Gẹnẹsisi 9:6 - BIBLU WIWE LỌ 1923

⁶ Mẹdepope hẹn ohùn gbẹtọ tọn sàkònyìnai, gbọn gbẹtọ dali wẹ yè na hẹn ohùn etọn sàkònyìnai, na obosiọ Jiwheyẹwhe tọn mẹ wẹ ewọ basi gbẹtọ do.

Gẹnẹsisi 9:6 Iomraidhean Croise

Gẹnẹsisi 4:14

Dayi e go, hiẹ ko yàn mi jegbonu to egbé sọn aigba ji; yẹn nasọ yín mẹwhiwhlá sọn nukun towe mẹ; yẹn nasọ yín gbéjinu de podọ dánpétọ de to aigba mẹ: é nasọ wá jọ do mẹdepope he mọ mi nasọ hù mi.

Gẹnẹsisi 42:22

Lẹubeni sọ gblọnna yé, dọmọ, Yẹn ma dọhó hlan mì, dọmọ, Mì wàylando do ovi lọ go blo; bọ mì ma sọ sè? enẹwutu ga, dayi e go, yè to ohùn etọn biọ.

Gẹnẹsisi 5:1

EHE wẹ owé whọndo Adam tọn tọn. To azán he gbè Jiwheyẹwhe dá gbẹtọ, to opajlẹ Jiwheyẹwhe tọn mẹ wẹ é dá ẹ,

2 SAMUẸLI 4:11

Nẹmunẹmẹ hú, whenuena omẹ ylankan lẹ ko hù gbẹtọ dódónọ de to ohó etọn titi mẹ to adọzan etọn ji, wẹ yẹn ma na kàn ohùn etọn biọ sọn alọ mìtọn mẹ, bo sọ dè mì sọn aigba ji?

1 AHỌLU LẸ 2:9

Enẹwutu dinvie a hẹn en matin whẹgbledo blo, na nuyọnẹntọ de we hiẹ; hiẹ na sọ yọn núhe hiẹ mọjẹ nado wà hlan ẹn, bọ hie na sọ hẹn ota wéwe etọn jẹte wá kutòmẹ po ohùn po.

2 AHỌLU LẸ 11:1

DINVIE whenuena Àtalìa onọ Ahazia tọn mọ dọ visunnu etọn yín osiọ, é tite bo và okun ahọluji lẹpo.

2 AHỌLU LẸ 11:16

Mọwẹ yé basi aliho na ẹn; ewọ sọ gbọn aliho kuleji osọ́ lẹ tọn tọn yì jẹ owhé ahọlu tọn gbè: podọ finẹ wẹ yè sọ hù i do.

2 AHỌLU LẸ 11:20

Mọwẹ omẹ aigba lọ tọn lẹpo sọ to ayajẹ, todaho lọ sọ yín abọẹnọ: yé sọ yí ohi do hù Atalia to owhé ahọlu lọ tọn gbè.

2 OTÀNNUGBO LẸ 33:24

Mẹmẹsi etọn lẹ sọ ṣiatẹ hẹ ẹ, bo hú i to ohọ̀ etọn titi mẹ.

PSALM 51:4

Hiẹ, hiẹ dopokẹdẹ go wẹ yẹn wàylan do, Bo sọ wà ylankan nẹ to nukọn towe: Na yè nido sùwhẹna we whenuena hiẹ dọhó, Bo sọ yín dódónọ whenuena hiẹ to whẹ́da.

Eksọdusi 20:13

Hiẹ ma na yọngbẹtọku de.

HÓWHÍNWHÉN LẸ 28:17

Omẹ he wàka do ohùn mẹde tọn go Na hòn yì odò mẹ: a dike mẹde hẹn ẹn dote blo.

