JOẸLI 2:1 - BIBLU WIWE LỌ 1923

¹ Mì kún opẹ̀n lọ to Ziọni mẹ, bo sọ hlun zíninhò de to osé wiwe ṣie mẹ; gbọ tòmẹnu aigba lọ tọn lẹpo ni sisọ; na azán OKLUNỌ tọn lọ ja, na é tin to alọji;

JOẸLI 2:1 Iomraidhean Croise

1 OTÀNNUGBO LẸ 15:28

Le wẹ Islaeli lẹpo yí abóbó po ogbè afìnván tọn po, po opẹ́n lẹ po, po ajògàn lẹ po, he to núdọ gángán po asiazọn hànjinu lẹ po po ajalẹn lẹ po do hẹn alki alẹ̀nù OKLUNỌ tọn tọn hẹji wá.

PSALM 119:120

Agbasalan ṣie koì na osi towe tọn: Obu whẹ̀dida towe lọ tọn sọ dimi.

PSALM 87:1

ODÒDÓ etọn tin to osé wiwe lẹ ji.

Eksọdusi 10:14

Owẹ́n lẹ sọ hóaga yì aigba Egipti tọn lẹpo ji, bo sọ jẹ́ do agbègbè Egipti tọn lẹ mẹ; susu wẹ yé; jẹnukọn na yé owẹ́n lẹ de ma ko tin di yetọn hunkọ, mọ to yetọn godo mọhunkọ tọn ma na tin.

ISAIA 13:6

Mì wẹnhùn: na azán OKLUNỌ tọn sẹpọ́; é na wá di dindọn sọn Ganhunupo lọ de.

ISAIA 13:9

Dayi e go, azán OKLUNỌ tọn ja, okà gbọn homegble po homẹfiọ zozo po dali, nado hẹn aigba jẹvọ́: é na sọ gba mẹylankan lẹ súdo sọn é mẹ.

ISAIA 2:12

Na azán OKLUNỌ awhànpa lẹ tọn na tin to ota na mẹdepope he yín goyítọ: bo sọ yín saklanọ, podọ to ota na mẹdepope he yè zé daga; ewọ wẹ yè na sọ whiwhẹ dai.

ISAIA 66:2

Na alọ ṣie wẹ basi onú helẹpó, onú helẹpó ko tin to ai, wẹ OKLUNỌ dọ: ṣigba ehe wẹ yẹn na pọ́n, yèdọ agbatọnọ po gbigbọ whiwhẹnọ po, he to sisọsisọ na ohó ṣie.

ISAIA 66:5

Mi sè ohó OKLUNỌ tọn, mi he to sisọsisọ na ohó etọn; mẹmẹsunnu mitọn he gbẹwanna mi lọ, he tùn mi hlan na oyín ṣie wutu lọ, ko dọmọ, Mì gbọ yè ni pagigona OKLUNỌ: ṣigba ewọ na sọ awuhia na ayajijẹ mitọn, winyan na sọ hù yéwlẹ.

JẸLEMIA 16:10

E na sọ wá jọ, whenuena hiẹ na do ohó he lẹpo hia gbẹtọ he lẹ, wẹ yé na dọ hlan we dọ, Etẹwutu wẹ OKLUNỌ do dọ oylan daho helẹ do mí go? kavi etó wẹ oylanwà mítọn? kavi eté wẹ ylando mítọn he mí ko wà do OKLUNỌ Jiwheyẹwhe mítọn go?

JẸLEMIA 16:7

mọ gbẹtọ ma na kán akla na yé tó awubla mẹ, nado miọnhomẹna yé na osiọ gba; mọ gbẹtọ lẹ ma na na kọfo homẹmiọn tọn yé nado nù na otọ́ yetọn kavi na onọ yetọn gba.

JẸLEMIA 4:5

Mì ni dọtón to Juda mẹ, bo sọ dèmisẽlu to Jelusalẹm mẹ; bo sọ dọ, Mì kún opẹ̀n lọ to aigba lọ mẹ: dawhá gángán bo dọmọ, Mì bẹ́ míde plidopọ, bo gbọ mí ni yì tòdaho dòkọnọ lẹ mẹ.

