HÓWHÍNWHÉN LẸ 3:9 - BIBLU WIWE LỌ 1923

⁹ Yí agban towe do gbògbéna OKLUNỌ towe, Podọ sọn sinsẹ́n tintan sudeji towe lẹpo mẹ:

HÓWHÍNWHÉN LẸ 3:9 Iomraidhean Croise

Gẹnẹsisi 28:22

podọ osé he, he yẹn ko zé dote na kódòtin na yín ohò Jiwheyẹwhe tọn: podọ sọn enẹ he hiẹ na na mi lẹpo mẹ, yẹn na nọ na madao etọn hlan we dándán.

2 OTÀNNUGBO LẸ 31:10

Azalia ogán yẹwhenọ lọ, sọn owhé Zadọki tọn gbè, gblọn nẹ́ bo dọmọ, Sọn whenuena gbẹtọ ṣẹ̀ nado to avọ́nú lẹ hẹnwá biọ ohọ́ OKLUNỌ tọn mẹ, míwlẹ ko dù bo sọ tindo pékọ, bo sọ-pò susu dai: na OKLUNỌ ko dona omẹ etọn lẹ; podọ enẹ he yè pòdai wẹ obẹ́pli daho he.

2 OTÀNNUGBO LẸ 31:21

Podọ to azọ́n dopodopo he é ṣẹ̀ mẹ to sinsẹn ohò Jiwheyẹwhe tọn lọ tọn me, podọ to osẹ́n mẹ, podọ to gbèdide lẹ mẹ nado nọ din Jiwheyẹwhe etọn, ayiha etọn lẹpo é do nọ wà ẹ, bo sọ dùale.

PSALM 144:13

Whenuena zínhọ mítọn lẹ yín gigọ́, bo no na onú alọpálọpa agbànhọ̀ tọn lẹpo omẹ: Bọ lẹngbọ mítọn lẹ to fọtónfọtón lẹ podọ fọtọ́n ao hẹn tón wá to danji mítọn lẹ:

Eksọdusi 22:29

Hiẹ ma na dòngbàn nado navọ́nunina sọn ogegé sinsén towe lẹ tọn mẹ gba, podọ sọn ahàn towe lẹ mẹ. Plónji visunnu towe lẹ tọn wẹ hiẹ na na hlan mi.

Eksọdusi 23:16

po hùnwhẹ ojijẹ tọn po, sinséntintan tuklajẹ towe lẹ tọn, he hie do to ogle towe mẹ: po hùnwhẹ jigbowhé tọn po, to opodo owhè lọ tọn, whenuena hiẹ bẹ́ tuklajẹ towe pli sọn ogle mẹ wá whégbè.

Eksọdusi 23:19

Tintan sọn sinsẹ́ntintan aigba towe tọn lẹ mẹ wẹ hiẹ na nọ hẹnwá biọ ohọ̀ OKLUNỌ Jiwheyẹwhe towe lọ tọn mẹ. Hiẹ ma na sọakusìn gbọgbọẹvu de to anọsìn onọ etọn tọn mẹ.

Eksọdusi 34:26

Tintan sinséntintan aigba towe tọn lọ tọn hiẹ na nọ hẹnwá ohò OKLUNỌ Jiwheyẹwhe towe lọ tọn mẹ. Hiẹ ma na sọakusìn gbọgbọẹvu to anósìn onọ etọn tọn mẹ gba.

HÓWHÍNWHÉN LẸ 11:25

Ayiha dagbewà tọn wẹ yè na hẹn klo: Ewọ he to sìnhúmẹ, ewọ lọsu ga na yín sìnhúna.

HÓWHÍNWHÉN LẸ 14:31

Ewọ he to nukunbiana wamọnọ to Jọtọ etọn vlẹ: Ṣigba ewọ he wàlẹblanuna wamọnọ gbogbé nẹ̃.

ISAIA 43:23

Hiẹ ma hẹn kanlin pẹvi nunina mimẹ̀ towe tọn wá na mi; mọ hiẹ ma yí avọ́ towe do gbogbéna mi, yẹn ma yí nunina do hẹn we sèn, mọ yẹn ma yí nuwhẹnkun do do magbọjẹ na we

Levitiku 19:25

Podọ to owhè atọ̀ntọ mẹ wẹ mì na dù sọn sinsẹ́n etọn mẹ, na é nido na ojideji etọn hlan mì: yẹn wẹ OKLUNỌ lọ Jiwheyẹwhe mìtọn.

Osọha lẹ 15:20

Mìwlẹ na yí aklahihi de na sọn jinulili ginglin mìtọn tintan mẹ na avọ́nunina zédlanga de: dile mì basi avọ́nunina vẹ̃ngbà lọ ton dò, mọwe mì na zé e dlanga do.

MATIU 25:17

Mọkẹdẹ wẹ mẹhe mọ awe yí, ewọ ga sọ duale awe devo tọn.

1 KỌLINTINU LẸ 16:2

To azán tintan awlẹn tọn gbè, mì gbọ omẹ dopodopo mìtọn ni yí do ede de to nudotẹn mẹ, dile Jiwheyẹwhe wàdagbe nẹ do, na sinyanpli ma na do tin to whenuena yẹn wá.

Deutelonomi 14:29

Levinu lọ, na é ma tindo mimá de kavi ogú de to de we wutu, podọ ojónọ lọ, po otọ́ṣiọvi lọ po, po asúṣiọsi lọ po, he tin to hòngbo towe lẹ hòmẹ, na wá, bo na dù bo yín pékọnọ; na OKLUNỌ lọ Jiwheyẹwhe towe nido dona we to azọ̀n alọ towe tọn he hiẹ wiwà lẹpo mẹ.