JOHANU 10:14 - BIBLU WIWE LỌ 1923

¹⁴ Yẹn wẹ lengbọhotọ dagbe lọ, yẹn sọ yón lẹngbọ ṣie titi lẹ, ṣie titi lẹ sọ yón mi.

JOHANU 10:14 Iomraidhean Croise

PSALM 1:6

Na OKLUNỌ yón ali dódónọ lẹ tọn: Ṣigba ali mẹylankan lẹ tọn na súdo.

ISAIA 40:11

Ewọ na yìn kanlinpa etọn di lẹngbọhọtọ de: é na sọ yi awà etọn do bẹ́ lẹngbọvu lẹ pli, bo zé yé do akọ́n etọn nu, bo sọ wà dẹ̃dẹ do plan ehe mọhò lẹ jegbonu.

ISAIA 53:11

E na mọ sinsẹ́n tukla ayiha etọn mẹ tọn, é na sọ pékọ nẹ̃: gbọn nuyọnẹn etọn dali wẹ devi ṣie dódónọ na sùwhẹ́na omẹ susu, na ewọ na hẹn ylando yetọn lẹ.

NAHUMI 1:7

Dagbenọ wẹ OKLUNỌ, figángán de to azán tukla tọn gbè; podọ ewọ sọ yọn yé he yí tudido yetọn do ewọ mẹ lẹ.

JOHANU 10:11

Yen wẹ lẹngbọhọtọ dagbe lọ: lẹngbọhọtọ dagbe zé ogbè etọn dai na lẹngbọ lẹ

JOHANU 10:13

E hònyi, na pakanọ de wẹ ewọ wutu, é ma sọ hòpọnna lẹngbọ lẹ gba.

JOHANU 10:27

Lẹngbọ ṣie le se ogbè ṣie, yen sọ yón ye, ye sọ nọ hodo mi:

JOHANU 17:3

Podọ ehe wẹ ogbè madopodo, dọ ye ni ylihiẹ sokede Jiwheyẹwhe nugbo, podọ ewọ mẹhe hiẹ dohlan, yèdọ Jesu Klisti.

JOHANU 17:8

Ná ohó he hiẹ na mi lẹpo wẹ yẹn ko na hlan yé; yé ko yí yé, bo sọ yọnẹn hézéhezé do, de we we yẹn sọn wá, yé ko sọ yise dọ hiẹ wẹ do mi hlan

2 KỌLINTINU LẸ 4:6

Na Jiwheyẹwhe, he degbèna hinhọ́n nado hónun sọn zinvlu me, ko hónun to ayiha mítọn lẹ me, nado na hinhọ́n oyọnẹn gigo Jiwheyẹwhe tọn tọn omẹ to nukun Jesu Klisti tọn mẹ.

EFESUNU LẸ 1:17

dọ, na Jiwheyẹwhe Jesu Klisti Oklunọ mítọn tọn, Otọ́ gigo ton, nido na gbigbọ nuyọnẹn tọn po osọhia tọn po hlan mì to oyọnẹn etọn mẹ:

EFESUNU LẸ 3:19

podọ nado yón owanjù Klisti tọn, he suhú nuyọnẹn, na mì nido gó na gigọ́ Jiwheyẹwhe tọn lẹpo.

FILIPPINU LẸ 3:8

Mowẹ nugbo, yẹn ko lẹn onú lẹpo do nugúgú na whanpẹ oyọnẹn Klisti Jesu Oklunọ ṣie tọn; na mehe yẹn to oya gúgú onú lepo tọn ji, yen sọ hia yé di omí, na yẹn nido duale Klisti tọn,

2 TIMOTI 1:12

Na ehewutu yen to yaji na onú helẹ; ṣigba winyan ma hù mi; na yẹn yọ́n mẹhe yẹn yise, yè sọ hẹn mi yọnẹn dódo dọ, ewọ sọgan yí onú he yen yí do alọ mẹ nẹ̃ whiákaka jẹ azán nẹ gbè.

2 TIMOTI 2:19

Ṣigba odòdó lili Jiwheyẹwhe tọn nọte, bo tindo ohia he, Oklunọ yón yé he yín etọn lẹ. Podọ, Gbọ omẹ depope he yín oyín Klisti tọn ni fọ́nyì sọn mawàdódó mẹ.

1 JOHANU 5:20

Mí sọ yọnẹn dọ Ovi Jiwheyẹwhe tọn wá, bo sọ na wuntùntùn mí, na mí nido yón ewọ he yín nugbo, mìwlẹ sọ tin to ewọ he yin nugbo mẹ, yèdọ to Jesu Klisti Ovi etọn mẹ. Ehe wẹ Jiwheyẹwhe nugbo lọ po ogbè madopodo po.

OSỌHIA 2:13

Yẹn yọ́n azon towe po fìe hiẹ nọnọ̀ po, yèdọ fìe aisintẹn Satani tọn te: bọ hiẹ sọ tẹ́do oyín ṣie go gligli; bo ma sọ món yise ṣie, yèdọ to azán nẹle mẹ he Àntipa do yín kunnudetọ nugbonọ ṣie, mẹhe yè hù to mì ṣẹnṣẹn to fie Satani nọnọ̀,

OSỌHIA 2:19

Yẹn yón azọn towe lẹ, po owanyi towe po po yise po po devizọn po po homẹfa po, podọ azọn towe godome tọn lẹ tin sù hugan tintan lọ.

OSỌHIA 2:2

Yẹn yọn azọn towe, magbọje towe, homẹfa towe, podọ le hiẹ ma sọgan doakọnna mẹylankan lẹ do: bo ko Sọ whle yé he domọ apọsteli wẹ ye lẹ pọn, bọ yé ma so yin mọ, bo sọ yí yé do mọ lalonọ:

OSỌHIA 2:9

Yẹn yọn azon towe, nukunbibia po óhen towe po (ṣigba adọkunnọ we hiẹ) yẹn sọ yon nùzinzan yé he dọ Ju wẹ yé, bo ma yín mọ, ṣigba sinagọgu Satani tọn wẹ yé.

OSỌHIA 3:1

HLAN angẹli agùn he tin to Sadi mẹ kanwe Onú helẹ wẹ ewọ he tindo Gbigbọ ṣinawe Jiwheyẹwhe tọn lẹ po sunwhlẹvu ṣinawe lẹ po dọ; Yẹn yọ́n azọn towe lẹ, dọ hiẹ tindo oyìn de dọ hiẹ tin to ogbẹ̀, ṣigba oṣiọ wẹ híẹ

OSỌHIA 3:15

Yen yón azón towe, dọ hiẹ ma miọn mọ hiẹ ma hùnzo: yen jlo dọ hiẹ ni gbo bo miọn kavi hiẹ ni hùnzo.

OSỌHIA 3:8

Yẹn yọ́n azọ́n towe lẹ, do ayi ego, yẹn zé ohọ̀n he yè hùn dai do nukọn towe, mẹde ma sọgan sú i: na hiẹ tindo huhlọn pẹvide wutu, bo yi ohó ṣie whlá, bo ma sọ mọ́n oyín ṣie.