HOSEA 1:4 - BIBLU WIWE LỌ 1923

⁴ OKLUNỌ sọ dọ hlan ẹn dọmọ, Ylọ oyín etọn Jezleẹli; na ojlẹ pẹvi de dogọ́, Yẹn na dla ohùn Jezleẹli tọn pọ́n to owhé Jehu tọn ji, bo na sọ hẹn ahọludu owhé Islaeli tọn tọn lọ nado gbòdò.

HOSEA 1:4 Iomraidhean Croise

2 AHỌLU LẸ 10:1

DINVIE Ahabi tindo visunnu kandegbàn to Samalia mẹ. Jehu sọ wlan ohówé lẹ, bo do hlan Samalia hlan mẹho Jezleẹli tọn lẹ, yèdọ mẹho lẹ, podọ hlan yé he hẹn visunnu Ahabi tọn lẹ hẹji wá lẹ, dọmọ,

2 AHỌLU LẸ 10:17

Whenuena é wá Samalia, é hò ehe pò to Ahabi de to Samalia mẹ lẹpo, kaka é do và ẹ, kẹdẹdi ohó OKLUNỌ tọn, he é dọ hlan Elija.

2 AHỌLU LẸ 15:29

To azán Pẹka ahọlu Islaeli tọn tọn lẹ mẹ wẹ Tiglati-pilẹsẹli ahọlu Asilia tọn wá, bo yí Ijọni, po Abẹli-bẹti-maaka po, po Janoa po, po Kedasi po, po Hazọli po, po Gileadi po, po Galile po, po aigba Naftali tọn lẹpo po; é sọ bẹ́ yé yi mẹglọnọ jẹ Asilia.

2 AHỌLU LẸ 15:8

To owhè gbàntọ́nnukunatọ́ntọ Azalia ahọlu Juda tọn tọn mẹ wẹ Zekalia visunnu Jelohoami tọn dúahọlu tọ Islaeli ji to Samalia mẹ osún ṣidopo.

ISAIA 7:14

Enẹwutu, OKLUNỌ lọsu na na ohia de mì; dayi e go, awkli de na mọhò, bo na sọ ji visunnu de, bo na ylọ Oyín etọn dọ Emmanuẹl.

ISAIA 8:3

Yẹn sọ biọ ohò mẹ hodo yẹwhegán yọnnu nẹ; ewọ sọ mọho, bo ji visunnu dopo. Whenẹnu wẹ OKLUNỌ dọ hlan mi dọmọ, ylọ oyìn etọn dọ Mahẹl-Salal-Has-Baz.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

JẸLEMIA 20:3

E sọ wá jọ to aihọngbè, wẹ Pasihuli hẹn Jelemia tón jegbonu sọn osópò lọ mẹ. Whenẹnu wẹ Jẹlemia dọ hlan ẹn dọ, OKLUNỌ ma ko ylọ oyín towe Pasihuli gba, adavo Magoli-misabibi.

JẸLEMIA 23:2

Enẹwutu le wẹ OKLUNỌ dọ, Jiwheyẹwhe Islaeli tọn, do Iẹngbọhọtọ he to omẹ ṣie lẹ yìn lẹ go: Mìwlẹ ko vúnvún lẹngbọpa ṣie, bo yàn yé yì, bo ma ko sọ dla yé pon gba; dayi e go, yẹn na dla oylan wiwà mitọn lẹ tọn pòn to mì ji, we OKLUNỌ dọ.

JẸLEMIA 3:8

Yẹn sọ mọ, whenuena, na owhẹ̀hó he lọ tọn he Islaeli agòjotọ ko deayọ̀, yẹn ko gbẹ́ ẹ dài, bo sọ na ẹn owé gbédai tọn de; gãnṣo Juda nọviyọnnu etọn danuwàtọ ma sinú, ṣigba e yì bo to ogàlilọ zán ga.

EZEKIELI 23:10

Ehelẹ dè omọ́ etọn hia: yé bẹ́ visunnu etọn lẹ po viyọnnu etọn lẹ po, podọ ewọ wẹ yé sọ yí ohi do hù: ewọ sọ lezùn oyín de to yé ṣẹnṣẹn; na yé hẹn whẹ̀dida lẹ ṣẹ to e ji.

EZEKIELI 23:31

Hiẹ ko zinzọnlin to aliho nọviyọnnu towe tọn mẹ; enẹwutu wẹ yẹn na yí kọfo etọn do alọ towe mẹ.

HOSEA 1:6

Ewọ sọ mọhò devo, bo ji viyọnnu de. OKLUNỌ sọ dọ hlan ẹn dọmọ, Ylọ oyín etọn Loluhama: na yẹn ma to na sọ tindo lẹblanu to owhé Islaeli tọn jì ba gba, na yẹn to alọdepope mẹ ma na do jona yé.

HOSEA 1:9

OKLUNỌ sọ dọmọ, Ylọ oyín etọn Lo-ami: na mìwlẹ ma sọ yín omẹ ṣie gba, yẹn ma na sọ tin na mì gba.

HOSEA 2:13

Yẹn na sọ dla azán Baalimi tọn lẹ pòn tó ewọ ji, ehemẹ ewọ mẹ̀ nuyọnwan hlan yé te lẹ; whenuena ewọ yí otómẹnu etọn lẹ do và ede po asọdonu etọn lẹ po, bo sọ yì hodo wanyitọ etọn lẹ, bo sọ wọn mi, wẹ OKLUNỌ dọ.

HOSEA 2:22

aigba na sọ gblọnna ogbadó, ovẹ̃n, po amì po; yéwlẹ bo na sọ gblonna Jezleẹli.

HOSEA 9:17

Jiwheyẹwhe ṣie na zé yé dlangbé, na yé ma tuntóai hlan ẹn wutu; Yé na sọ yín dindanpétọ to akọta lẹ ṣẹnṣẹn.

AMỌSI 9:8

Dayi e go, nukun OKLUNỌ JIWHEYẸWHE tọn lẹ tin to ahọludu oylannọ lọ ji, podọ yẹn na và ẹ súdo sẹ̀ sọn nukunmẹ aigba tọn mẹ; ṣigba dọ yẹn ma na và owhé Jakob tọn súdo mlẹnmlẹn gba, wẹ OKLUNỌ dọ.

MATIU 1:21

E nasọ ji ovisunnu de, JESU wẹ hiẹ na ylọ oyín etọn, na ewọ wẹ na whlẹn omẹ etọn lẹ gán sọn ylando yetọn lẹ mẹ.

LUKU 1:13

Ṣigba angeli lọ dọ hlan ẹn, dọmo, A dibu blo, Zakali: na yè sè odè towe; asi towe Elizabẹti na ji ovisunnu de hlan we, hiẹ nasọ ylọ oyín etọn Johanu.

LUKU 1:31

Bo do ayi e go, hiẹ na mọho to ohò towe mẹ, bo nasọ ji ovisunnu de bo sọ ylọ oyín etọn JESU.

LUKU 1:63

E sọ kàn wekanu de biọ, bo wlan dọmọ, Johanu wẹ oyín etọn. Awu sọ ji yé omẹ pó.

JOHANU 1:42

E so hẹn ẹn wá Jesu de. Whenuena Jesu pọ́n ẹn, é dọmọ, Hiẹ wẹ Simọni ovisunnu Johànu tọn, Kéfa we yè na nọ ylọwe dọ, (tadena ehe tọn yín, Osé).

JỌṢUA 19:18

Dògboji yetọn sọ tin jẹ Jézliẹlì, po ṣẹsulọti po, po Sunẹmi po;