HÓWHÍNWHÉN LẸ 12:7 - BIBLU WIWE LỌ 1923

⁷ Yè sisé mẹylankan lẹ liai, yé ma sọ tin: Ṣigba owhé dódónọ lẹ tọn na nọte.

HÓWHÍNWHÉN LẸ 12:7 Iomraidhean Croise

2 SAMUẸLI 7:16

Owhé towe po ahọludu towe po yè na hẹn li kakadoi to nukọn towe: yè na hẹn ofìn towe lódo kakadoi.

2 SAMUẸLI 7:26

Bo gbọ oyín towe ni yín hẹnklo kakadoi, dọmọ, OKLUNỌ awhànpa lẹ tọn wẹ Jiwheyẹwhe to Islaeli ji: owhé Davidi mẹmẹsi towe tọn na yín hẹnlódo to nukọn towe.

ẸSTELI 9:14

Ahọlu sọ degbè etọn mọ nado yín wiwà: yè sọ na asẹ tọ́njẹgbonu to Ṣuṣani mẹ; yé sọ zé visunnu ao Hamani tọn lẹ pla.

OWÈ JOB TỌN. 11:20

Ṣigba nukun mẹylankan tọn lẹ na kúyẹ Podọ yè hẹn fibẹ̀tado súdo sọn yé de, Podọ tódido yetọn na yín ojódo alindọn lọ tọn.

OWÈ JOB TỌN. 34:25

Enẹwutu wẹ é do nọ yí oyọnẹn azọ́n yetọn lẹ tọn; E sọ nọ takitìna yé to ozán mẹ, sọmọ bọ yè pọ́tọ́ yé.

PSALM 37:10

Na whenu pẹde, mẹylankan lọ ma na tin ba: Nugbo, hiẹ na yí sọwhiwhe do lẹn otẹn etọn pọ́n, é ma nasọ tin.

HÓWHÍNWHÉN LẸ 10:25

Dile oyú nọ yìn wáyì, mọwẹ mẹylankan ma na tin bà: Ṣigba dódónọ tindo dòdo madopodo.

HÓWHÍNWHÉN LẸ 11:21

Eyín yé tlẹ sín alọ do alọ go, mẹylankan ma na yì majiya: Ṣigba okún dódónọ lẹ tọn wẹ yè na whlẹn.

HÓWHÍNWHÉN LẸ 12:8

Yè na pa gbẹtọ kẹdẹdi nuyọnẹn etọn: Ṣigba ewọ he tindo ayiha gblezọn wẹ yè na vlẹ.

HÓWHÍNWHÉN LẸ 14:1

YỌNNU nuyọnẹntọ lẹpo wẹ nọ gbà ohọ̀ etọn: Ṣigba nulunọ nọ yí alọ etọn do dọ̀n ẹn liai.

HÓWHÍNWHÉN LẸ 14:11

Owhé mẹylankan tọn wẹ yè na súdo: Ṣigba gòhọ nugbonọ tọn na yíai:

HÓWHÍNWHÉN LẸ 15:25

OKLUNỌ na và owhé goyítọ tọn súdo: Ṣigba é na hẹn dògbo asusiọsi tọn sinai.