JOHANU 1:14 - BIBLU WIWE LỌ 1923

¹⁴ Yè sọ lẹ Ohó lọ zùn agbasalan, é sọ nò mí ṣẹnṣẹn, mí pọ́n gigo etọn gigo he di Ovi dèton dopo akàn sọn Otọ́ de, mẹhe go na ojọmiọn po nugbo po.

JOHANU 1:14 Iomraidhean Croise

PSALM 2:7

Yẹn na dọ oséndoai lọ: OKLUNỌ ko dọ hlan mi, dọmọ, Hiẹ wẹ Ovi ṣie; Egbé wẹ yẹn dè we tọ́n.

PSALM 45:2

Hiẹ yọ́n whanpẹ hú ovi gbẹtọ tọn lẹ: yè kọ̀n ojọmiọn do nùflo towe ji: Enẹwutu wẹ Jiwheyẹwhe to didona we kakadoi.

PSALM 85:9

Nugbo, whlẹngan etọn sẹpọ́ yé he dibusi i lẹ; Na gigo nido nọnọ̀ aigba mítọn ji.

ISAIA 40:5

Yè na do gigo OKLUNỌ tọn hia, agbasa lẹpo wẹ na mọ ẹn dopọ: na onù OKLUNỌ tọn wẹ dọ ẹ.

ISAIA 53:2

Na é na whẹ́n daga to nukọn etọn di atin nùfẹ́, podọ di adọ̀ sọn aigba húhú mẹ; awutu-hia etọn ma yón, mọ é ma féawu; whenuena yè mọ ẹn, é ma tin awufẹ́ he é do do jlo mí.

ISAIA 7:14

Enẹwutu, OKLUNỌ lọsu na na ohia de mì; dayi e go, awkli de na mọhò, bo na sọ ji visunnu de, bo na ylọ Oyín etọn dọ Emmanuẹl.

EZEKIELI 37:27

Ogohọ̀túntún ṣie ga na tin to yé ta; yẹn bo na sọ yín Jiwheyẹwhe yetọn, yéwlẹ bo na sọ nọ yín omẹ ṣie lẹ.

MATIU 1:16

Jakobu ji Josefu, asú Malia tọn, sọn mẹhe de yè ji Jesu, he yè ylọ Klisti.

LUKU 2:11

Na yè ji Whlẹngan tọ de hlan mì to egbé to otò daho Davidi tọn mẹ, he yín Klisti Oklunọ.

LUKU 2:7

E sọ hẹn visunnu plọnji etọn jẹgbonu wá, bo sọ yí ajaken hizi do e go, bo sọ té ẹ do opa kanlin tọn de mẹ; na ohònu ma tin na yé to dohò mẹ wutu.

LUKU 9:32

Ṣigba nukun Pita po yé he tin to e de lẹ po tọn pọ́n na amlọn: whenuena yé sọ fọ́n, yé mọ gigo etọn, po sunnusi awe he site to é de lẹ po.

JOHANU 1:1

TO whéwhẹwhenu we Ohó lọ ko tin, Ohó lọ ko tin po Jiwheyẹwhe po, Ohó lọ wẹ Jiwheyẹwliẹ.

JOHANU 11:40

Jesu dọ hlan ẹn, dọ, Yẹn ma kọ dọ hlan we, dọ, Eyín hiẹ yise, hiẹ na mọ gigo Jiwheyẹwhe tọn?

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali

JOHANU 14:9

Jesu dọ hlan ẹn, dọ, Be le yẹn ko tin to mì de dẹn do, hiẹ ma ko yon mi gba, Filipi? ewọ he ko mọ mì ko mọ Oto; nawẹ hiẹ dọ do dọ, Do Otọ lọ hia mí?

JOHANU 17:22

Podọ gigo he hiẹ na mi, yẹn ko na hlan yé; na yé nido yín dopo, yèdo dile mìwlẹ yín dopo do.

JOHANU 17:24

Otọ́, Enẹlẹ he hiẹ na mi lẹ yẹn jlo dọ ofì he yen te yéwle ga ni tin to dẽ; na yé nido to gigo ṣie he hiẹ ko na mi pọ́n: na hie yiwanna mi jẹnukọnna jijo aihon tọn.

