Gẹnẹsisi 26:4 - BIBLU WIWE LỌ 1923

⁴ Yẹn nasọ hẹn okún towe jipligégé di sunwhlẹvu olọn tọn lẹ, yẹn nasọ na aigba helẹ hlan okún towe; na to okún towe mẹ wẹ akọta aihọn tọn lẹpo na yín donanọ te:

Gẹnẹsisi 26:4 Iomraidhean Croise

Gẹnẹsisi 13:16

Yẹn nasọ basi okún towedi kọ́gudu aigba tọn; sọmọ bọ eyín gbẹtọ de sọgan dọ sọha kọ́gudu tọn, bọ́ yè ma sọgan dọ sọha okún towe lẹ tọn ga.

Gẹnẹsisi 15:18

To azán nẹ gbè wẹ OKLUNỌ basi alẹnu de hẹ Ablam, dọmọ, Hlan okún towe wẹ yẹn na aigba he, sọn otò Egipti: tọn ji, kaka jẹ otò daho nẹ ji, otọ̀ Euflate:

Gẹnẹsisi 15:5

E sọ hẹn ẹn tónjẹ gbangba, bo dọmọ, Zé nukun pọ́n hlan olọn lò, bo dọ sọha sunwhlẹvu lẹ tọn eyín hiẹ sọgan dọ soha yetọn: é sọ dọ hlan ẹn, dọmọ, Mowẹ okún towe na yín.

Gẹnẹsisi 18:18

na Ablaham na lẹzun akọtá huhlọnnọ daho, akọta he to aigba mẹ lẹpo wẹ yè nasọ dona to ewọ mẹ?

Gẹnẹsisi 26:24

OKLUNỌ sọ sọawúhia ẹ to ozán nẹ mẹ, bo dọmọ, Yẹn Jiwheyẹwhe Ablaham otọ́ towe tọn wẹ: a dibú blo, na yẹn tin to de we, bo na dona we, bo na hẹn okún towe jipligégé na Ablaham devi ṣie wutu.

Gẹnẹsisi 28:14

okún towe nasọ taidi kógudu aigba tọn; hiẹ nasọ vún hlan whèyìhọ dali, podọ hlan whèzẹtẹn dali, hlan agewàji dali, podọ hlan hùwàjì dali: to hiẹ mẹ podọ to okún towe mẹ wẹ yè na dona hẹnnu he to aigba ji lẹpo te.

Gẹnẹsisi 28:3

Jiwheyẹwhe Ganhunupo ni sọ dona we; bo hẹn we yín sinsẹ́nnọ, bo hẹn we jipligégé, na hiẹ nido yín agùn akọta lẹ tọn de tọn.

Gẹnẹsisi 35:12

Aigba he yẹn ko na hlan Ablaham po Isaki po, hiẹ wẹ yẹn na yí na, podọ hlan okún towe to godo towe wẹ yẹn na yí aigba lọ na.

Gẹnẹsisi 47:27

Islaeli sọ nọnọ̀ aigba Egipti tọn ji, to aigba Gosẹni tọn ji; yé sọ tindo nútindo lẹ to e mẹ, bo yín sinsónnọ lẹ, bo sọ sudeji gégé.

1 OTÀNNUGBO LẸ 27:23

Ṣigba Davidi ma yí osọha yé tọn sọn owhè òko mẹho po whèhu po mẹ gba: na OKLUNỌ ko dọmọ é na hẹn Islaeli jideji jijlẹ do sunwhlẹvu olọn tọn lẹ go wutu

PSALM 72:17

Oyín etọn na tin kakadoi: Oyín etọn na nọte dẹn kaka di owhè: Yè na nọ dona gbẹtọ to ewọ mẹ; Akọta lẹpo na nọ ylọ ẹ jijọhonọ.

Eksọdusi 32:13

Flin Ablaham, Isaki, po Islaeli po, devi towe lẹ, mẹhe hiẹ whle hlan gbọn dewe lọsu dali, bo dọ hlan yé dọmọ, Yẹn na hẹn okún towe sùdeji di suwhíẹvu olọn tọn lẹ, podọ aigba he lẹpo he yẹn ko dọhó etọn wẹ yẹn na na hlan okún mìtọn, yé bo nasọ yídodùgú kakadoi.

Eksọdusi 6:4

Podọ yẹn ko hen alènu ṣie li hẹ yé ga, nado na aigba Kenani tọn yé, aigba wási yetọn tọn lẹ, ehemẹ yé wáwási te.

OWALỌ APỌSTELI LẸ TỌN 3:25

Mì wẹ ovi yẹwhegán lẹ tọn, podọ alẹnu he Jiwheyẹwhe ho po otọ́ mìtọn lẹ po tọn, é to didọ hlan Ablaham, dọ, To okún towe mẹ wẹ yè na dona hẹnnu aihọn tọn lepo.

GALATIANU LẸ 3:16

Be hlan Ablaham po okún etọn lọ po wẹ yè dọ opagbe lẹ lọ. Ewọ ma dọmọ, Podọ hlan okún lẹ gba, taidi hlan ome susu; ṣigba taidi hlan dopo, Podọ hlan okún towe, 7 he yín Klisti.

GALATIANU LẸ 3:8

Owe wiwe, mimọ donukọn dọ, Jiwheyẹwhe na sùwhẹna Kosi lẹ gbọn yise dali; dọyẹwheho wendagbe lọ tọn jẹnukọn hlan Ablaham, domọ, Gbọn de we wẹ akọta lẹpo na mọ dona te.

Deutelonomi 13:17

Podọ onú nuklandovo tọn lọ depope fàn do alọ towe go finẹ blo: na OKLUNỌ lọ nido lẹ́ sọn adi zògbe etọn mẹ, bo do lẹblanu hia we, bo tindo awubla to oji we, bo hẹn we zùn sùsù, dile é ko whle hlan otọ́ towe lẹ do;

Deutelonomi 9:5

E ma yín na dódó towe gba, kavi na pipé ayiha towe tọn, wẹ hiẹ do yì hòmẹ nado yí aigba lọ gba ṣigba na kanyinylan akọta helẹ tọn wẹ OKLUNỌ lọ Jiwheyẹwhe towe do yàn yé jẹgbonu sọn nukọn towe, podọ na é nido hẹn ohó he OKLUNỌ lọ whle hlan otọ́ towe lẹ lódo, hlan Ablaham, hlan Isaki, podọ hlan Jakob.

HEBLU LẸ 11:2

Na é mẹ wẹ mẹho lẹ mọ kunnude dagbe yí te.