HÓWHÍNWHÉN LẸ 4:18 - BIBLU WIWE LỌ 1923

¹⁸ Ṣigba omọ́ nugbonọ tọn taidi hinhọ́n he sé, He to sisẹ́ yì nukọn kaka jẹ okle.

HÓWHÍNWHÉN LẸ 4:18 Iomraidhean Croise

2 SAMUẸLI 23:4

Ewọ na tin di hinhọn afọnnu tọn, whenuena owhè zè, Afọnnu de matin aslọ lẹ; Whenuena ogbé kikọ́ tọnkùn sọn aigba mẹ, Gbọn sisẹ́ diun mẹ to jikun godo.

OWÈ JOB TỌN. 11:17

Ogbẹ towe na sọ fọ́n húte azánga; Eyín zinvlu tlẹ tin finẹ, é na tin di afọnnu.

OWÈ JOB TỌN. 17:9

Gãnṣo dódónọ na hẹn aliho eton go, Podọ ewọ he tindo alọ wiwe lẹ na to whinwhẹ́n huhlọn mẹ jẹ huhlọn mẹ.

OWÈ JOB TỌN. 23:10

Na ewọ yọ́n aliho he tin to dẽ; Whenuena ewọ ko whle mi pọ́n, Yẹn na tọ́n wá di sika.

PSALM 84:7

Yé to yìyì sọn huhlọn mẹ jẹ huhlọn mẹ, Ziọni wẹ yé omẹ pó sọawúhia te to Jiwheyẹwhe nukọn.

PSALM 97:11

Dódónọ wẹ yè do hinhọ́n nà, Podọ homẹhùn na tenọglinọ to ayiha mẹ lẹ.

HÓWHÍNWHÉN LẸ 13:9

Hinhọ́n dódónọ tọn to ayajẹ: Ṣigba zogbán mẹylankan tọn wẹ yè na ṣi.

HÓWHÍNWHÉN LẸ 15:24

Aliho ogbé tọn tin to aga hlan nuyọnẹntọ Na é nido tón sọn olọn zòdo mẹ to odò.

HÓWHÍNWHÉN LẸ 2:20

Na hiẹ nido to zọnlinzin to aliho gbétọ dagbe tọn ji, Na hiẹ nido yí omó dódónọ? tọn whlá.

HÓWHÍNWHÉN LẸ 2:9

Whenẹnu wẹ hiẹ ná tùnwun dódó, po whẹ̀dida po, Po kunnumahu po; yèdọ omọ́ dagbe lẹpo.

ISAIA 26:7

Aliho nugbonọ lẹ tọn wẹ dódó: hiẹ he yín nugbonọ ko jlọ omọ́ dódó tọn

DANIẸLI 12:3

Podọ mẹplọntọ he yín nuyọnẹntọ lẹ na to sisẹ́ dí osisẹ́ dovlomẹ tọn; podọ yé he lẹ́ mẹsusu hlan dódó kọ̀n lẹ di sunwhlẹvu lẹ kakadoidoi.

HOSEA 6:3

Mi bo sọ gbọ mí ni yọnẹn, mì sọ gbọ mí ni to hihodo zònmi nado yón OKLUNỌ; gbonu jẹ yì etọn tin yọnẹnnugbo di afọnnu: ewọ na sọ wá jẹ mí de di ojikun, di ojikun agọ̀gbọnẹn he húsìnna aigba.

MATIU 5:14

Mì wẹ hinhọ́n aihọn tọn. Otò he yè doai do osó ji, ma sọgan yín whiwhla gba.

MATIU 5:16

Mọkẹdẹ wẹ mì ni gbọ hinhọ́n mìtọn ni họ́nwun to gbẹtọ lẹ nukọn do, na ye nido mọ azọ́n dagbe mìtọn lẹ bo pagigona Otọ́ mìtọn he tin to olọn mẹ.

MATIU 5:45

na mì nido yín ovi Otọ̀ mìtọn he tin to olọn mẹ tọn: na é hen owhè etọn vẹ́ do omẹ ylankan lẹ ji, podọ do omẹ dagbe lẹ ji, bo sọ jikunja do dódonọ lẹ ji, podọ do mawàdódóno lẹ ji.

JOHANU 8:12

Enẹwutu Jesu sọ vó hódọ hlan yé, dọ, Yen wẹ hinhọ́n aihọn tọn; mẹhe hodo mi ma na zinzonlin zinvlu mẹ, ṣigba é na tindo hinhọ́n ogbẹ́ tọn.

2 KỌLINTINU LẸ 3:18

Ṣigba mí omẹ popo, matin nukunmẹṣinyọnnu he to gigo Oklunọ tọn pòn taidi to mẹpónnu de mẹ, we yè diọ do apajlẹ dopolọ mẹ sọn gigo mẹ jẹ gigo mẹ, Yèdọ taidi sọn Gbigbọ Oklunọ tọn mẹ.

FILIPPINU LẸ 2:15

Na mì nido yín omẹ mahuwhẹ, omẹ mawàylan, ovi Jiwheyẹwhe tọn lẹ, madowhẹ to okò to akọta jijọ gbingbannọ po bublunọ po ṣẹnṣẹn, mẹhe ṣẹnṣẹn mì to wunhọn te di hinhọ́n to aihọn mẹ lẹ;

2 PITA 1:19

Mìwlẹ sọ tindo oho dọdai tọn he diun hú enẹ ga; hlan ehetọn mì wà dagbe bọ mì do payi e go, di hlan miyọngbán de he hón to ofì dozín de, kaka oun do kẹ̀n, bọ sunwhlẹvu afọnnu tọn lọ do zẹ́ to ayiha mìtọn lẹ mẹ:

2 PITA 3:18

Ṣigba mì ni to whinwhẹn to ojọmiọn mẹ, podọ to oyọnẹn Jesu Klisti Oklunọ Whlẹngantọ mítọn tọn me. Na ewọ wẹ gigo tin hlan sọn dinvie kaka doi. Niṣẹ.

OSỌHIA 21:23

Otòdaho lọ ma sọ jlo owhè, kavi osùn, nado nọ họ́n hinhọ́n do e mẹ: na gigo Jiwheyẹwhe tọn wẹ to hinhọ́n họ́n do e mẹ, Lẹngbọvu lọ sọ wẹ hinhọ́n etọn.

OSỌHIA 22:5

Ozánku ma na tin to finẹ; ye ma to zogbán na din, kavi hinhọn owhè tọn; na Oklunọ Jiwheyẹwhe wẹ to hinhọ́n na yé; yé nasọ to ahọludu kakadoi.

WHẸ̀DATỌ 5:31

Mọwẹ a ni gbọ kẹntọ towe lẹpo ni dòn do, OKLUNỌ: Ṣigba gbọ yé he yiwan nẹ̃ lẹ ni tin di owhè whenuena é tón jei to hlọnhlọn etọn mẹ. Aigba lọ sọ tindo gbọjẹ owhè kanwe.