HÓWHÍNWHÉN LẸ 3:6 - BIBLU WIWE LỌ 1923

⁶ Yẹn ẹn to aliho towe lẹpo ji, Ewọ na sọ jlọ omó towe.

HÓWHÍNWHÉN LẸ 3:6 Iomraidhean Croise

1 OTÀNNUGBO LẸ 28:9

Podọ hiẹ, Sọlọmọni visunnu ṣie, hiẹ ni yón Jiwheyẹwhe otọ́ towe tọn, bo nọ yí ayiha pipé dé do sẹ́n ẹn po otù jijlọ tọn de po: na OKLUNỌ to ayiha lẹpo mẹ dinpón, bo sọ tùnwun aṣàvà linlẹn tọn lẹ; eyín hiẹ din in, yè na mọ ẹn sọn de we: ṣigba eyín hiẹ gbẹ́ ẹ dai, é na dlan we hlan doidoi.

ẸZLA 7:27

Donanọ wẹ OKLUNỌ yín, Jiwheyẹwhe otọ́ mítọn lẹ tọn, he yí onú di ehe nkọ de do ayiha ahọlu tọn mẹ, nado doaṣọna ohọ̀ OKLUNỌ tọn hetin to Jelusalẹm mẹ;

NẸHEMIA 1:11

OKLUNỌ E, yẹn vẹ̀ we, gbọ otó towe ni yín tùntùnai hlan odẹ̀ mẹmẹsi towe tọn lọ, podọ hlan odẹ̀ mẹmẹsi towe lẹ tọn, mẹhe hùnhomẹ nado dibusi oyín towe: hẹn mẹmẹsi towe duale, to azán he gbè, yẹn vẹ̀ we, bo na lẹblanu hlan ẹn to nukun dawe he tọn mẹ. (Dinvie kọfohẹntọ wẹ yẹn to ahọlu lọ de.)

NẸHEMIA 2:4

Whenẹnu wẹ ahọlu lọ dọ hlan mi dọmọ, Eté wẹ hiẹ basi okanbiọ na? Mowẹ yẹn hodẹ́ hlan Jiwheyẹwhe olọn tọn lọ.

NẸHEMIA 7:5

Jiwheyẹwhe ṣie sọ yí do ayiha ṣie mẹ nado pli mẹgbógbo lẹ dopọ, po ogán lẹ po, po gbẹtọ ewlẹ po, na yè nido hia yé gbọn whóndo dali. Yẹn sọ mọ owé whẹ́ndo yé he hẹji wá tintan lẹ tọn tọn, yẹn sọ mọ yè wlan to e mẹ:

PSALM 32:8

Yẹn na plọ́n we, yẹn nasọ yí afọ towe do ali he ji hiẹ na gbọn: Yẹn na yí nukun ṣie do dèwe hẹ we.

HÓWHÍNWHÉN LẸ 11:5

Dódó mẹpipé tọn na plọ́n ẹn to aliho etọn ji: Ṣigba mẹylankan na jai gbọn ylankan etọn mẹ.

HÓWHÍNWHÉN LẸ 16:3

Yí azón towe jo na OKLUNỌ, Yè na sọ hẹn linlẹn towe lẹpo lodo.

HÓWHÍNWHÉN LẸ 16:9

Ayiha gbẹtọ tọn to aliho etọn lẹn: Ṣigba OKLUNỌ to afọdide etọn do.

HÓWHÍNWHÉN LẸ 23:17

A dike ayiha towe hahomẹ do ylandonọ go blo: Ṣigba na hiẹ ni tin to osi OKLUNỌ tọn mẹ, to azán lẹpo mẹ.

ISAIA 26:7

Aliho nugbonọ lẹ tọn wẹ dódó: hiẹ he yín nugbonọ ko jlọ omọ́ dódó tọn

ISAIA 30:21

Otọ́ towe na sè ohó de to godo towe dọmọ, Ehe wẹ aliho, mì zinzọnlin to e mẹ, whenuena mì lẹ́ do adusi, podọ whenuena mì lẹ́ do amíyọn.

ISAIA 45:13

Yẹn ko zé e doaga do dódó mẹ, yẹn na sọ pọ́n aliho etọn lẹpo go: é na zé otò ṣie dote, é na jó gàntọ ṣie lẹ daá yì, é ma yín na akuẹ, kavi na ale, wẹ OKLUNỌ awhànpa lẹ tọn dọ.

ISAIA 48:17

Le wẹ OKLUNỌ Omẹflitọ, Omẹ Wiwe Islaeli tọn dọ; yẹn wẹ OKLUNỌ Jiwheyẹwhe towe, he plọn we na ale, he plan we gbọn aliho he ji hiẹ na gbón.

JẸLEMIA 10:23

OKLUNỌ E, yẹn yọnẹn dọ aliho gbẹtọ tọn ma tin to ewlọsu mẹ gba: é ma tin to omẹ he to zọnlinzin mẹ nado do afọdidè etọn le gba

JẸLEMIA 42:3

na OKLUNỌ Jiwheyẹwhe nido dohia mí aliho ehemẹ mí do zìn gbọn, po onú he mí do wà po.

Osọha lẹ 9:20

Podọ whedèlẹnu aslọ lọ nọ tin azán vude to gohọ̀túntún lọ ji; whenẹnu kẹdẹdi gbèdide OKLUNỌ lọ tọn wẹ yé do nọ dosla, podọ kẹdẹdi gbèdide OKLUNỌ lọ tọn wẹ yé do nọ jẹgbéjizọnlin ji.

1 KỌLINTINU LẸ 10:31

Enẹwutu eyín mì to dùdù, kavi eyín mì to nùnù, kavi nudepope mì to wiwà, mì nọ wà popo hlan gigo Jiwheyẹwhe tọn.

2 KỌLINTINU LẸ 8:16

Ṣigba opé ni tin hlan Jiwheyẹwhe mehe yí vivẹnu zogbe dopolọ do ayiha Titu tọn mẹ na mì.

FILIPPINU LẸ 4:6

Mì jẹtukla nudepope tọn blo; ṣigba to odè mẹ to ovè mẹ po pẹdido po mẹ, mì nọ yí kanbiọ mìton hia Jiwheyẹwhe to onú popo mẹ.

KỌLỌSINU 3:17

Nudepope he mì to bibasi to ohó mẹ, kavi to wiwà mẹ, mìnọ basi popo to oyín Jesu Okluno tọn me, bo nọ na opé hlan Jiwheyẹwhe Otọ́ gbọn ewọ mẹ.

KỌLỌSINU 3:23

nudepope he mì to wiwà, mì nọ yí ayiha dodó do wà ẹ, kẹdẹdi hlan Oklunọ, é ma yín hlan gbẹtọ gba.

JAKOBU 1:5

Eyín mẹde ma tindo nuyọnẹn to mì mẹ, ni kanbiọ to Jiwheyẹwhe de, mẹhe nọ na omẹ susugege, bo ma nọ wóhẹ omẹ, yè na na ẹn.

1 SAMUẸLI 30:8

Davidi sọ kanbiọ sọn OKLUNỌ de, dọmọ, Eyín yẹn domọna to awhàn he godo, yẹn na pla yé? Ewọ sọ gblọn nẹ̃ dọ, Domọna; na hiẹ na pla yé nugbonugbo, bo na sọ hẹn popo gò matin mawà.