JOẸLI 2:10 - BIBLU WIWE LỌ 1923

¹⁰ Aigba whàn to yé nukọn; olon lẹ sisọ: yè hẹn owhè po osùn po dozinvlu, sunwhlẹvu lẹ sọ dọ̀n sisẹ́ yetọn dogodo:

JOẸLI 2:10 Iomraidhean Croise

MATIU 24:29

Ṣigba to afọdoponẹji, to azán nukunbibia nẹlẹ tọn godo, yè na hẹn owhè dozinvlu, osùn ma to na yí hinhọ́n etọn hia, sunwhlẹvu lẹ nasọ flé sọn olọn, huhlọn olọn lẹ tọn lẹ wẹ yè nasọ whan.

ISAIA 13:10

Na sùnwhlẹvu olọn tọn lẹ, podọ mlindopọ yetọn ma to na họ̀n hinhọn yetọn: owhè na dozinvlu to titọnyì etọn mẹ, osùn ma to na hẹn hinhọ́n etọn họ́nun bà.

PSALM 18:7

Whenẹnu wẹ aigba whàn, bo sọ sisọ; Odòdó osó lẹ tọn fọ́n, Bo sọ whàn, na é gblehomẹ wutu.

OWALỌ APỌSTELI LẸ TỌN 2:20

Yè na diọ owhe zùn zinvlu, Bo diọ osùn zùn ohùn, Whẹpo azán daho ayidego Oklunọ tọn na do wá:

OSỌHIA 6:12

Yẹn sọ mọ whenuena é hùn hiadonu ṣidopotọ, do ayi e go, whinwhàn daho de whàn; owhè sọ diyù di odévò ofún tọn, osùn sọ di ohùn;

JẸLEMIA 4:23

Yẹn pọ́n aigba, bo, pọ́n, é tin gbọ̀gbó bo jẹvó; podọ olọn lẹ, bọ yé ma tindo hinhọ́n de.

OSỌHIA 8:12

Angẹli ẹnẹtọ kún, yè sọ linú dadatòntọ owhè tọn, dadatòntọ osùn tọn, po dadatòntọ sunwhlẹvu lẹ po tọn; na dadatòntọ yetọn nido dozinvlu, okle ma sọ yí dadatòntọ etọn do họnun, mọwẹ ozán ga.

NAHUMI 1:5

Osó lẹ sisọ na ewọ tọn, okọta lẹ sọ yọ́: Yè zé aigba dlanga to nukọn etọn, mọwẹ, aihọn, po ehe nọnọ̀ e mẹ lẹpo po.

JOẸLI 2:31

Yè na lẹ́ owhè biọ zinvlu mẹ, podọ osùn biọ ohùn mẹ, whẹpo azán daho bo sọ dobu OKLUNỌ tọnlọnadowá.

ISAIA 34:4

Awhàn olọn tọn lẹpo na yọ́ kọnyìngbé, yè na sọ há olọn lẹ dopọ́ di wéma: awhàn yetọn lẹpo na sọ jai, dile amà nọ flẹ́ sọn ovẹ̃n go do, podọ di fìflé sinsẹ́n tọn to ovotin ji.

PSALM 114:7

Hiẹ aigba, sisọ, to nukọn OKLUNỌ tọn, To nukọn Jiwheyẹwhe Jakobu tọn tọn:

MATIU 27:51

Bo pọ́n, avọ̀ yè do gbòabò fiwiwe lọ tọn sọ tlẹn do awe sọn aga jẹ odò; aigba whan gigi, osé lẹ sọ zẹ̀;

AMỌSI 5:8

mì din ewọ he basi Pleiade lẹ po Onioni po, bo sọ lé zinvlu gọ́ngọ́n biọ afọnnu mẹ, bò sọ yí ozán do hẹn okle dozín; he ylọ osìn ohù tọn lẹ, bo sọ kọ̀n yé tón do nukunmẹ aigba tọn ji; oyín etọn wẹ OKLUNỌ;

JOẸLI 2:2

azán zinvlu tọn de po zíndido po, azán aslọ lẹ tọn de po zinvlu titli po, dile wunkinkẹn dlẹn do osó lẹ ji do; gbẹtọ susu lẹ de po huhlọnnọ de po, mọnkọ ma ko tin gbède, mọ depope ma na sọ tin to yé godo, yèdọ jẹ owhè whẹndo lẹ susu mẹ.

OSỌHIA 20:11

Yẹn sọ mọ ofìn wéwẹ́ daho de, po ewọ he sinai to e ji po, nukọn mẹhetọn aigba po olọn po hòn yì te; yè ma sọ mọ tẹnmẹ de na yè ba.

OSỌHIA 9:2

E sọ hùn odò mapote lọ; azò sọ tì jegbonu sọn odò lọ mẹ, di azò miyọn daho tọn; owhè po jiwhenukunmẹ po sọ dozinvlu na azọ̀ odò lọ mẹ tọn wutu.

ISAIA 5:30

Podọ to azán lọ gbè, yé na fiẹ do yé ji, di zingidi ohù tọn, eyín gbẹtọ sọ pọ́n aigba lọ, dayi e go, zinvlu po nukunbibia po, hinhọ́n sọ lẹzùn zinvlu to aslọ yú etọn mẹ.

JOẸLI 3:4

Mọwẹ, etẹ́ mìwlẹ sọ yín hlan yẹn, Tile, po Zidoni po emi, po agbègbè Filistia tọn lẹpo po? Míwlẹ na gọ̀ahọ̀suna núwiwà de sọn ṣie mẹ? podọ eyín mìwlẹ nahọ̀su mi, yiyayiya podọ tejiteji wẹ yẹn na lẹ́ núwiwà mìtọn gọ̀ do otà mìtọn lọsu ji.