Gẹnẹsisi 22:4 - BIBLU WIWE LỌ 1923

⁴ To azán atọ̀ntọ gbè, Ablaham zé nukun etọn daga, bo mọ ofi lọ to aganu bobo.

Gẹnẹsisi 22:4 Iomraidhean Croise

Gẹnẹsisi 22:3

Ablaham sọ fọ́n to afọnnufú bo blapa na kẹtẹkẹtẹ etọn, bo yí awe to devisunnu etọn lẹ mẹ gọ́na ede, po Isaki visunnu etọn po, bo zé nake na avọ́ núnina mimé lọ, bo sọ fọ́n, bo yì ofi fietọn Jiwheyẹwhe ko dọ nẹ̃.

Gẹnẹsisi 22:5

Ablaham sọ dọ hlan devisunnu etọn lẹ, dọmọ, Mì nọ̀ ofi po kẹtẹkẹtẹ lọ po; yẹn po ovi he po na yì odọ́n; míwlẹ na sẹ́n, bo sọ lẹ́gò wá mì de.

2 AHỌLU LẸ 20:5

Sọ góyì, bo dọ hlan Hẹzekia ogán omẹ ṣie lẹ tọn lọ, dọmọ, Le wẹ OKLUNỌ dọ, Jiwheyẹwhe Davidi otọ́ towe tọn, Yẹn ko sè odẹ́ towe, yẹn ko sọ mọ odasìn towe lẹ: dayi e go, yẹn na hẹnazọ̀ngbọna we: to azán atọ̀ntọ gbè hiẹ na hẹji yì jẹ ohọ̀ OKLUNỌ tọn mẹ.

ẸSTELI 5:1

E sọ wá jọ dinvie to azán atọ̀ntọ ji, wẹ Esteli yí ahọsi vọ́ etọn do ogo, bo site to awá ohọ̀ ahọlu lọ tọn tọn hòmẹ, pannukọn ohọ̀ ahọlu lọ tọn; ahọlu to aisinsin to ahọlufìn etọn ji to ahọluhọ̀ mẹ, pannukọn bibiọ ohọ́ lọ tọn mẹ.

Eksọdusi 15:22

Moṣe so plan Islaeli yi nukọn sọn Ohù Vẹ̃ tó, yé sọ tón yì biọ zùngbo Suli tọn mẹ; yé to yìyì azán atọ̀n to zùngbo mẹ, bo ma mọ osìn de.

Eksọdusi 19:11

bo yín mẹwleawu na azán otòntọ: na azán atọ̀ntọ gbè OKLUNỌ na wá odò to nukun gbẹtọ lẹpo tọn mẹ to osé Sinai ji.

Eksọdusi 19:15

Ewọ sọ dọ hlan gbẹtọ ewlẹ dọ, Yín mẹwleawudote na azán atọ̀ntọ gbè: mì sẹpọ yonnu de blo.

Eksọdusi 5:3

Yé sọ dọmọ, Jiwheyẹwhe Heblu lẹ tọn ko pla mí: gbọ mí ni yì, mí vè wẹ azán atọ̀n gbejizọnlin biọ zùngbo mẹ, bo sánvọ́ hlan OKLUNỌ Jiwheyẹwhe mítọn; ewọ nikã yí azọ̀n do hò mí, kavi yí ohi do hò.

HOSEA 6:2

Azán awe godo wẹ ewọ na hẹn mí hinhónun: to azán atọ̀ntọ gbè ewọ na fọ́n mí tite, mí bo na sọ nọgbẹ̀ to ewọ nukọn.

Levitiku 7:17

ṣigba enẹ he pò sọn olàn ovósánnu lọ tọn mẹ jẹ azán atọ̀ntọ gbè na yín yíyí miyọn do fiọ.

Osọha lẹ 10:33

Yé sọ dèdo nukọn sọn osé OKLUNỌ lọ tọn kòn gbéjizọnlin azán atọ̀n tọn; alki alẹ̀nu OKLUNỌ lọ tọn lọ tọn to gbéjizọnlin azán atọ̀n tọn yì to ye nukọn, nado din gbọjẹ tẹnmẹ de mọ na yé.

Osọha lẹ 19:12

omẹ dopolọ na yìn ede po enẹ po to azán atọ̀ntọ lọ gbe, podọ to azán sinawetọ gbé é na yìn wiwe: ṣigba eyin é ma yìn ede to azán atọ̀ntọ lọ gbe gba, podọ to azán ṣinawetọ lọ gbè é ma na yín wiwe gba.

Osọha lẹ 19:19

podọ wiwénọ lọ nasọ mìsìn do mawénọ lọ ji to azán atọ̀ntọ lọ gbé, podọ to azán ṣinawetọ lọ gbè: podọ to azán ṣinawetọ lọ gbe ewọ na yìn in, é bo na yàn avọ̀ etọn lẹ, bo do ede osìn mẹ, bo na yín wiwe to whèjai

Osọha lẹ 31:19

Mì ni sọ dosla do osla lọ godo azán ṣinawe: mẹdepope he ko hù gbẹtọ de, podọ mẹdepope he ko doalọ alántọsiọ de go, mì lé mìde wé to azán atọ̀ntọ gbè podọ to azán sinawetọ gbè, mìlẹ po mẹglọnọ mìtọn lẹ po.

MATIU 17:23

Yé nasọ hù i, to azán atọ̀ntọ gbè yè nasọ fọ́n ẹn daga. Yé sọ yín awublanọ susu.

LUKU 13:32

E sọ dọ hlan yé, domọ, Mì yì, bo dọ hlan wọtupọẹ nẹ, dọmọ, Pọ́n, yẹn to aovi lẹ yàn jẹgbonu, yẹn sọ to azònhẹngbọ to egbe po osò po, to azán atọ̀ntọ gbè, yẹn na wavọ.

1 KỌLINTINU LẸ 15:4

podọ yè di i, podọ é sọ tite to azán atọ̀ntọ gbè kẹdẹdile Owé wiwe lẹ dọ do:

JỌṢUA 1:11

Mì dagbọn osla lọ homẹ bo degbèna omẹ ewlẹ, dọmọ, Mì wleawuna núdùdù mìtọn lẹ; na to azán atọ̀n mẹ mì tin nado juyi Jọdani he godo, nado biọ e mẹ nado tindo aigba lọ, he OKLUNỌ Jiwheyẹwhe mìtọn na mì nado tindo e.

1 SAMUẸLI 26:13

Whenẹnu wẹ Davidi gbọn aga yì adà awetọ ji, bo ṣite to adàdà osé tọn ji to aganu; otẹn daho de tin to yé ṣẹnṣẹn: