JOHANU 10:20 - BIBLU WIWE LỌ 1923

²⁰ Ome susu to yé mẹ sọ dọmọ, Ewọ tindo aovi de, nulunọ sọ wẹ; etẹwutu wẹ mì to ohó etọn se?

JOHANU 10:20 Iomraidhean Croise

ISAIA 53:8

Yè dè e sọn ofi hihla bo hù i do kunnuji: mẹnu wẹ na dọhó whẹndo etọn tọn? na yè sán ẹn sọn aigba ogbẹnọ lọ tọn ji: ylando omẹ ṣie lẹ tọn, wẹ yè linu in na.

JẸLEMIA 29:26

OKLUNỌ ko hẹn we zùn yẹwhenọ do otẹn Jehọiada yẹwhenọ lo tọn mẹ, na mìwlẹ na do yín ogándaho jẹ to ohò OKLUNỌ tọn mẹ, na omẹ depope he yín nulunọ, bo hẹn ede zùn yẹwhegán de, na hiẹ nido yí i do osópò lẹ mẹ podọ do okògàn lẹ mẹ.

MATIU 10:25

E sù na mẹhe yè to pinplón ni dile meplóntọ etọn te, podọ na afanumẹ ni di Oklunọ etọn. Eyín yé ylọ whénọ dọ Beẹzẹbuli, be nẹmunẹmu wẹ yé ma na ylọ yé he tin to owhé etọn gbè lẹ?

MATIU 11:18

Na Johanu wá, é ma dù, mọ é ma nù, yé dọmọ, E do aovi.

MATIU 9:34

Ṣigba Falẹsi lẹ dọmọ, Huhlọn ogán lẹgba lẹ tọn tọn wẹ é do to lẹgba lẹ yan jegbonu.

MALKU 3:21

Whenuena họ́ntọn etọn lẹ sè e, yé tọn yì nado wlé e, na ye ko dọ, dọ, Otamẹ etọn gble.

JOHANU 7:20

Agùndaho lọ sọ gblọn, dọmọ, Hiẹ tindo aovi de: mẹnu wẹ to dindìn nado hù we?

JOHANU 8:52

Ju le dọ hlan en, dọmọ, Dinvie wẹ mìwlẹ yọnẹn dọ hiẹ tindo aovi de. Ablaham kú po yẹwhegán lẹ po; hiẹ sọ dọmọ, Eyín mede yí ohó ṣie hen, é ma na dọ okú pọ́n gbède.

OWALỌ APỌSTELI LẸ TỌN 26:24

Le e to onú helẹ dọ na ede, Festu yí ogbè lélé do dọmọ, Paulu, ayihadiọ wẹ, nupinplón glànglàn hen we lunú.