enẹwufu Jesu dọmọ, Whenuena mì ko zé Ovi gbẹtọ tọn daga, whenẹnu wẹ mì na yọnẹn dọ yẹn wẹ ewọ lọ, na yẹn ma wà núde na dẽ; ṣigba le Otọ́ sié plón mi do, wẹ yẹn to onu helẹ dọ.

GALATIANU LẸ 3:13

Klisti ko fli mí sọn dẹ̀hodo osén tọn mẹ, mẹhe lezun mẹhodèdo de to oten mítọn mẹ, na yè ko wlan ẹn dọ, Mẹhodèdo wẹ omẹ depope he yè sọpla do atin go:

1 TIMOTI 2:6

mẹhe yí ede do fli omẹ popo, nado yín kunnude to ojlẹ etọn me.

HEBLU LẸ 2:9

Ṣigba mìwlẹ mọ Jesu, mẹhe yè hẹn whè pẹvide hú angẹli lẹ, na yajiji okú tọn wutu yè yí gigo po yẹyí po do ṣinyọn ojẹgbakun nẹ; na gbọn ojọmiọn Jiwheyẹwhe tọn dali ewọ nidó dó okú pọn na gbẹtọ le dopodopo.

1 PITA 2:24

mẹhe ewọlọsu yí agbasa ede tọn dò hẹn ylando mítọn to atin ji, na mí he ko kú hlan ylando nido tin to ogbẹ̀ hlan dódó: gbọn bápa mẹhetọn dali yè hẹnazọ̀ngbọna mì.

1 PITA 3:18

Na Klisti lọsu ga jiya whladopo na ylando wutu, dodonọ na mawàdódónọ, na é nido hẹn mi wá Jiwheyẹwhe de, mẹhe yè hù to agbasalan mẹ, ṣigba bọ yè hẹn wá ogbè to gbigbọ mẹ:

1 JOHANU 2:2

Ewọ sọ wẹ oyẹ́su na ylando mítọn: é ma yín mítọn kẹdẹ, ṣigba na ylando aihọn lẹpo tọn ga.

OSỌHIA 5:9

Yé sọ jihan yọ́yọ̀ de, dọ, Hiẹ wẹ jẹ nado yí owé lọ, podọ nado hùn hiadonu etọn: na yè ko hù we; hiẹ ko sọ yí ohùn towe do fli mi hlan Jiwheyẹwhe sọn akọta lẹpo mẹ, sọn ogbè lẹpo mẹ, sọn gbẹtọ lẹpo mẹ, podọ sọn aigba lẹpo ji;