JOHANU 18:37

Enewutu wẹ Pilati sọ dọ hlan en, dọ, Be ahọlu de wẹ hiẹ? Jesu so gblọn dọmọ, Hiẹ dọ dọ ahọlu de wé yẹn. Hlan opodo he wẹ yè ko do ji mi, podo hlan opodo he wẹ yẹn do wá aihọn mẹ, na yẹn nido dekunnu hlan nugbo lọ. Mẹdepope Le yín nugbo tọn sè ogbè ṣie

JOHANU 2:11

Ehe wẹ ohia tintan he Jesú wà to Kana Galili tọn, bo dè gigo etọn do gbangba; nuplonto etọn le sọyí i sè.

JOHANU 3:16

Na Jiwheyẹwhe yíwánna aihọn sọmọ bọ e yí Ovi dètón etọn dopo ákan namẹ, na medepope he yí i sè ma nado dòn, sigba nido tindo ogbè madopodo

JOHANU 3:18

Mẹdepope he yí i se yè ma dawhẹna gba ewọ he ma yí i sè yè ko dawhè nẹ dai, na é ma yí oyín Ovi dètón dopo akan Jiwheyẹwhe ton lọ sè wutu.

JOHANU 6:51

Yẹn wẹ akla ogbènọ lọ, ehe jẹte sọn olọn wa; eyín mẹdepope dù to akla he mẹ, e na tin to ogbẹ̀ kaka doi: mowẹ akla he yẹn na na lọ wẹ olan ṣie, ehe yẹn na na na ogbẹ̀ aihọn tọn.

JOHANU 8:32

mìwlẹ nasọ yón nugbo, nugbo lọ nasọ hẹn mì jẹ mẹdekannu.

OWALỌ APỌSTELI LẸ TỌN 13:33

Le Jiwheyẹwhe ko hẹn ẹn sẹ hlan ovi mìtọn lẹ do, whenuena é ze Jesu tite; dile yè kàn ẹn do to Psalm awetọ mẹ ga, dọ, Hiẹ wẹ Ovi ṣie, egbé wẹ yẹn dè we tón.

LOMUNU LẸ 8:3

Na ehe osén ma sọgan wà, na ehe mẹ è yín madogánnọ te gbon agbasalan dali, Jiwheyẹwhe to dido Ovi etọn titi hlan to ohia agbasalan he gó na ylando, podọ na ylando, ko gblewhẹdo ylando to agbasalan mẹ:

LOMUNU LẸ 9:5

mẹhetọn otọ́ lẹ yín: podọ sọn mẹhe de Klisti gbọn agbasalan dali wá, mẹhe tin to onú popo ji, Jiwheyẹwhe donanọ kakadoi. Niṣẹ.

1 KỌLINTINU LẸ 15:47

Sunnu tintan wẹ sọn aigba mẹ, aigbanù: sunnu awetọ wẹ sọn olọn mẹ.

2 KỌLINTINU LẸ 12:9

Ewọ sọ dọ hlan mi, dọ, Ojọmiọn ṣie ko pó we, na madogán mẹ wẹ yè hẹn huhlọn ṣie sọgbè te. Enẹwutu wẹ yẹn na kúkú yí homẹhùnhùn do doawagun to madogán ṣie lẹ mẹ, na huhlọn Klisti tọn nido nọte do oji e.

GALATIANU LẸ 4:4

ṣigba whenuena ojlẹ gigọ́ lọ wá, Jiwheyẹwhe do Ovi etọn hlan, mẹhe yè ji sọn yọnnusi de, he yè ji to osẹn glọ,

EFESUNU LẸ 3:8

Na yen, he whè gbahú godotọ to mẹwiwe lepo me, wẹ yè yí ojọmiọn he na, na yẹn nido dọyẹwheho dinmamọdòna adọkun susu Klisti tọn tọn hlan Kosi lẹ;

KỌLỌSINU 1:19

Na òjlo Otọ́ tọn wẹ dọ, to ewọ mẹ wẹ gigo popo na nò;

KỌLỌSINU 2:3

Mẹhe mẹ yè yí adọkunnu nuyọnẹn tọn po zinzin lẹpo po tọn whlá do.

