JOẸLI 1:3 - BIBLU WIWE LỌ 1923

³ Mì dọ sọn e mẹ na ovi mìtọn lẹ, bo sọ gbọ ovi mìtọn lẹ ni dọ na ovi yetọn lẹ, podọ ovi yewlẹ tọn lẹ jẹ whẹndo dẽvo.

JOẸLI 1:3 Iomraidhean Croise

PSALM 145:4

Whẹndo de na pa azọ́n towe lẹ jẹ awetọ, Bo sọ la owalọ huhlọnnọ towe lẹ.

PSALM 44:1

JIWHEYẸWHE È, míwlẹ ko yí otó mítọn do sè, otọ́ mítọn lẹ ko dọ na mí, Na azọ́n daho he hiẹ wà to owhè yetọn nu, to hóhówhenu.

PSALM 71:18

Dinvie ga whenuena yẹn zùn yọ́nhónọ bo sọ wúwhà, Jiwheyẹwhe È, a gbẹ́ mi blo; Kaka yẹn na do yí huhlọn towe hia whẹndo he ja, Hlọnhlọn towe hlan yé he ja to godo lẹpo.

Eksọdusi 13:14

E na sọ yín whenuena visunnu towe kanbiọ we to ojle he ja mẹ, dọ, Eté wẹ ehe? wẹ hiẹ na dọ hlan ẹn, dọ, Gbọn huhlọn alọ tọn dali wẹ OKLUNỌ do hẹn mí tón sọn Egipti, sọn owhé mẹglọnọ tọn gbè:

ISAIA 38:19

Ogbẹ́nọ, ogbénọ, ewọ wẹ na pa we, dile yẹn to bibasi do to egbé he: Otọ́ na yí nugbo towe hia ovi lẹ.

Deutelonomi 6:7

hiẹ nasọ yí sọwhiwhe dó plón yé ovi towe lẹ, bo sọ dọhó yetọn whenuena hiẹ sinai to owhé towe gbè, podọ whenuena hiẹ to zọnlinzin to aliho ji, podọ to whenuena hiẹ mlọn ai, podọ to whenuena hiẹ fọ́n tite.