Gẹnẹsisi 22:1 - BIBLU WIWE LỌ 1923

¹ E sọ wá jọ to onú helẹ godo, wẹ Jiwheyẹwhe tẹ́n Ablaham pọ́n, bo dọ hlan ẹn, dọmọ, Ablaham; ewọ sọ dọmọ, Yẹn tin to ofi.

Gẹnẹsisi 22:1 Iomraidhean Croise

Gẹnẹsisi 15:1

TO godo onú helẹ tọn ohó OKLUNỌ tọn wá Ablam de to númimọ mẹ, dọmọ, A dibú blo, Ablam; yẹn wẹ awòyínú towe, ale towé nasọ yín susu gégé.

Gẹnẹsisi 21:11

Ohó he sọ yín adinu talala to Ablaham nukunmẹ na visunnu etọn wutu.

Gẹnẹsisi 22:11

Angẹli OKLUNỌ tọn sọn olọn ylọ ẹ, bo dọmọ, Ablaham, Ablaham: é sọ dọmọ, Yẹn tin to ofi.

Gẹnẹsisi 22:7

Isaki sọ dọhó hlan Ablaham otọ́ etọn, bo dọmọ, Otọ́ ṣie: ewọ sọ dọmọ, Eté wẹ, visunnu ṣie? È sọ dọmọ, Miyọn po nake po tin to ofi: aigba fie wẹ lẹngbọvú te na avọ núnina mimé de?

Gẹnẹsisi 37:13

Islaeli sọ dọ hlan Josefu, domọ, Ṣẹkẹmi ma wẹ nọvisunnu towe lẹ to kanlinpa yìn te? wá, yẹn na do we hlan yé de. Ewọ sọ dọ hlan ẹn, dọmọ, Yẹn tin to ofi.

Gẹnẹsisi 46:2

Jiwheyẹwhe sọ dọhó hlan Islaeli to númimọ lẹ mẹ to ozán mẹ, bo dọmọ, Jakobu, íakobu. Ewọ sọ dọmọ, Yẹn tin to ofi.

2 SAMUẸLI 24:1

YÈ sọ vọ́ adi OKLUNỌ tọn hẹn jimiyọn do Islaeli ji, é sọ dè Davidi do yé ji, dọmọ, Yì, hia Islaeli po Juda po.

2 OTÀNNUGBO LẸ 32:31

Ṣogãn to azón mẹdagun lẹ tọn mẹ sọn ahọvi Babilọni tọn lẹ tọn de, mẹhe domehlan jẹ e de nado kàn núdabla he yè wà to aigba etọn mẹ tọn biọ, Jiwheyẹwhe jo e do, nado whle e pon, na ewo nido yọ́n ehe tin to ayiha etọn mẹ lẹpo.

PSALM 11:5

OKLUNỌ to dódónọ lẹ whlepọ́n: Ṣigba mẹylankan po omẹ he yiwanna adingbàndido po ayiha etọn gbẹwanna.

Eksọdusi 16:4

Whenẹnu wẹ OKLUNỌ dọ hlan Moṣe dọ, Dayi e go, yẹn na ja akla jikun sọn olọn na mì; gbẹtọ lẹ na sọ tón yì bo sọ nọ ṣinyan mimá azán dopo tọn egbésọ egbesọ, na yẹn nido whlé yé pọ́n, eyín yé na zinzọnlin to osẹ́n ṣie mẹ kavi lala

Eksọdusi 3:4

Whenuena OKLUNỌ mọ dọ é léjẹ apadopo nado mọ, Jiwheyẹwhe dlangbewhán hlan ẹn sọn ṣẹnṣẹn nukàn lọ tọn, bo dọmọ, Moṣe, Moṣe. Ewọ sọ dọmọ, Yẹn tin to ofi.

HÓWHÍNWHÉN LẸ 17:3

Ogànzén tin na fataka, zokán na sika: Ṣigba OKLUNỌ to ayiha whlepọ́n.

ISAIA 6:8

Yẹn sọ sè ogbè OKLUNỌ tọn ga, dọmọ, Mẹnu wẹ yẹn na dohlan, mẹnu wẹ na yì na mí? Whenẹnu wẹ yẹn dọmọ, yẹn die; do mì hlan.

1 KỌLINTINU LẸ 10:13

Owhlepọ́n de ma sa ko pla mì adavo ehe hunkọ tin ayà hlan gbẹtọ: ṣigba nugbonọ wẹ Jiwheyẹwhe, mẹhe ma na dike yè ni whle mì pọ́n hú ehe mì sọgan hẹn; ṣigba ewọ na deali de po owhlepón lọ po ga nado gán, na mìwlẹ nido tin sọgan nado doakón nẹ.

Deutelonomi 13:3

Hiẹ ma na tùntóai hlan ohó yẹwhegán nẹ tọn lẹ lọ gba, kavi hlan odlọnọ odlọ lẹ tọn nẹ gba: na OKLUNỌ lọ Jiwheyẹwhe mìtọn to mì ténpọn, nado yọnẹn eyín mì yí ayiha mìtọn lẹpo podọ po alindọn mìtọn lẹpo po do yiwanna OKLUNỌ lọ Jiwheyẹwhe mìtọn.

Deutelonomi 8:16

mẹhe yí mana do yìn we to zùngbo lọ mẹ, he otọ́ towe lẹ ma yonẹn gba: na é nido hòhuwhẹ we, podọ na ewọ nido tén we pọn, nado wà dagbe na we to osọgodo towe:

Deutelonomi 8:2

Hiẹ nasọ nọ flin aliho he OKLUNỌ lọ Jiwheyẹwhe towe ko hẹn we gbọn lẹpo to owhè kande helẹ mẹ to zùngbo lọ mẹ, na é nido hòhuwhẹ we, nado tén we pọn, nado yọn núhe tin to ayiha towe mẹ, eyín hiẹ na payi gbèdide etọn lẹ go, kavi lala.

HEBLU LẸ 11:17

Gbọn yise dali Ablaham, whenuena yè whle ẹ pọn, é yi Isaki do sánvọ́: ewọ he sọ yí opagbe lẹ yí Ovi dètọ́n etọn dopo akàn lọ do sánvọ̀,

JAKOBU 2:21

Gbọn azọn dali ma wẹ yè sùwhẹna Ablaham otọ́ mítọn, whenuena é yí ovi ètọn sunnú Isaki do sánvọ́ to agbà lọ ji?

1 PITA 1:7

dọ whlepón yise mìtọn tọn, he yónwhanpẹ hú sika he nọ sudo, eyín é bo sọ yín miyọn wẹ yè tlẹ yí do to whiwhle e pọ́n, na yè nido mọ ẹn to pipa mẹ to yeyi mẹ, to gigo mẹ to osọhia Jesu Klisti tọn whenu:

WHẸ̀DATỌ 2:22

Dọ gbọn yé dali yẹn nido mọdona Islaeli, eyín yé na pọ́n aliho OKLUNỌ tọn go nado nọ zinzọnlin finẹme, dile eté yetọn lẹ pọ́n e go do, kavi lala.

1 SAMUẸLI 3:4

bọ OKLUNỌ ylọ Samuẹli: ewọ sọ dọmọ, Yẹn tin to ofi.