Gẹnẹsisi 21:8 - BIBLU WIWE LỌ 1923

⁸ Ovi lọ whén, yè sọ dèanọ́ nẹ̃: Ablaham sọ da núdùdù daho to azán lọ gbè he yè dèanó na Isaki.

Gẹnẹsisi 21:8 Iomraidhean Croise

Gẹnẹsisi 19:3

Ewọ sọ davà yé talala; yé sọ gò biọ họmẹ yì e de, bó biọ owhé etọn gbè; é sọ basi núdùdù na yé, bo sọ̀ akla madotọn, yé sọ dù.?

Gẹnẹsisi 21:7

E sọ dọmọ, Mẹnu wẹ sọgan dọ hlan Ablaham dọmọ, Sala na na anó ovi nó? na yẹn ko ji visunnu de nẹ to yónho etọn mẹ.

Gẹnẹsisi 21:9

Sala sọ mọ visunnu Hagali tọn, Egiptinu, he yè ji hlan Ablaham, to aihúnda.

Gẹnẹsisi 26:30

E hẹjó yé, yé sọ dù, bo nù.

Gẹnẹsisi 29:22

Labani sọ ylọ omẹ he to finẹ lẹpo pli, bo hẹjo.

Gẹnẹsisi 40:20

E sọ wá jọ to azán atònto gbè he yín jijízán Falo tọn, wẹ é dà núdùdù hlan devi etọn lẹpo: é sọ, zẹ ota ogán ahànkònnọtọ lẹ tọn po ogán núdàtọ lẹ tọn po daga to devi etọn lẹ ṣẹnṣẹn.

2 SAMUẸLI 3:20

Mowẹ Abneli wá Davidi de to Heblọni, po omẹ okò po po e po. Davidi sọ basi núdùdù de na Abneli po omẹ he tin to e de lẹ po.

1 AHỌLU LẸ 3:15

Sọlọmọni sọ fọ́n sọn amlọn mẹ, bo, dayi e go, odlọ de wẹ: é sọ wá Jelusalẹm, bo site to alki alẹ̀nù OKLUNỌ tọn tọn nukọn, bo na hlan aga avọ́ nunina mimẹ̀ lẹ, bo sọ na avọ́ nunina jijọho tọn lẹ, bo sọ basi hùnwhẹ de hlan mẹmẹsi etọn lẹpo.

ẸSTELI 1:3

to owhè atọ̀ntọ ahọludu etọn tọn mẹ, wẹ é basi hùnwhẹ de hlan ahọvi etọn lẹpo po mẹmẹsi etọn lẹ po; huhlọn Pẹlsia po Media po tọn, mẹgbõgbo lẹ po ahọvi gbetatò lẹ tọn lẹ po, tin to e nukọn:

PSALM 131:2

Nugbonugbo, yẹn nọgun bo sọ hẹn dẽ nọabọẹ, Di ovi deanọ́na de to onọ etọn de: Ayiha ṣie tin to dẽ di ovi deanọna de

HOSEA 1:8

Dinvie whenuena ewọ ko dèanọna Lo-luhama, ewọ sọ mọhò, bo ji visunnu de.

WHẸ̀DATỌ 14:10

Otọ́ etọn sọ jẹte yì nawe lọ de: Samsọni sọ basi núdùdù de to finẹ; na mọwẹ sunnu dẹpo lẹ nọ wà do.

WHẸ̀DATỌ 14:12

Samsọni sọ dọ hlan yé dọ, Mì gbọ dinvie ma sújlu de hlan mì: eyín míwlẹ sọgan dọ ẹ na mi to azán ṣinawe núdùdù lọ tọn mẹ, bo yón ẹn, whenẹnu yẹn na na mì awu alavọ̀ tọn ogbàn po ogbàn didiọ avọ́ tọn po:

1 SAMUẸLI 1:22

Ṣigba Hanna ma hẹji yì gba; na é dọ hlan asú etọn dọ, Yẹn ma to na hẹji yì gba kaka yè na do dèanọna ovi lọ, whenẹnu wẹ yẹn na hẹn ẹn wá, na é nido sọawuhia to OKLUNỌ nukọn, bo nọnọ̀ finẹ kakadoi.

1 SAMUẸLI 1:24

Whenuena ewọ ko dèanọna ẹn, é zé e hẹaga po e po, po oyín aflanmẹ atọ̀n po, po ẹfa dopo olinfìn tọn po, po ogò ovẹ̃n tọn dopo po, bo hẹn ẹn wá owhé OKLUNỌ tọn gbè to Ṣilo mẹ: ovi lọ sọ tin to ovú.

1 SAMUẸLI 25:36

Abigaili sọ wá Nabali de; bo, dayi e go, é to hùnwhẹ de wà to owhé etọn gbè, di hùnwhẹ ahọlu de tọn; ayiha Nabali tọn sọ yín ayanọ to homẹ nẹ̃, na yè hẹn ahànmu in talala: enẹwutu ewọ ma dọ núde nẹ̃, whèhú kavi sùhú, kakajẹ afọnnu.