YEWHEHÓDỌTỌ 3:3

whenu hùhù tọn de, podọ whenu hinhẹn jẹgángán tọn; whenu hihọ́ liai tọn de, podọ whenu zízédote tọn;

Levitiku 17:4

bo ma ko hẹn ẹn wá jẹ ogohò opli tọn lọ kòn, nado yí i na di avọ́nunina de hlan OKLUNỌ lọ to gohọ̀túntún OKLUNỌ lọ tọn nukọn gba: ohùn na yín hihia hlan odawe lọ; é ko kèn ohùn dai; odawe nẹ na yín sinsán sè sọn omẹ etọn lẹ mẹ:

Levitiku 24:17

Podọ ewọ he linú omẹ depope hù na yín hùhù dandan;

Osọha lẹ 35:16

Ṣigba eyín é yí núzinzán ogàn tọn de li i, sọmọ bọ é kú, hlọnhùtọ de wẹ ewọ: mẹhùtọ lọ na yín hùhù dandan.

Osọha lẹ 35:25

agùn lọ bo na whlẹn mẹhùtọ lọ sọn alọ ahọsuyítọ ohùn tọn lọ si, agùn lọ bo na gò ẹ jó hlan tòdaho fibẹ̀tado tọn etọn mẹ, fie yè hẹn ẹn họ̀nyì: é bo nasọ nọnọ̀ finẹmẹ kakajẹ okú yẹwhenọ daho lọ tọn whenu, he yè yí amì wiwe lọ do dè.

Osọha lẹ 35:33

Mọwẹ mì ma na flu aigba ehemẹ mì te lọ gba: na ohùn, é nọ hẹn aigba flu: podọ ovẹ̀se de ma sọgan ín bibasi na aigba lọ gba na ohùn he yè Sọndai to enẹ mẹ, adavo gbọn ohùn ewọ he kọ̀n ẹn dai lọ tọn dali.

MATIU 26:52

Whenẹnu wẹ Jesu dọ hlan ẹn, dọmọ, Yí ohi towe dó otẹn etọn mẹ; na mẹhe zé ohi lẹ pó wẹ na dòn po ohi po.

LOMUNU LẸ 13:4

Na devizónwàtọ Jiwheyẹwhe tọn wẹ ewọ hlan hiẹ na dagbe. Ṣigba eyín hiẹ wà ehe ylan, bo dibu; na ewọ ma zé ohi lọ hẹn yaya gba; na devizònwàtọ Jiwheyẹwhe tọn wẹ ewọ, ahọsuyitọ nado wàzòn homẹgble tọn to yé he wàylan ji.

1 KỌLINTINU LẸ 11:7

Na nugbo, é ma jẹ sunnusi ni ṣinyọnnu ota etọn gba, sọle ewọ yín ohiẹ po gigo Jiwheyẹwhe tọn po do: ṣigba yọnnu wẹ gigo sunnu tọn.

Deutelonomi 19:11

Ṣigba eyín omẹ de gbẹwanna kọmẹnu etọn, bo tọwu dai nẹ̃, bo fọ́n tite do e ji, bo linú in sọmọ nado hẹn okú wá bọ é kú; bọ é sọ họ̀nyì jẹ dopo tòdaho helẹ tọn mẹ:

Deutelonomi 5:17

Hiẹ ma na hùmẹ.

JAKOBU 3:9

Ewọ wẹ mí do nọpa Jiwheyẹwhe, yèdọ Otọ́; ewọ lọ wẹ mí sọ do nọ zùn gbẹtọ, he yè da to apajlẹ Jiwheyẹwhe tọn mẹ.

OSỌHIA 13:10

Eyín mẹde tin na kanlinmọgbenu, kanlinmọgbenu mẹ é jei; eyín mẹde sọ yí ohi do hùmẹ, yè ma na nọma yí ohi do hù i. Ofi we homẹfa po yise mẹwiwe lẹ tọn po te.

WHẸ̀DATỌ 9:56

Le wẹ Jiwheyẹwhe yíahọsu kanyinylan Abimelẹki tọn tọn, he é wà hlan otọ́ etọn, to hùhù mẹmẹsunnu etọn kandegbàn lẹ mẹ:

1 SAMUẸLI 15:33

Samuẹli sọ dọmọ, Le ohi towe lẹ ko hẹn yọnnu lẹ yín vimatinnọ, mọwẹ onọ towe na yín vimatinnọ to yọnnu lẹ ṣẹnṣẹn do. Samuẹli sọ já Agagi do flínflín to OKLUNỌ nukọn to Gilgali.