HÓWHÍNWHÉN LẸ 18:10 - BIBLU WIWE LỌ 1923

¹⁰ Oyín OKLUNỌ tọn, wẹ ohó gángán: Dódónọ hón biọ e mẹ, bo sọ gán.

HÓWHÍNWHÉN LẸ 18:10 Iomraidhean Croise

Gẹnẹsisi 17:1

WHENUENA Ablam sọ yín owhè kanwefọtọ̀nnukunẹnẹ mẹho, OKLUNỌ sọawúhia Ablam, bo dọ hlan ẹn, dọmọ, Yẹn Jiwheyẹwhe Gánhunupo wẹ; zinzọnlin to nukọn ṣie, hiẹ ni sọ yín pipé.

Gẹnẹsisi 32:11

Yẹn vẹ́ we, whlẹn mi sọn alọ nọvisunnu ṣie tọn mẹ, sọn alọ Esau tọn mẹ: na yẹn dibú nẹ̃, é nikã wá bo gbà mi, onọ po ovi lẹ po.

2 SAMUẸLI 22:2

Ewọ sọ dọmọ, OKLUNỌ wẹ osé ṣie, podọ figángán ṣie, podọ whlẹntọ ṣie, yèdọ ṣie;

2 SAMUẸLI 22:3

Jiwheyẹwhe osé ṣie tọn, ewọ mẹ wẹ yẹn na dotódido te; Awọyínu ṣie, podọ azò whlẹngan ṣie tọn, atọ̀họ he yìaga ṣie, podọ fìbẹ̀tado ṣie; Whlẹnigantọ ṣie, hiẹ whlẹn mi sọn huhlọnnu si.

2 SAMUẸLI 22:51

Whlẹngan daho wẹ é na hlan ahọlu etọn: Bo sọ do dagbewanyi hia hlan mẹyíamisisádodè etọn, Hlan Davidi podọ hlan okún etọn kakadoidoi.

PSALM 144:2

Dagbewanyi ṣie, figángán ṣie; Atóhọ he yìaga ṣie, whlẹngantọ ṣie; Awòyinú ṣie, mẹhe go yẹn dotudo; Mehe zín omẹ ṣie lẹ do odọ̀ to oglọ ṣie.

PSALM 18:2

OKLUNỌ wẹ osé ṣie, figángán ṣie, whlẹngantọ ṣie, Jiwheyẹwhe ṣie, awinyan ṣie, yẹn na din fibẹ̀tado to e mẹ, Awóyínú ṣie, azò whlẹngan ṣie tọn, atọ̀họ he yìaga ṣie.

PSALM 20:2

Ni do alọgọ hlan we sọn fiwiwe mẹ Ni sọ zé we dote sọn Ziọni mẹ.

PSALM 27:1

OKLUNỌ wẹ hinhọ́n ṣie po whlẹngan ṣie po, mẹnu yẹn na dibuna? OKLUNỌ wẹ gingántẹn ogbẹ̀ ṣie tọn: mẹnu yẹn na savọ̀na?

PSALM 91:14

Na é ko zé owanyi etọn do ogo e, enẹwutu wẹ yẹn na whlẹn ẹn: Yẹn na zé e doaga, na ewọ yọ́n oyín ṣie wutu.

PSALM 91:2

Yẹn na dọ gbọn OKLUNỌ tọn dali, Ewọ wẹ fibẹ̀tado ṣie podọ fìgángán ṣie: Jiwheyẹwhe ṣie; ewọ go wẹ yẹn na dotudo.

Eksọdusi 6:3

yẹn sọawúhia hlan Ablaham, hlan Isaki, podọ hlan Jakobu, di Jiwheyẹwhe Ganhunupo, ṣigba gbọn oyín ṣie Jehova: dali wẹ yen ma yín mẹyinyónẹn hlan yé gba.

HÓWHÍNWHÉN LẸ 14:26

To osi OKLUNỌ tọn mẹ wẹ tudido he hlọnhu te; E na sọ yín ofìbótado na ovi etọn lẹ.

HÓWHÍNWHÉN LẸ 29:25

Obu gbẹtọ tọn wẹ nọ hẹn omò wá: Ṣigba mẹdepope he yí otu etọn do OKLUNỌ go, wẹ yè na zé daga.

ISAIA 26:4

Mì dotudo OKLUNỌ go kakadoi: na OKLUNỌ JEHOVA mẹ wẹ huhlọn madopodo te;

ISAIA 57:15

Na le wẹ Omẹ gángán Yẹyinọ dọ, he nọnó madopodo, oyín mẹhetọn yín Wiwe, yẹn wẹ nọnọ̀ ofi he ylaga bo wé, hẹ ewọ ga he tindo gbigbọ ovọjọ po whiwhẹ po tọn, nado hẹn gbigbọ whiwhẹnọ lẹ tọn zọ́ta, podọ nado hẹn ayiha vọjọnọ lẹ tọn zéta.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

JẸLEMIA 23:6

Azán etọn lẹ mẹ wẹ yè na whlẹn Juda, Islaeli na sọ yí jijọho do nò; podọ ehe sọ wẹ oyín etọn he yè na do nọ ylọ ẹ, OKLUNỌ odódó mítọn.

HABBAKUK 3:19

Jehova, OKLUNỌ lọ, wẹ huhlọn ṣie, Ewọ bo sọ basi afọ siẹ lẹ taidi afọ agbànlin tọn lẹ, Bo na sọ hẹn mi nado nọ zinzọnlin to otẹn yìaga ṣie lẹ ji.

MATIU 1:23

Do ayi e go, awhli de na mọhò, é na ji ovisunnu de, Yè na nọ ylọ oyín etọn dọ Emmanueli, tadena ehe tọn yín, Jiwheyẹwhe tin to mí de.

OSỌHIA 1:8

Oklunọ dọmọ, Yẹn wẹ Alfa, yẹn wẹ Omẹga, bibẹ po, opòdo, mẹhe tin, bo ko tin, bo sọ ja, Ganhunupo.

1 SAMUẸLI 17:45

Whenẹnu wẹ Davidi dọ hlan Filistini lọ dọmọ, Hiẹ ja dẽ po ohi de po, pọ owhán de po, po dludlu de po: ṣigba yẹn ja de we to oyín OKLUNỌ awhànpa lẹ tọn mẹ, Jiwheyẹwhe awhàn Islaeli tọn lẹ tọn, he hiẹ dèafudo.

1 SAMUẸLI 30:6

Yè sọ hẹnnukunbia Davidi talala; na gbẹtọ lẹ dọhó zannudindlan ẹntọn, na alindọn gbẹtọ lẹpo tọn wẹ yè hẹn adido wutu, omẹ dopodopo na visunnu etọn lẹ podọ na viyọnnu etọn lẹ: ṣigba Davidi nahuhlọn ede to OKLUNỌ Jiwheyẹwhe etọn mẹ.