JOẸLI 1:9 - BIBLU WIWE LỌ 1923

⁹ Yè sán avọ̀ nunina jinulili tọn po avọ̀ nunina nùnù po sẹ̀ sọn ohọ̀ OKLUNỌ tọn mẹ; yẹwhenọ lẹ, devizònwàtọ OKLUNỌ tọn lẹ, blawu.

JOẸLI 1:9 Iomraidhean Croise

2 OTÀNNUGBO LẸ 13:10

Ṣigba na míwlẹ tọn, OKLUNỌ wẹ Jiwheyẹwhe mítọn, mìwlẹ ma ko sọ gbẹ́ ẹ dai gba; míwlẹ tindo yẹwhenọ lẹ he to devizọ́nwà hlan OKLUNỌ, visunnu Aalọn tọn lẹ, po Levinu lẹ po to azọ́n yetọn mẹ:

Eksọdusi 28:1

BO hẹn Aalọn nọvisunnu towe wá sẹ́pọ jẹ de we, podọ visunnu etọn lẹ po e po, sọn ovi Islaeli tọn lẹ ṣẹnṣẹn, na é nido wàdevizọ́n hlan mi to azọ́nhò yẹwhenọ lọ tọn mẹ, yèdọ Aalọn, Nadabi po Abihu po, Eleazaíi po Itamali po, visunnu Aalọn tọn lẹ.

ISAIA 61:6

Ṣigba yè na nọ yíọ mì dọ yẹwhenọ OKLUNỌ tọn lẹ: gbẹtọ lẹ na sọ ylọ mì dọ wẹndagun Jiwheyẹwhe mítọn tọn: mì na dù adọkun Kosi lẹ tọn, podọ gigo yetọn mẹ wẹ mi na nọ yí gigo te.

AVIGBÈ JẸLEMIA TỌN 1:16

Yẹn viavi na onú helẹ; nukun ṣie, nukun ṣie yí osìn do sà wá odò; Na homẹmiọnnametọ lọ he do doawuyana alindọn ṣie tin to aganu sọn dẽ wutu: Ovi ṣie lẹ tin ovójẹ, na okẹntọ lọ ko tinhuhlọn wutu.

AVIGBÈ JẸLEMIA TỌN 1:4

Aliho Ziọni tọn lẹ blawu, na mẹde ma wá hùnwhè didè lọ kòn; Họngbo etọn lẹpo wẹ ojẹvọ, yẹwhenọ etọn lẹ hùnwẹn: Yè bianukunna awhli etọn lẹ, podọ ewọ lọsu tin to ovivé mẹ.

HOSEA 9:4

Yé ma na kòn avọ́ nunina ovẹ̃n tọn lẹ jẹgbonu hlan OKLUNỌ gba, mọ avọ̀sánnu yetọn lẹ ma na yín homẹhùnnú hlan ẹn gba: akla yetọn na tin hlan yé di akla awublanọ lẹ tọn; yé mẹhe dù sọn e mẹ lẹ na yín fuflu; na akla yetọn na tin na nugbòtọ́n yetọn; é ma na wá biọ ohọ̀ OKLUNỌ tọn mẹ gba.

JOẸLI 1:13

Mì yí odẹ́vọ̀ vo blahomẹna míde, bo doavigbè, mi yẹwhenọ lẹ emi; mì dohukùhlu, mì devizònwàtọ agbà lọ tọn lẹ; mì wá, mlọnai to odẹ́vọ̀ mẹ to ozán lọ mẹ, mì devizònwàtọ Jiwheyẹwhe tọn lẹ emi: na yè glọn avọ̀ nunina jinulili tọn po avọ́ nunina nùnù tọn lọ po dai sọn ohọ̀ Jiwheyẹwhe mìtọn tọn mẹ.

JOẸLI 1:16

Bé yè ma sán núdùdù sẹ̀ to nukun mítọn lẹ nukọn, mọwẹ, ayajẹ po homẹhùn po sọn ohọ̀ Jiwheyẹwhe mítọn tọn mẹ?

JOẸLI 2:14

Mẹnu wẹ yọnẹn eyín ewọ na lẹ́ bo diọlinlẹn, bo jó dona de dai to ewọ godo, yèdọ avọ̀ nunina jinulili tọn de po avọ̀ nunina nùnù de po hlan OKLUNỌ Jiwheyẹwhe mìtọn?

JOẸLI 2:17

Gbọ yẹwhenọ lẹ, devizònwàtọ OKLUNỌ tọn lẹ, ni viavi to awánu po agbà lọ po ṣẹnṣẹn, bo sọ gbọ yé ni dọ dọmo, OKLUNỌ È, hla omẹ towe lẹ dai, a sọ jó nudodugú towe hlan ovlẹ blo, bọ akọta lẹ na do nọ zán aṣagbèhó to mi ji: etẹwutu wẹ yé na do nọ dọ to akọta lẹ ṣẹnṣẹn dọ, Fie Jiwheyẹwhe yetọn te?