Gẹnẹsisi 3:8 - BIBLU WIWE LỌ 1923

⁸ Yé sọ sè ogbè OKLUNỌ Jiwheyẹwhe tọn he to zọnlinzin to ojipa mẹ to whèjai pleplẹ, sunnu lọ po asi etọn po sọ yéde whlá sọn OKLUNỌ Jiwheyẹwhe nukọn, to atin ojipa mẹ tọn lẹ ṣẹnṣẹn.

Gẹnẹsisi 3:8 Iomraidhean Croise

Gẹnẹsisi 18:33

OKLUNỌ sọ lẹ́, le é jo hódọ hẹ Ablaham do: Ablaham sọ gọ̀yì otẹn etọn mẹ.

Gẹnẹsisi 3:10

E sọ dọmọ, Yẹn sè ogbè towe to ojipa mẹ, obú sọ di mi, na omé wẹ yẹn ko te wutu; yẹn sọ whlá dẽ.

OWÈ JOB TỌN. 22:14

Aslọ titli lẹ wẹ oṣinyọn de hlan ẹn, bọ ewọ ma do mọnú gba; Ewọ sọ to zọnlinzin to adadanu aga olọn tọn.

OWÈ JOB TỌN. 31:33

Eyín yẹn ṣinyọnnúdo séngbigbà lọ kẹdẹdi owàlọ gbẹtọ lẹ tọn, Gbọn whiwhla oylanwà ṣie dali to akòn ṣie mẹ;

OWÈ JOB TỌN. 38:1

WHENẸNU we OKLUNỌ gblọnna Job sọn jẹhọnahizi mẹ, bo dọmọ,

HÓWHÍNWHÉN LẸ 15:3

Nukun OKLUNỌ tọn tin to ofi popo, E to mẹylankan po mẹdagbe lẹ po pọ́n.

JẸLEMIA 23:24

Bé mẹde sọgan whlá ede to tẹnmẹ whiwhlá lẹ mẹ bọ yẹn ma na mọ ẹn? wẹ OKLUNỌ dọ. Bé yẹn ma gò olọn mẹ po aigba po? wẹ OKLUNỌ dọ.

HOSEA 10:8

Otẹn fiyìaga Avẹni tọn lẹ ga, ylando Islaeli tọn, na yín vivà: oun po ovẹun po nà hẹaga wá agbà yetọn lẹ ji; yé na sọ dọ hlan osó lẹ dọ Ṣinyọn mí ji; podọ hlan okọta lẹ dọ, Hẹ́ jẹ mí jì.

Levitiku 26:12

Yẹn bo nasọ nọ zinzọnlin to mì ṣẹnṣẹn, bo yín Jiwheyẹwhe mìtọn, mìwlẹ bo nasọ yín omẹ ṣie lẹ.

JONA 1:3

Ṣigba Jona fọ́n tite nado họ̀nyì jẹ Talṣiṣi sọn nukọn OKLUNỌ tọn; é sọ jẹte yì jẹ Jọpa, bo sọ mọ ohun de jei Talṣaiṣi mọwẹ ewọ na hundokuẹ etọn, bo jẹte yì biọ e mẹ, nado yì po yé po jẹ Talsisi sọn nukọn OKLUNỌ tọn.

LOMUNU LẸ 2:15

to enẹ mẹ yé do azón osén tọn he yè wlan do ayiha yetọn me hia, ayiha yetọn ga sọ to kunnude, linlẹn yetọn lẹ sọ nọ to owhè yenọzo tọn je, eyín é ma yín mọ yé na nọ mọhódọ na yénọzo;)

Deutelonomi 23:14

Na OKLUNỌ lọ Jiwheyẹwhe towe to zọnlinzin to gblagbla osla towe tọn mẹ, nado whlẹn we, podọ nado jó kẹ̀ntọ towe lẹ to nukọn towe; enẹwutu wẹ osla towe na yín wiwe: dọ ewọ mọ onú mawénọ de to hiẹ mẹ bo lẹ̀ sọn hie de blo.

Deutelonomi 4:33

Bé gbẹtọ sè ogbè Jiwheyẹwhe tọn gbède to hódọ sọn gblagbla miyọn tọn mẹ dile hiẹ ko sè do, bo sọ togbẹ́?

Deutelonomi 5:25

Enẹwutu dinvie etẹwutu wẹ mi do kú? na miyọn daho he na fiọ mí súdo: eyín mí sọ sè ogbè OKLUNỌ lọ Jiwheyẹwhe mitọn tọn de ba, whenẹnu mi na kú.

HEBLU LẸ 4:13

Podọ núdida he ma doawúhia to nukọn etọn de ma tin: mọ onú lepo wẹ to omé bo sọ hùndonuvo to nukun etọn mẹ, mẹhe mìwlẹ do onú nado wà hẹ.

OSỌHIA 6:15

Ahọlu aigba tọn lẹ, mẹgbògbo lẹ, adọkunnọ lẹ, awhangán lẹ, mẹgángán lẹ, mẹmẹglọ lẹ dopodopo, podọ mẹmẹkannu lẹ dopodopo, sọ yí yéde whlá do odò slo mẹ, podọ to osé slo mẹ to osé daho lẹ ji;