JOHANU 1:3 - BIBLU WIWE LỌ 1923

³ Gbọn alọ etọn me wẹ yè dá onú popo, to godo etọn onú de ma tin bọ ye sọ dá to onù he yè dá lepo me.

JOHANU 1:3 Iomraidhean Croise

Gẹnẹsisi 1:1

TO whéwhẹ́whenu Jiwheyẹwhe dá olọn po aihọn po.

Gẹnẹsisi 1:26

Jiwheyẹwhe sọ dọmọ, Gbọ mí ni basi gbẹtọ to bosiọ mitọn mẹ, to apajlẹ mítọn mẹ: bo gbọ yé ni duahọlu to owhèvi ohù mẹ tọn ji, podọ to ohẹ́ aga tọn ji, po to whékanlin ji, po to aigba lẹpo ji, po to núlìnlìn he nọ tin to aigba ji lẹ po.

PSALM 102:25

Sọn hóhó wẹ hiẹ ko do dòdó aihọn tọn ai; Olọn lẹ sọ wẹ azọ́n alọ towe nu tọn.

PSALM 33:6

Gbọn ohó OKLUNỌ tọn dali wẹ yè da olọn lẹ; Podọ gbọn gbigbọ onù etọn mẹ tọn dali wẹ yè da awhàn yetọn lẹpo.

HÓWHÍNWHÉN LẸ 8:30

Whenẹnu yẹn tin to e de di azọ́nwàtọgán de: Yẹn sọ yín homẹhùn etọn egbesọegbesọ, Yẹn to ayajẹ whepoponu to nukọn etọn.

ISAIA 45:12

Yẹn wẹ da aigba, bo sọ da gbẹtọ do e ji: yẹn, yèdọ alọ ṣie wẹ dlẹn olọn lẹ, yẹn ko paṣẹna awhàn yetọn lẹpo.

ISAIA 45:18

Na le wẹ OKLUNỌ he da olọn lẹ lọ dọ, Jiwheyẹwhe lọsu he da aihọn, bo sọ basi i; é ko hẹn ẹn nọte, é ma da ẹ tata gba, é do e na mí nido nọnọ̀ e mẹ, yẹn wẹ OKLUNỌ; mẹdevo ma tin.

JOHANU 1:10

Ẹwọ ko tin to aihon me, gbọn ewọ mẹ wẹ yè dá aihọn, aihọn ma sọ yón ẹn.

JOHANU 1:2

Ewọ lọ wẹ ko tin to whẹwhẹ whenu po Jiwheyẹwhe po.

1 KỌLINTINU LẸ 8:6

ṣigba hlan mìwlẹ Jiwheyẹwhe dopo wẹ tin, Otọ́, mẹhe de onú lẹpo sọn, mẹhe mẹ mìwlẹ te; Oklunọ dopo, Jesu Klisti, mẹhe dali onú lẹpo tin gbọn, podọ mìwlẹ gbọn e dali.

EFESUNU LẸ 3:9

podọ nado hen gbẹtọ lẹpo mọ etẹ we kọndopọ nudabla tọn lo, ehe yè sọ whlá to Jiwheyẹwhe mẹhe da onú lẹpo mẹ, Bọn owhenu lẹpo mẹ;

HEBLU LẸ 11:3

Gbọn yise dali mìwlẹ yọnẹn dọ gbọn ohó jiwhey ẹwhe tọn dali wẹ yè tò owhenu lẹ do hajihaji te, sọmọ bọ yè ma yí onú he yè ma mọ do da onú he yè mọ le gba.

1 JOHANU 5:1

MẸDEPOPE he yise dọ Jesu wẹ Klisti, yè dè e tọn sọn Jiwheyẹwhe de: mẹdepope he sọ yiwanna mẹjitọ, é yiwanna ewọ he yè dètọ́n sọn e mẹ ga.

OSỌHIA 3:14

Podọ hlan angẹli he tin to Laodikea tọn kanwe; Onú helẹ wẹ Niṣẹ dọ, kunnudetọ: dódónọ, nugbonọ, omẹ tintan to nudida Jiwheyẹwhe tọn lẹ mẹ;

OSỌHIA 4:11

Oklunọ mítọn podọ Jiwheyẹwhe mítọn, hiẹ we jẹ nado yí gigo, yeyi, po huhlọn po: na hiẹ wẹ da onú popo, podọ to ojlo towe mẹ wẹ yé do: tin, bọ yè sọ do da yé.