HÓWHÍNWHÉN LẸ 2:9 - BIBLU WIWE LỌ 1923

⁹ Whenẹnu wẹ hiẹ ná tùnwun dódó, po whẹ̀dida po, Po kunnumahu po; yèdọ omọ́ dagbe lẹpo.

HÓWHÍNWHÉN LẸ 2:9 Iomraidhean Croise

PSALM 119:105

Ohó towe wẹ zogbán de hlan afọ ṣie, Hinhọ́n hlan omọ́liho ṣie.

PSALM 119:99

Yẹn zìn hú mẹplọntọ ṣie lepo: Na aṣẹdai towe lẹ wẹ ayihamẹlẹnpón ṣie.

PSALM 25:12

Dawe tẹwẹ dibusi OKLUNỌ? Ewọ wẹ é na plọ́n ali he é na dè.

PSALM 32:8

Yẹn na plọ́n we, yẹn nasọ yí afọ towe do ali he ji hiẹ na gbọn: Yẹn na yí nukun ṣie do dèwe hẹ we.

HÓWHÍNWHÉN LẸ 28:5

Gbetọ́ ylankan lẹ ma tunwun whẹ̀dida gba: Ṣigba mẹhe to OKLUNỌ din lẹ tunwun onú popo.

HÓWHÍNWHÉN LẸ 4:12

Whenuena hiẹ to zọnlinzin aliho towe ma to na ján na otẹn; Whenuena hiẹ to wezundo, hiẹ ma na klẹnafọ.

HÓWHÍNWHÉN LẸ 4:18

Ṣigba omọ́ nugbonọ tọn taidi hinhọ́n he sé, He to sisẹ́ yì nukọn kaka jẹ okle.

HÓWHÍNWHÉN LẸ 8:20

Yẹn to zọnlinzin to aliho dódó tọn ji To omó whẹ̀dida tọn ṣẹnṣẹn.

ISAIA 35:8

Àligbó dopo wẹ na tin to finẹ po aliho dopo po, yè na sọ nọ ylọ ẹ dọ aliho wàlowiwe tọn; mawénọ de ma to na jugbọn finẹ; na ewọ na tin hẹ yé: ahisi ali lọ ton, eyín yé tlẹ yín wunvinọ, yé ma to na buali etọn.

ISAIA 48:17

Le wẹ OKLUNỌ Omẹflitọ, Omẹ Wiwe Islaeli tọn dọ; yẹn wẹ OKLUNỌ Jiwheyẹwhe towe, he plọn we na ale, he plan we gbọn aliho he ji hiẹ na gbón.

JẸLEMIA 6:16

Le wẹ OKLUNỌ dọ, Mì site to aliho lẹ mẹ bo pọ́n, bo sọ kàn omọ́ji hóhó lẹ biọ, fie aliho dagbe lọ te, bo nọ zinzọnlin to e mẹ, mìwlẹ na sọ mọ ogbọje na alindọn mìtọn lẹ: ṣigba yé dọmọ, Mìwlẹ ma to na zinzọnlin to e mẹgba.

JOHANU 14:6

Jesu dọ hlan ẹn, dọ, Yẹn wẹ aliho lọ, nugbo, po ogbẹ̀ po; mẹde ma sọgan wá Otọ́ de, adavo gbọn yen dali