Gẹnẹsisi 44:2 - BIBLU WIWE LỌ 1923

² Bo yí kọfo ṣie, kọfo fataka tọn, do onù apo agọ̀gbọnẹn lọ tọn tọn po akuẹ ogbado etọn tọn po Ewọ sọ basi kẹdẹdile ohó he Josefu ko dọ nẹ̃ te.

Gẹnẹsisi 44:2 Iomraidhean Croise

Gẹnẹsisi 42:20

bo hẹn agọ̀gbọnẹn nọvisunnu mítọn wá dẽ; mọwẹ yè na hẹn ohó mítọn lẹ yín nugbo, bọ mì ma nado kú. Yé sọ basi mọ.

Gẹnẹsisi 42:25

Whenẹnu wẹ Josefu degbè nado yí ogbado do gó apò yetọn lẹ, podọ nado gò akuẹ omẹ dopodopo ton jo do apò etọn mẹ, podọ nado na núdùdù yé na aliho: le wẹ yè wà hlan yé do.

Gẹnẹsisi 43:32

Yé sọ zédai nẹ̃ do ede dali, podọ na yé to yélọsu dali, podọ na Egiptinu lẹ, he nọ dùnú hẹ ẹ le, to yélọsu dali: na Egiptinu lẹ ma na sọgan dùnú hẹ Heblu lẹ wutu; na enẹ wẹ osùnú de hlan Egiptinu lẹ.

Gẹnẹsisi 44:1

E sọ degbèna hònkònsi owhó etọn tọn, dọmọ, Yí núdùdù do gó apò omẹ ewlẹ tọn lẹ, su sọle yé sọgan hẹn do, bo sọ yí akuẹ omẹ dopodopo tọn do onù apò etọn tọn.

Gẹnẹsisi 44:12

E to dindinpèn, bo hẹn sọn mẹho lọ ji, wá jodo agọ̀gbọnẹn ji: yè sọ mọ kọfo lọ to apò Bẹnjamini tọn mẹ.

Gẹnẹsisi 44:3

Le ai ko hón, yè do omẹ ewlẹ hlan, yé po kẹtẹkẹtẹ yetọn lẹ po.

MATIU 10:16

Mì pọ́n, yẹn do mì hlan di lẹngbọ do ohla ṣẹnṣẹn: enẹwutu na mì ni yọnnuin di odàn, bo sọ do jijọmimiọn di apoe.

2 KỌLINTINU LẸ 8:8

Yẹn ma to didọ gbọn osén dali gba, ṣigba gbọn nukọnyìyì na sọwhiwhe mẹdevo lẹ tọn wutu, podọ nado modòná nugbo owanyi mìtọn tọn.

Deutelonomi 13:3

Hiẹ ma na tùntóai hlan ohó yẹwhegán nẹ tọn lẹ lọ gba, kavi hlan odlọnọ odlọ lẹ tọn nẹ gba: na OKLUNỌ lọ Jiwheyẹwhe mìtọn to mì ténpọn, nado yọnẹn eyín mì yí ayiha mìtọn lẹpo podọ po alindọn mìtọn lẹpo po do yiwanna OKLUNỌ lọ Jiwheyẹwhe mìtọn.

Deutelonomi 8:16

mẹhe yí mana do yìn we to zùngbo lọ mẹ, he otọ́ towe lẹ ma yonẹn gba: na é nido hòhuwhẹ we, podọ na ewọ nido tén we pọn, nado wà dagbe na we to osọgodo towe:

Deutelonomi 8:2

Hiẹ nasọ nọ flin aliho he OKLUNỌ lọ Jiwheyẹwhe towe ko hẹn we gbọn lẹpo to owhè kande helẹ mẹ to zùngbo lọ mẹ, na é nido hòhuwhẹ we, nado tén we pọn, nado yọn núhe tin to ayiha towe mẹ, eyín hiẹ na payi gbèdide etọn lẹ go, kavi lala.