JẸLEMIA 5:22

Mìwlẹ ma dibusi mi? wẹ OKLUNỌ dọ: bé mìwlẹ ma na sisọ to nukọn ṣie, he ko dotẹnna otòkẹn na agbó ohú tọn, aṣẹdoai madopodo de he ma sọgan gble? Yín agbówhẹn etọn lẹ tlẹ to yéde zédlan, gãnṣo yé ma sọgan yla ẹ gba; yín yé tlẹ to gbigbó, gãnṣo yé ma sọgan jugbọn e ji yì gba.

EZEKIELI 12:23

Enẹwutu dọ na yé dọ, Le wẹ OKLUNỌ Jiwheyẹwhe dọ: Yẹn na hẹn hówhinwhén he nado doalọte, bọ yé ma na sọ zán ẹn di hówhinwhén de tó Islaeli mẹ gbède ba; ṣigba dọ hlan yé dọ, Azán le tin sẹpọ́, po ohó númimọ lẹpo tọn po.

EZEKIELI 21:12

Visunnu gbẹtọ tọn, dawhá bo dohukúhlu: na é tin to omẹ ṣie lẹ ji, é tin to ahọvi Islaeli tọn lẹpo ji: budaho gbọn ohi lọ tọn dali tin to omẹ ṣie lẹ ji: enẹwutu hò to asapada towe ji.

EZEKIELI 30:3

Na azán lọ tin sẹpo, yèdọ azán OKLUNỌ tọn lọ tin sepó, azán àslo lẹ tọn; é na yín ojlẹ okosi lẹ tọn.

EZEKIELI 33:3

eyín, whenuena ewọ mọ yè hẹn ohi lọ ja aigba lọ ji, ewọ kún opèn lọ, bo sọ hẹn gbẹtọ ewlẹ sèavà;

EZEKIELI 33:6

Ṣigba eyín hihótọ lọ mọ yè hẹn ohi lọ ja, bo ma kún opèn lọ gba, bọ gbẹtọ ewlẹ ma yín hinhẹnsèavà gba, bọ yè hẹn ọhi lọ wá, bo yí gbẹtọ depope sọn yé ṣẹnṣẹn; yè dè ewọ sè na oylanwà etọn, ṣigba ohùn etọn wẹ yẹn na kanbiọ to alọ hihótọ lọ tọn mẹ.

EZEKIELI 7:10

Dayi e go, azán lọ, dayi e go, é wá: yè hẹn dindọn towe jẹgbonu yì: opò lọ ko gbàsé, jakla ko tọ́nkùn.

EZEKIELI 7:12

Yè hẹn ojlẹ lọ wá, azán lọ dọ̀n sẹpọ́: a dike hihọtọ jaya blo, kavi sisàtọ blawu blo: na homẹgble tin to ogegé etọn lẹpo ji

DANIẸLI 6:26

Yẹn basi asẹ de, dọ to ahọluigba ahọludu ṣie tọn lẹpo mẹ gbẹtọ ni sisọ bo sọ sinú to Jiwheyẹwhe Daniẹli tọn nukọn: na ewọ wẹ Jiwheyẹwhe ogbẹ̀nọ lọ, bo sọ nọtegligli kakadoi, podọ ahọludu etọn enẹ he ma na yín vivà, podọ aholuigba etọn na tin yèdọ jẹ opòdo lọ:

DANIẸLI 9:16

OKLUNỌ E, yẹn vẹ̀ we, gbọ adi towe po homẹwlu towe po ni yín didiọ kẹdẹdi dódó towe lẹ sọn tòdaho towe Jelusalẹm ji, osé Wiwe towe na ylando mítọn le tọn wutu, podọ na oylanwà otọ́ mítọn lẹ tọn, Jelusalẹm po omẹ towe lẹ po tin lẹzùn ovlẹ de hlan yé he tin lédo mi pé lẹpo.

