Gẹnẹsisi 2:2 - BIBLU WIWE LỌ 1923

² To azán sinawetọ gbè Jiwheyẹwhe dotana azón etọn he é basi; é sọ gbọjẹ to azán ṣinawetọ gbè sọn azọ́n etọn lẹpo mẹ he é ko basi.

Gẹnẹsisi 2:2 Iomraidhean Croise

Gẹnẹsisi 1:31

Jiwheyẹwhe sọ mo onú he edá lẹpo, bo dayi e go é yọ́n talala. Whèjai wá, afọnnu sọ wá, azán sidopotọ.

Gẹnẹsisi 2:3

Jiwheyẹwhe sọ dona azán ṣinawetọ bo sọ klán ẹn do wiwé: na é mẹ wẹ é ko gbọje te sọn azọ́n etọn mẹ he Jiwheyẹwhe dá bo basi wutu.

Eksọdusi 23:12

Azàn ṣidopo hiẹ na wà azọ́n towe họ̀, podọ to azán sinawetọ gbè hiẹ na gbọjẹ: na oyín towe po kẹtẹkẹtẹ towe po nido tindo gbọjẹ, podọ visunnu deviyọnnu towe tọn, po ojonọ lọ po, nido yín awumiọnnọ.

Eksọdusi 31:15

Azán ṣidopo azon na yín wiwà hò; ṣigba azán sinawetọ gbè wẹ ogbọjẹzán ogbọjẹ ayidego tọn de, wiwe hlan OKLUNỌ lọ: mẹdepope wà azón depope to ogbọjezán lọ mẹ, è na yín hùhù dandan.

Eksọdusi 31:17

Ohia de wẹ to yen po ovi Islaeli tọn le po ṣẹnṣẹn kakadoi: na azán ṣidopo OKLUNỌ basi olọn po aigba po, podọ to azán sinawetọ gbè é gbọjẹ, bo sọ yín awumiọnnọ.

ISAIA 58:13

Eyín hiẹ lẹ́ afọ towe sọn gbọjẹzán mẹ, nado nọ wà ojlo towe to azán wiwe ṣie gbè; bo sọ ylọ gbọjẹ zángbè dọ homẹhun, azán wiwe OKLUNỌ tọn, nugbògbéna; bo na gbogbé nẹ̀, bo ma gbọn aliho dewe tọn, bo ma sọ hodo gbẹ́dùdù dewe tọn, bo ma dọhó dewe tọn.

JOHANU 5:17

Ṣigba e gblọn dọ hlan yé, dọmọ, Otọ́ ṣie wàzón kaka jẹ dinvie, yẹn sọ wàzon.

Deutelonomi 5:14

Ṣigba azán sinawetọ lọ ogbọjẹ de wẹ hlan OKLUNỌ lọ Jiwheyẹwhe towé: to e mẹ hiẹ ma na wà azọ́n depope, hiẹ, kavi visunnu towe, kavi viyọnnu towe, kavi devisunnu towe, kávi deviyonnu towe, kavi oyin towe, kavi kẹtẹkẹtẹ towe, kavi kanlinyìnyìn towe depope, kavi ojónọ towe he tin to hòngbo towe lẹ hòmẹ; na devisunnu towe po deviyọnnu towe po nido gbọjẹ di hiẹ.

HEBLU LẸ 4:10

Na ewọ mẹhe ko biọ gbọje etọn mẹ, ewọ ga ko dèalọ sọn azón ètọn mẹ, dile Jiwheyẹwhe dè son etọn mẹ do.

HEBLU LẸ 4:4

Na e ko dọ to ofi de gbọn azán sinaweto ton dali, dọ, Jiwheyẹwhe gbojẹ to azán sinawetọ gbè sọn azọn etọn lepo mẹ.