Gẹnẹsisi 19:5 - BIBLU WIWE LỌ 1923

⁵ yé sọ ylọ Loti, bo kanbiọ ẹ dọmọ, Fie wẹ sunnu he wá de we to tenu he lẹ te? hẹn yé jẹgbonu wá mí de, na mí nido yọn yé.

Gẹnẹsisi 19:5 Iomraidhean Croise

Gẹnẹsisi 19:6

Loti sọ tọ́n jẹ hòngboji yi yé de bo súhọ̀n do ede do gbonu.

1 AHỌLU LẸ 14:24

Sọdọminu lẹ ga sọ tin to finẹ to aigba lọ ji: yé to wiwà kẹdẹdi osùnú akọta lẹ tọn lẹpo he OKLUNỌ yàn jẹgbonu to ovi Islaeli tọn lẹ nukọn.

1 AHỌLU LẸ 22:46

Pipòtọ sọn sọdọminu lẹ mẹ, he pò to azán Asa otọ́ etọn tọn lẹ mẹ, é dè yé tòn sọn aigba lọ ji.

ISAIA 1:9

Yín é mayín le OKLUNỌ, awhànpa lẹ tọn jó pẹvi ṣinunṣinun he; pò dai na mí, míwlẹ na ko taidi Sọdọmi, iní na ko sọ taidi Gomọla.

ISAIA 3:9

Ohia nukun yetọn tọn to kunnude do yé go; yé to ylando yeton sọhia di Sọdọmi, yé ma whla ẹ. Dindọn wẹ na gbigbọ yetọn! na yé ko yí oylan do suahọ yéde.

JẸLEMIA 3:3

Enẹwutu wẹ yẹn dọn jikun katakata do godo, bọ jikun agọ̀gbọnẹn ma ko do tin: hiẹ sọ tindo onukọn gàlọtọ tọn, hie gbẹ́ nado yín winyannọ.

JẸLEMIA 6:15

Yè na hẹn winyanhu yé na yé ko wà osùnú wutu: mọwẹ, yé ma yín owinyannọ lala, mọ yé ma sọ sọgan zùn ùnpẹnnọ: enẹwutu wẹ yé na jai to yé he jai le ṣẹnṣẹn: to ojlẹ he me yẹn dla yé pọ́n yé na dahli, wẹ OKLUNỌ dọ.

EZEKIELI 16:49

Dayi e go, ehe wẹ oylanwà Sọdọmi nọviyọnnu towe tọn; osakla, gigọ́ akla tọn, po vivo gbódùdù tọn po tin to ewọ mẹ podọ to viyọnnu etọn lẹ mẹ; mọ ewọ ma sọ nahuhlọn alọ wamọnọ po agbatọnọ po tọn gba.

EZEKIELI 16:50

Podọ yé sọ yín kiklatọ, bo to osùnú wà to nukọn ṣie: enẹwutu wẹ yẹn bẹ́ yé yì whenuena yẹn mọ ẹn.

EZEKIELI 16:51

Mọ Samalia ma tlẹ ko wà odá sọn ylando towe lẹ mẹ gba; ṣigba hiẹ ko hẹn osùnú towe lẹ sudeji húgan yé, bo ko sọ sùwhẹ́na nọviyọnnu towe lẹ gbọn osùnú towe he hiẹ ko wà lepo dali.

Levitiku 18:22

Hiẹ ma na zánhẹ sunnuwunmẹ de, di hẹ yọnnuwunmẹ de gba: osùnú we.

Levitiku 20:13

Podọ eyín sunnusi de zánhẹ sunnusi de, di hẹ yọnnusi de, yé omẹ awe lẹ ko wà osùnú: yé na yín hùhù dandan; ohùn yetọn na tin to yé ji.

1 KỌLINTINU LẸ 6:9

Be mì ma yọnẹn dọ mawàdódónọ lẹ ma na dugú ahọludu Jiwheyẹwhe tọn? Yè klọ mì blo; ogàlọtọ lẹ, kavi bosiosẹntọ lẹ, kavi ayòdetọ lẹ, kavi yọnnujọmẹ lẹ, kavi yé he nọ yí sunnu do hẹn yéde gble lẹ.

Deutelonomi 23:17

Galọtọ de ma na tin finẹ sọn viyọnnu Islaeli tọn lẹ mẹ gba, mọ Sọdọmijijọnọ de ma nasọ tin visunnu Islaeli tọn lẹ lọ mẹ finẹ gba.

1 TIMOTI 1:10

na ogàlọtọ lẹ, na yé he nọ yí sunnusi do hẹn yéde gble lẹ, na gbẹtọfintọ lẹ, na lalodotọ lẹ, na whiwhietọ lalonọ lẹ, eyín onú de sọ tin bo jẹagò do oplón he pégan go;

2 TIMOTI 3:13

Ṣigba mẹylankan lẹ, po mẹklotọ lẹ po na to yinylan yì nukọn, yé na to mẹklọ, yè na sọ to yé klọ.

2 PITA 2:2

Omẹ susu wẹ nasọ nọ domọna wantúntún yetọn; gbọn yé mẹhe tọn dali yè na nọ dọhó ylankan do ali nugbo tọn lọ go.

2 PITA 2:7

bo sọ whlẹn Lọti dódónọ, he homẹ etọn gble na wantúntún owalọ mẹylankan lẹ tọn tọn:

JUDA 1:7

Yèdọ di Sọdọmi po Gọmọla po, po otodaho he lédo yé lẹ po, he yí yéde hlan gàlilọ, bo to tinton hodo agbasalan devo, yè zé do nukọn na ohia, yé to oya ahọsu miyọn madopodo tọn ji.

WHẸ̀DATỌ 19:22

Le yé to homẹhẹnhùn ayiha yetọn lẹ, dayi e go, sunnusi tòdaho lọ tọn lẹ visunnu Behali tọn de lẹ, tò lédo owhé lọ, bo to núli ohọ̀n lọ; yé, sọ dọhó hlan mẹmẹnu owhé lọ gbè tọn, dawe yọnhonọ lọ, dọmọ, Hen dawe he wá ohọ̀ towé mẹ jẹgbonu, na mí nido yón ẹn.