DANIẸLI 9:20

Podọ whenuena yẹn to hódọ, bo to dẹ́ho, bo sọ to gbèyína ylando ṣie po ylando Islaeli omẹ ṣie lẹ tọn po, bo sọ to ovẹ̀ ṣie zé do OKLUNỌ Jiwheyẹwhe ṣie nukọn na osẹ́ wiwe Jiwheyẹwhe ṣie tọn lọ;

HOSEA 5:8

Mì kùn afinván lọ to Gibea mẹ, podọ opẹ̀n lọ to Lama mẹ: hlun zinhihò de to Bẹti-avẹni; to godo towe, hiẹ Bẹnjamini.

HOSEA 8:1

ZE opèn lọ do onù towe Ewọ wá di akùn de do ohò OKLUNỌ tọn go: na yé ko jẹsẹnmẹna alẹ́nù ṣie wutu, bo sọ jẹsénme do osẹ́n ṣie go.

JOẸLI 1:15

Hà na azán lọ! na azán OKLUNỌ tọn lọ tin to alọji, podọ azán lọ é na wá di vivà sọn. Ganhunupo lọ de.

JOẸLI 2:11

OKLUNỌ sọ do ogbè etọn to awhànfuntọ etọn lẹ nukọn; na daho susu wẹ osla etọn; na huhlọnnọ wẹ ewọ he hẹn ohó etọn sẹ: na daho wẹ azán OKLUNỌ tọn bo dobu susu; podọ mẹnu wẹ sọgan nọtepọ́n ẹn?

JOẸLI 2:15

Kùn opẹ̀n lọ to Ziọni mẹ, klan nùbibla de do wiwe, ylọ obẹ́pli ayidego de:

JOẸLI 2:31

Yè na lẹ́ owhè biọ zinvlu mẹ, podọ osùn biọ ohùn mẹ, whẹpo azán daho bo sọ dobu OKLUNỌ tọnlọnadowá.

JOẸLI 3:14

Agùndaho lẹ, agùndaho lẹ to agbàdo owhẹ̀da tọn mẹ! na azán OKLUNỌ tọn lọ tin sẹpọ́ to agbàdo owhẹ̀da tọn lọ mẹ.

JOẸLI 3:17

Mọwẹ míwlẹ na sọ yọnẹn dọ yẹn wẹ OKLUNỌ Jiwheyẹwhe mìtọn, he nọnọ̀ Ziọni osó wiwe ṣie mẹ: whenẹnu wẹ Jelusalẹm na yín wiwe, podọ finẹ wẹ ojonọ lẹ de ma na sọ gbọn ewọ mẹ luntón gbède ba.

AMỌSI 3:6

Bé yè na kún opẹ̀n lọ to tòdaho de mẹ, bọ gbẹtọ lẹ ma na yín avosatọ? bó oylan na jọ do tòdaho de go, bọ OKLUNỌ ma wẹ ko wà ẹ?

AMỌSI 5:18

Dindọn hlan mì he jlo azán OKLUNỌ tọn etẹwutu wẹ mì na do tindo azán OKLUNỌ tọn lọ? zinvlu éyín, hinhọn ma gba.

AMỌSI 8:2

Ewọ sọ dọmọ, Amọsi, etó hiẹ mọ? Yẹn sọ dọmọ, Oha sinsẹ̀n alúnlúnmẹ tọn de. Whenẹnu wẹ OKLUNỌ dọ hlan mi dọ, Yè hẹn opòdo wá Islaeli omẹ ṣie lẹ ji; Yẹn ma na sọ ju gbọn yé dali ba,

OBADIA 1:15

Na azán OKLUNỌ tọn tin sẹpọ́ to akọta lẹpo ji: dile hiẹ ko wà do, wẹ é na yín wiwà hlan we do; ale towe na lẹ́gọ̀ do ota towe titi jì.

ZẸFANIA 1:14

Azán daho OKLUNỌ tọn tin sẹ̀pọ, é tin sẹ̀pọ́ bo sọ to unklẹn susu, yèdọ ogbè azán OKLUNỌ tọn lọ tọn; omẹ hlọnhlọnnọ lọ to awhádo finẹ vivẹ́vivẹ́.

