JOẸLI 3:4 - BIBLU WIWE LỌ 1923

⁴ Mọwẹ, etẹ́ mìwlẹ sọ yín hlan yẹn, Tile, po Zidoni po emi, po agbègbè Filistia tọn lẹpo po? Míwlẹ na gọ̀ahọ̀suna núwiwà de sọn ṣie mẹ? podọ eyín mìwlẹ nahọ̀su mi, yiyayiya podọ tejiteji wẹ yẹn na lẹ́ núwiwà mìtọn gọ̀ do otà mìtọn lọsu ji.

JOẸLI 3:4 Iomraidhean Croise

2 OTÀNNUGBO LẸ 21:16

OKLUNỌ sọ fọ́nadan gbigbọ Filistini lẹ tọn do Jeholami ji po Alabianu lẹ tọn po he tin to Etiopianu lẹ dali:

ISAIA 14:29

A jaya blo, mì Filistini lẹpo, na aglọpò he hò wé wẹ́n wutu: na sọn adọ́ odàn tọn mẹ wẹ amàpoe de na tọn sọn, okún etọn na sọ yín mìyọndàn he to zinzlọn.

ISAIA 34:8

Na ahọsuyí zàngbè OKLUNỌ tọn wẹ, podọ owhè ahọsuyí tọn na whẹ̀gbè Ziọni tọn.

ISAIA 59:18

Kẹdẹdi owàlọ yetọn, mọkẹdẹ wẹ é na suahọ do, homẹgble hlan kẹ̀ntọ etọn lẹ, ahọsu hlan kẹ̀ntọ etọn lẹ; na jlopo lẹ é na yí ahọsu.

JẸLEMIA 47:1

OHÓ OKLUNỌ tọn he wá Jẹlemia yẹwhegán lọ de gbọn Filistini lẹ tọn dali, whẹpo dọ Falo hò Gaza.

JẸLEMIA 47:4

na azán he wá nado hẹn Filistini lẹpo gble tọn wutu, nado sán alọgọtọ he pò lẹpo sè sọn Tile po Zidọni po mẹ: na OKLUNỌ na hẹn Filistini lẹ, pipòtọ ohù tó Kaftoli tọn tọn gble.

JẸLEMIA 51:6

Họnyì son gblagbla Babilọni tọn mẹ, bo whlẹn omẹ dopodopo ogbẹ̀ etọn mì yín sinsán sè to oylanwà etọn me blo: na òjlẹ ahọsuyí OKLUNỌ tọn ton wẹ; ewọ na na ale de hlan ẹn.

JOẸLI 2:10

Aigba whàn to yé nukọn; olon lẹ sisọ: yè hẹn owhè po osùn po dozinvlu, sunwhlẹvu lẹ sọ dọ̀n sisẹ́ yetọn dogodo:

JOẸLI 2:2

azán zinvlu tọn de po zíndido po, azán aslọ lẹ tọn de po zinvlu titli po, dile wunkinkẹn dlẹn do osó lẹ ji do; gbẹtọ susu lẹ de po huhlọnnọ de po, mọnkọ ma ko tin gbède, mọ depope ma na sọ tin to yé godo, yèdọ jẹ owhè whẹndo lẹ susu mẹ.

MATIU 11:21

Dindọn hlan hiẹ, Kọlazin! dindọn hlan hiẹ, Betsaida! na eyín azón gángán, he yè wà to mí mẹ, yè ko wa to Tile po Sidoni po mẹ, yé na ko lẹnvọjọ to hóhó to odévò po afín po mẹ.

MATIU 11:22

Ṣigba yẹn dọ hlan mì, dọ, E na ponte na Tile po Sidoni po to whẹdazángbè hú na mì lẹ.

LUKU 10:13

Dìndọn hlan hiẹ, Kolazin! dindọn hlan hiẹ, Betsaida! nà eyín huhlọn lẹ he yè basi to mì mẹ yè ko basi tó Tile po Sidọni po mẹ, yé na ko vọjọ hóhó sinsinai to odévọ po afín po mẹ.

LUKU 10:14

Ṣogãn é na pónte na Tile po Sidọni po to whẹ̀dida mẹ hú na mì.

LUKU 18:7

Be Jiwheyẹwhe ma na yiahọsuna mesinyansinyan etọn lẹ, he to awhádo hlan ẹn to okle po ozán po, bọ ewọ so yín linsinẹníọ to yé ji?

OWALỌ APỌSTELI LẸ TỌN 9:4

E sọ jai, bo sè ogbè de he to didọ hlan ẹn, dọ Saulu, Saulu, etẹwutu wẹ hiẹ to homẹkẹndo mi?

Deutelonomi 32:35

ṣie wẹ ahọsuyí po ahọsu po, To ojlẹ lọ ji whenuena afọ yetọn na tlẹ: Na azán oyà yetọn tọn tin to yakẹ, Podọ onú he tin nado wá yé ji lẹ lọ na yawu wá.

2 TẸSALONIKANU LẸ 1:6

eyín mọ é yín dọ onú dódónọ de wẹ to Jiwheyẹwhe de nado yí nukunbibia do yíahọsu to yé he tó nukunbiana mì lẹ go;

WHẸ̀DATỌ 11:12

Jẹfta sọ dè mẹdagun lọ hlan ahọlu ovi Ammọni tọn lẹ tọn dọmọ, Etẹ hiẹ tindo nado wà po yẹn po, bọ hiẹ do wá dè nado hòavùn hẹ aigba ṣie?