Gẹnẹsisi 4:2 - BIBLU WIWE LỌ 1923

² E sọ ji Abeli nọvisunnu etọn. Abeli sọ yín yìnyìntọ lẹngbọ tọn, Kaini yín pipọ̀tọ aigba tọn.

Gẹnẹsisi 4:2 Iomraidhean Croise

Gẹnẹsisi 3:23

enẹwutu OKLUNỌ Jiwheyẹwhe yàn ẹn jẹgbonu sọn ojipa Edeni tọn mẹ, nado pò aigba he mẹ ye ko dè e sọn.

Gẹnẹsisi 37:13

Islaeli sọ dọ hlan Josefu, domọ, Ṣẹkẹmi ma wẹ nọvisunnu towe lẹ to kanlinpa yìn te? wá, yẹn na do we hlan yé de. Ewọ sọ dọ hlan ẹn, dọmọ, Yẹn tin to ofi.

Gẹnẹsisi 4:1

ADAM sọ yọ́n Evi, asi etọn é sọ mọhò, bo ji Kaini, bo sọ dọmọ, Yẹn mọ sunnu de yí gbọn alọgọna OKLUNỌ tọn mẹ.

Gẹnẹsisi 4:3

To nukọnyìyì ojlẹ tọn mẹ é wá jọ, bọ Kaini yí sọn sinsẹ́n aigba tọn mẹ wá na núnina hlan OKLUNỌ.

Gẹnẹsisi 47:3

Falo sọ dọ hlan mẹmẹsunnu etọn lẹ, dọ; Etẹ́ wẹ azọ́n mítọn? Yé sọ dọ hlan Falo, dọ Lẹngbọyìntọ lẹ wẹ devi towe lẹ, míwlẹ, po otọ́ mítọn lẹ po.

Gẹnẹsisi 9:20

Noa glepọ̀tọ lọ sè bo sọ dó vẹ̃ngle de:

PSALM 127:3

Dayi e go, visunnu lẹ wẹ ogú OKLUNỌ tọn; Sinsẹ́n adọ̀me tọn sọ wẹ ale etọn.

Eksọdusi 3:1

MOṢE koto kanlinpa Jẹtlo yónwhẹn etọn yẹwhenọ Midiani tọn tọn hó: é sọ plan kanlinpa lọ jẹ godo zùngbo lọ tọn, bo wá osé Jiwheyẹwhe tọn lọ ji, to Holebi.

AMỌSI 7:15

OKLUNỌ bo sọ dè mi sọn lẹngbọpa hihodo mẹ, OKLUNỌ bo sọ dọ hlan mi dọ, Yì, dọdọdai hlan Islaeli omẹ towe lẹ.

LUKU 11:50

na yè nido kàn ohùn yẹwhegán lepo tọn se, he yè ko kọn dai sọn dodó aihọn tọn to whendo he si;

LUKU 11:51

sọn ohùn Ábẹli tọn, kaka jẹ ohùn Zakali tọn, mehe don to agbà po tẹmpli po ṣẹnṣẹn; nugbo yẹn dọ hlan mì, dọmọ, Yè na kàn ẹn se to whẹndo he si.

JOHANU 8:44

Otọ́ mìtọn lẹgba tọn wẹ mì, wantúntún otọ́ mìtọn tọn ojlo mìtọn wẹ nado wà. Hlọnhùtọ de wẹ ewọ sọn whéwhéwhenu, é ma nọ nọte to nugbo mẹ gbède, na nugbo ma tin to ewọ mẹ wutu. Whenuena é dọ lalo de, é dọhó etọn titi tọn: na lalonọ de wẹ ewọ, podọ otọ́ etọn.

1 JOHANU 3:10

Ehe mẹ wẹ yè to ovi Jiwheyẹwhe tọn lẹ sọhia te, po ovi lẹgba tọn lẹ po: mẹdepope he ma wà dódó, é ma jò sọn Jiwheyẹwhe de gba, kavi ewọ he ma yiwanna mẹmẹsunnu etọn.

1 JOHANU 3:12

E ma yín taidi Kaini, he jọ̀ sọn mẹylankan lọ de, bo hù nọvisunnu etọn gba. Etẹwutu wẹ é hù i? Na azọ́n etọn lẹ yín oylan wutu, bọ nọvisunnu etọn tọn yín dódó.

1 JOHANU 3:15

Mẹdepope he gbẹwanna mẹmẹsunnu etọn mẹhùtọ de wẹ; mì sọ yọnẹn dọ ogbẹ̀ madopodo ma na nọhẹ mẹhùtọ gba.