HÓWHÍNWHÉN LẸ 3:3 - BIBLU WIWE LỌ 1923

³ A dike lẹblanu po nugbo po jo we dai blo: Bla yé lédo okọ̀ towe; Wlan yé do tafo ayiha towe tọn ji:

HÓWHÍNWHÉN LẸ 3:3 Iomraidhean Croise

2 SAMUẸLI 15:20

Osọ̀ fi wẹ hiẹ wá, yẹn ni sọ hẹn we to egbé to oji yì to odò yì po mí po, mimọ yẹn jei fie yẹn pla? hiẹ ni lé, bo plan mẹmẹsunnu towe lẹ yì; lẹblanu po nugbo po ni tin to de we.

PSALM 119:11

Ayiha ṣie mẹ wẹ yẹn yí ohó towe whlá dó, TI Na yẹn nikã wàylan do we.

PSALM 25:10

Omọji OKLUNỌ tọn lẹpo wẹ dagbewanyi po nugbo po Hlan mehe yi alẹ̀nu etọn po aṣẹdai etọn lẹ po hẹn.

PSALM 85:10

Dagbewanyi po nugbo po hòjẹ yénọzo. Dódó po jijọho po yí nùdonùgona yénọzo.

Eksọdusi 13:9

E na sọ yín na ohia de hlan we to alọ towe go, podọ na oflin de to nukun towe lẹ ṣẹnṣẹn, dọ osén OKLUNỌ tọn nido tin to onù towe mẹ; na alọ huhlọnnọ we OKLUNỌ do hẹn we tón sọn Egipti.

Eksọdusi 34:6

OKLUNỌ lọ sọ jugbọn nukọn etọn, bo to lila dọ, OKLUNỌ lọ, OKLUNỌ lọ, Jiwheyẹwhe he gọ́na akóndonanú podọ dagbewanyinọ, awuwhletọ nado sadi, podọ sùsùnọ to lẹblanu po nugbo po mẹ;

HÓWHÍNWHÉN LẸ 1:9

Na ye na yín gbakun whanpẹ tọn de hlan ota towe, Podọ okòjé lẹ de lẹ́do okọ̀ towe.

HÓWHÍNWHÉN LẸ 14:22

Be yé he to ayiha ylankan tọn lẹn ma buali lè? Ṣigba lẹblanu po nugbo po na tin na yé he dagbe lẹn lẹ.

HÓWHÍNWHÉN LẸ 16:6

Gbọn lẹblanu po nugbo po dali wẹ yè ṣinyọnnúdo ylando: Podọ gbọn osi OKLUNỌ tọn dali wẹ gbẹtọ fọnyì sọn oylan mẹ.

HÓWHÍNWHÉN LẸ 20:28

Lẹblanu po nugbo po whlẹn ahọlu: Lẹblanu wẹ yè sọ yí do to ofìn etọn gòhẹn.

HÓWHÍNWHÉN LẸ 6:21

Bla yé whepoponu do ayiha towe go, Bo sín yé lẹ́do okò towe.

HÓWHÍNWHÉN LẸ 7:3

Bla yé do alọviyẹyẹ towe go, Wlan yé do tafo ayiha towe tọn ji.

JẸLEMIA 17:1

YLANDO Juda tọn wókantin oganyũ tọn wẹ yè yí do kàn, podọ obénù adamanti de tọn: yè wlan ẹn do tafo ayiha yetọn tọn ji, podọ do azò agbà yetọn lẹ tọn lẹ ji;

HOSEA 4:1

SÈ ohó OKLUNỌ tọn, mì ovi Islaeli tọn emi: na OKLUNỌ tindo núdindọn de hẹ tomẹnu aigba lọ tọn lẹ, na nugbo de ma tin wutu, kavi lẹblanu, kavi oyonẹn Jiwheyẹwhe tọn to aigba lọ mẹ.

MALAKI 2:6

Osẹ́n nugbo tọn tin to onù etọn mẹ, podọ yè ma mọ mawàdódó de to nùflo etọn lẹ mẹ gba: ewọ to zọnlinzin hẹ mi to jijọho po tenọgli po mẹ, bo sọ diọ mẹsusu sẹ́ sọn oylanwà mẹ.

MATIU 23:23

Dindọn hlan mì, wekantọ lẹ, po Falesi lẹ po, yẹnuwàto na mì to madao mẹntetọn aneti tọn, pokumini tọn po na, bo sọ gbé onú pónzin osén tọn dai, whẹ̀dida, lẹblanu, po yise po: ṣigba ehelẹ wẹ jẹ mìwlẹ do basi, mì ma do jo devo dai mawà gba.

2 KỌLINTINU LẸ 3:3

sole yè dè mì hia gbangba nado yín episteli Klisti tọn he yè to lizọnyína gbọ́n mí dali, he yè ma yí owesìn do wlan, ṣigba he yè yí Gbigbọ Jiwheyẹwhe ogbènọ tọn do wlan; é ma yín to tafo zannu tọn lẹ ji, ṣigba to tafo olánnọ ayiha tọn ji.

EFESUNU LẸ 5:9

(na sinsẹ́n Gbigbọ tọn-tin to dagbewa, dódó, po nugbo lẹpo pó mẹ;)

Deutelonomi 6:8

Podọ hiẹ nasọ sìn yé dó alọ towe go na ohia de; yé nasọ tin na ozínja lẹ to nukun towe lẹ ṣẹnṣẹn.

HEBLU LẸ 10:16

Ehe we alènu he yẹn na basi hẹ ye to Azán nẹlẹ godo, wẹ Oklunọ dọ, Yẹn na yí osẹn ṣie do ayiha yetọn mẹ, Otù yetọn ji wẹ yẹn na wlan yé do;