Gẹnẹsisi 5:2 - BIBLU WIWE LỌ 1923

² Asú po asi po wẹ é dá yé; bo dona yé, bo sọ ylọ oyín yetọn dọ Adam to azán he gbè yè dá yé.

Gẹnẹsisi 5:2 Iomraidhean Croise

Gẹnẹsisi 1:27

Mowẹ Jiwheyẹwhe dá gbẹtọ to boṣio etọn titi mẹ, to bosiọ Jiwheyẹwhe tọn mẹ wẹ é dá ẹ do: asú de asi de wẹ é dá yé.

Gẹnẹsisi 1:28

Jiwheyẹwhe dona yé; Jiwheyẹwhe sọ dọ hlan yé, dọmọ, Mì yín sinsẹ́nnọ, bo sudeji, bo sọ gó aigba ji, bo dugán do e jì: bo duahọlu to owhèvi ohù tọn ji, podọ to ohẹ́ aga tọn ji, po to onú he to ogbẹ́ lẹpo ji he nọ lìn to aigba ji.

Gẹnẹsisi 2:15

OKLUNỌ Jiwheyẹwhe sọ yí sunnu lọ, bo yí i do ojipa Edẹni tọn mẹ, nado nọ pò ẹ, podọ nado nọ pọ́n e go.

Gẹnẹsisi 2:23

Sunnu lọ sọ dọmọ, Ehẹ wẹ dinvie ohú sọn ohú ṣie lẹ mẹ, podọ olàn sọn olàn ṣie mẹ: Oyọnhù wẹ yè na nọ ylọ ẹ, na Sunnu go wẹ yè dè e sọn jegbonu wutu.

Gẹnẹsisi 5:3

Adam sọ nọ̀ owhè kantọ̀nao, bo ji vi sunnu de to apajlẹ etọn titi mẹ, to bosiọ ede tọn mẹ; bo sọ ylọ oyín etọn dọ Seti:

MALAKI 2:15

Bé ewọ ma basi dopo, le ewọ tlẹ tindo pipòtọ gbigbọ lọ tọn sọ. Podọ etẹwutu wẹ dopo? Ewọ to okún di Jiwheyẹwhe tọn de dinyì. Enẹwutu mì yi ayipa hlan gbigbọ mìtọn, bo sọ dike mẹde yí odanú do zán do asi vúwhenu etọn tọn go blo.

MATIU 19:4

E sọ gblọn bo dọmọ Be mìwlẹ ma ko hia, dọ mẹhe da ye to whéwhéwhenu, da yé asú po asi po?

MALKU 10:6

Ṣigba sọn whéwhéwhenu dida tọn asú po asi po wẹ é basi yé.

OWALỌ APỌSTELI LẸ TỌN 17:26

e sọ yí ohùn dopodo da akọta gbẹtọ lẹpo tọn na nado nò aigba nukunmẹ lẹpo ji, bo ko sọ dotana osã didè yetọn lẹ, podọ dògbo ninò yetọn lẹ tọn,