ZẸFANIA 1:16

Azán opẹ̀n po zinhihò po tọn de, do tòdaho dòkọnọ lẹ go, po do atọ̀họ yìaga lọnglọnẹnmẹ tọn lẹ po go.

ZẸFANIA 1:7

Bọ̀nù towe do to nukọn OKLUNỌ JIWHEYẸWHE tọn: na azán OKLUNỌ tọn tin to alọ, ji: na OKLUNỌ kó wleawuna avósánnú de, ewọ ko klan dùhẹtọ etọn lẹ dowiwe.

ZẸFANIA 3:11

To azán nẹ mẹ wẹ hiẹ ma na yín memọwinyan na wiwà towe lẹpo gba, ehemẹ hiẹ ko jẹsẹ́nmẹ do ogo e te: na whenẹnu wẹ yẹn na dè yé he to aglinjẹ to gigodaho towe mẹ lẹ sọn gblagbla hiẹ tọn mẹ, podọ hiẹ ma na yín ṣandùtọ to osé wiwe ṣie mẹ ba gba.

ZEKALIA 14:1

DAYI e go, azán OKLUNỌ tọn de ja, whenuena ogblannú towe ne yín mimá to gblagbla hiẹ tọn mẹ.

ZEKALIA 8:3

Le wẹ OKLUNỌ dọ: Yè hẹn mi lẹ́gọ̀ do Ziọni de, bo na sọ nọnọ̀ gblagbla Jelusalẹm tọn mẹ: podọ Jelusalẹm na sọ yín yiylọ dọ Tòdaho nugbo tọn lọ; po osé OKLUNỌ awhànpa lẹ tọn po dọ Osó wiwe lọ.

MALAKI 4:1

NA, dayi e go, azán lọ wá, é to jiji di ozohò de; bọ osaklanọ lepo, po yé he nọ wàzọ́n kanyinylan tọn lẹpo po, na yín osamùtọ: podọ azán he wá lọ na fiọ yé, wẹ OKLUNỌ awhànpa lẹ tọn dọ, bọ é ma na jó adọ̀ kavi alà dai na yé gba.

Osọha lẹ 10:2

Basi opẹ́n fataka tọn awe na dewe; azón tùntùn tọn wẹ hiẹ na basi yé do: hiẹ bo na nọ zán yé na yiylọ agùn lọ tọn, podọ na gbéjizọnlinzìnzìn osla lẹ lọ tọn.

Osọha lẹ 10:3

Podọ whenuena yé na kun ye, agùn lọ lẹpo na bé yéde plidopọ do de we to ohòn ogohò opli tọn lọ tọn kòn.

1 KỌLINTINU LẸ 14:8

Na eyín opẹn do ogbè he ma tátá, mẹnu wẹ na hẹn ede dote hlan awhàn?

FILIPPINU LẸ 2:12

Enẹwutu mì, mẹyiwanna ṣie emi, dile mìwlẹ ko setónu to whepoponu é ma yín whenu yẹn tin to mì de kẹdẹ, ṣigba humọ dinvie whenu yen ma tin to mì de, mì nọ wàzon whlẹngan mìtọn tọn jẹgbonu to osi po sisọsisọ po mẹ

1 TẸSALONIKANU LE 5:2

Na mìlọsu yọnẹn hézehéze dọ, azán Oklunọ tọn ja di ajotọ to ozán mẹ.

JAKOBU 5:8

Mì sinyẹnlin ga; bo hẹn ayiha mìtọn lódo; na gigòwá whenu Oklunọ tọn to sisẹpó.

1 PITA 4:7

Ṣigba opò doonú popo tọn to sisẹpọ́; enẹwutu mì yín hùwhẹnọ, bo sọ nọ hó mìde hlan odè.

OSỌHIA 6:17

na azán daho homẹgble etọn tọn ko wá; mẹnu wẹ tin sọgan nado nọte?