HOSEA 4:3 - BIBLU WIWE LỌ 1923

³ Enẹwutu wẹ aigba lọ na blawu; podọ omẹ he nọ nọ̀ finẹmẹ lẹpo na vọ̀gán, po gbékanlin danji tọn lẹ po po ohẹ̀ olọn tọn lẹ po; mọwẹ, owhevi ohù tọn ga na yín bibẹ́ yì.

HOSEA 4:3 Iomraidhean Croise

ISAIA 33:9

Aihọn to awubla bo sọ gblekan: winyan to Liban hù, é sọ yọ́: Baṣani po Kalmẹli po sọ húnhún sinsẹ́n yétọn kọnyinai.

JẸLEMIA 12:4

Nawẹ aigba lọ na blawu dèn sọ, bọ omá otò lọ pete tọn na do yé? na kanyinylan yé he nọ nọ e mẹ lẹ tọn, yè và gbékanlin le súdo, po ohẹ le po; na yé dọ wutu, dọ Ewọ ma to na mọ godo mitọn gba.

JẸLEMIA 23:10

Na aigba tin gigọ́ na ayọdetọ lẹ; na na odèhodo lọ tọn wutu aigba lọ to awubla; yè hẹn yìndùgbo zùngbomẹ tọn lẹ hú; podọ aliho yetọn yín yinylan, huhlon yetọn ma sọ yín ojlọjẹ.

JẸLEMIA 4:25

Yẹn pọ́n, bo, dayi e go, sunnu de ma sọ tin, ohẹ̀ olọn lẹ tọn lẹpo wẹ yè sọ hẹn họ̀nyì.

JẸLEMIA 9:10

Yẹn na zé avi de po awhálélé de po daga na osé lẹ, podọ na kanlindùgbo zùngbo mẹ tọn lẹ avigbè de, na yè hẹn yé fiọ wutu, mọ bọ mẹde ma sọ to finẹ gbon yì ba; mọ gbẹtọ lẹ ma sọ sọgan sè ogbè whékanlin lẹ tọn: ohó olọn lẹ tọn po gbékanlin lẹ po wẹ yè hẹn họ̀nyì, yè ko hẹn yé yì

JẸLEMIA 9:9

Be yẹn ma na dla yé pọ́n na onu helẹ? wẹ OKLUNỌ dọ: bé alindọn ṣie ma na yín ahọsuyítọ to akọta mọnkọ de go di ehe?

EZEKIELI 38:20

mọ bọ owhèvi ohù tọn lẹ, po ohè olọn tọn lẹ po, po gbékanlin danji tọn lẹ po, po onú linlin he nọ tin to aigba ji po, po gbẹtọ he tin to nukunmẹ aigba tọn ji lẹpo po, na whàn to nukọn ṣie, yè na sọ sisé osé lẹ liai, otẹn poplonọ le na hò, adó íẹpo na sọ hó jẹ aigba.

JOẸLI 1:18

Nawẹ gbékanlin lẹ to winwẹ̀n sọ! yè hẹn apó kanlinpa tọn lẹ jẹflu, na yé ma sọ tindo kanlindùgbo wutu; mọwẹ, yè sọ hẹn lẹngbọpa lẹngbọ lẹ tọn jiya.

AMỌSI 1:2

Ewọ sọ dọmọ, OKLUNỌ na li son Ziọni mẹ, bo sọ do ogbè etọn sọn Jelusalẹm mẹ; podọ fininó lẹngbọhọ́tọ lẹ tọn lẹ na blawu, podọ aga Kalmẹli tọn na sọ yé.

AMỌSI 5:16

Enẹwutu le wẹ OKLUNỌ dọ, Jiwheyẹwhe awhànpa lẹ tọn, OKLUNỌ, dọmọ: Avihàn na tin to aliho gbó lẹpo mẹ; yé na sọ to didọ to alihogbó lẹpo mẹ dọ, Há! há! yé bo na sọ ylọ oglesi lọ nado blawu, bo sọ lá avihàn hlan omẹ mọnkọ he yín nuyónwàtọ avigbè tọn.

AMỌSI 8:8

Bé aigba lọ ma na sisọ na ehe, podọ omẹ dopodopo he nọ nọ̀ e mẹ blawu? mọwẹ, é na fọ́n tite pete taidi Otò lọ; é na yín tuklanọ bo sọ vó siọ, taidi Otọ̀ Egipti tọn.

NAHUMI 1:4

E wọhẹ ohù, bo sọ hẹn ẹn hú, bo sọ hẹn otọ̀ lepo zùn húhú: Baṣani wlo, podọ Kalmẹli, ovovó ilẹbalọni tọn yọ́

ZẸFANIA 1:3

Yẹn na hù gbẹtọ po kanlin po súdo; yẹn na và ohó olọn tọn lẹ súdo, po owhèvi ohù tọn lẹ po, podọ zannúagbali lẹ po mẹylankan lẹpo; podọ yẹn na sán gbẹtọ só sọn nukunmẹ aigba lọ tọn mẹ, wẹ OKLUNỌ dọ.

ZEKALIA 5:4

Yẹn na sọ hẹn ẹn nado jẹgbonu yì, wẹ OKLUNỌ awhànpa lẹ tọn dọ, é bo na sọ biọ ohò ajotọ lọ tọn mẹ, podọ biọ ohò ewọ he nọ yí oklọ do whle gbọn oyín ṣie dali lọ tọn mẹ: é bo na sọ nọnọ̀ gblagbla ohò etọn tọn mẹ, bo na sọ dù i súdo po whlẹlidemẹ etọn po po zannu etọn po.