KỌLỌSINU 2:9

Na ewọ mẹ we gigọ́ ozọnji Jiwheyẹwhe tọn lẹpo nọnọ̀ to agbasa mẹ.

1 TIMOTI 3:16

Podọ matin núdindọn, daho wẹ nudabla jijọdi-Jiwheyẹwhe tọn: yè yí Jiwheyẹwhe hia to agbasa mẹ, bo sọ sùwhẹ nẹ̃ to Gbigbọ mẹ, yè mọ ẹn to angeli lẹ de, yè dọyẹwheho etọn hlan Kosi lẹ, yè yí i se to aihọn mẹ, yè sọ yí i daga do gigo mẹ.

HEBLU LẸ 1:3

mẹhe yín hinhọ́n gigo etọn tọn, podọ ojlẹmọ dodo odohia etọn tọn, bọ é sọ yí ohó huhlọn etọn tọn do hẹn onú lẹpo go, whenuena ewlọsu ko lẹ́ ylando mítọn lẹ sè, bo sọ sinai to adusilọ yẹyi Ganhunupo tọn ji to aga;

HEBLU LẸ 1:5

Na angeli tẹ lẹ wẹ é ko dọ hlan tọ ojlẹ de mẹ, dọ, Hiẹ we. Ovi ṣie, Egbé wẹ yẹn dè we tón? Podọ, Yẹn na yín Otọ́ hlan ẹn, Ẹwọ nasọ yín Ovi hlan mi?

HEBLU LẸ 10:5

Enẹwutu, whenuena é wá aihọn mẹ, é dọmọ, Avọ́ po nunina avọ́ tọn po hiẹ ma jlo, Ṣigba agbasa wẹ hiẹ ko wleawu etọn dai na mi:

HEBLU LẸ 2:11

Na mẹhe to omẹ hẹn zùn wiwe, po mẹhe yè to hinhen zùn wiwe po, omẹ dopo ton wẹ ye omẹ pó: na enẹwutu wẹ é ma do kuwinyan nado ylọ yé dọ mẹmẹsunnu,

HEBLU LẸ 5:5

Mọwẹ Klisti ga ma sọ dogigo ogo na edelọsu nado yí i do do yẹwhenọ daho de gba; adavo mẹhe dọ hlan ẹn, dọ, Hie wẹ Ovi ṣie, Egbé we yẹn dè we tón.

1 JOHANU 4:14

Mí ko mọ bo sọ dekunnu dọ Otọ́ do Ovi etọn hlan nado yín Whlẹngantọ aihọn tọn.

1 JOHANU 4:9

Ehe mẹ wẹ yè do owanyi Jiwheyẹwhe tọn hia hlan mí te, na Jiwheyẹwhe do Ovi dètọ́n etọn dopo akàn lọ hlan aihọn he mẹ, na mí nido nọgbẹ̀ gbon ewọ mẹ.

2 JOHANU 1:7

Na mẹklọtọ susu ko jẹgbonu yì biọ aihọn mẹ, yèdọ yé he ma yígbe dọ Jesu Klisti wá to agbasalan mẹ. Mẹklọtọ wẹ ehe lọ podọ agọ̀jẹdo-Klistigotọ.

OSỌHIA 19:13

Yè sọ doavọ̀ he yè ylón do ohùn mẹ de nọ̀; bo sọ nọ ylọ oyín etọn dọ Ohó Jiwheyẹwhe tọn.

OSỌHIA 21:3

Yẹn sọ sè ogbè daho de Sọn olọn mẹ to didọmọ, Do ayi e go, gohò Jiwheyẹwhe tọn tin to gbẹtọ lẹ de, ewọ nasọ nọhẹ yé, yé na yín ome etọn, Jiwheyẹwhe lọsu nasọ nọhẹ yé, bo nasọ yín Jiwheyẹwhe yetọn