Gẹnẹsisi 18:4 - BIBLU WIWE LỌ 1923

⁴ Gbọ yè ni yí osìn pẹvide wá, na mì ni klọ afọ mítọn, na mì ni sọ gbọje to atin sá;

Gẹnẹsisi 18:4 Iomraidhean Croise

Gẹnẹsisi 18:3

bo dọmọ, Mẹdaho, eyín yẹn mọ nukundagbe to nukun towe mẹ, yẹn vẹ̀ we, a juwayì sọn devi towe de blo.

Gẹnẹsisi 19:2

E sọ dọmọ, Dayi é go dinvie, mì mẹdaho emi, yẹn vẹ mì, mì gò biọ owhé devi mítọn tọn gbè, ná mì ni gbọsi ofi to ozán he mẹ, bo klọ àfọ mítọn, mì nasọ fọ́n to afọnnufù bo gbọn aliho mítọn yì. Yé sọ dọmọ, Lala; ṣigba to alihogboji lẹ wẹ míwlẹ na sin to ozán he mẹ.

Gẹnẹsisi 24:32

Dawe lọ sọ biọ owhé lọ gbè: bo tún kanklosọpoawenọ lẹ, bo na zinkan po kanlinmahúhú po kanklosọpoawenọ le, po osìn po nado klọ afọ etọn, po afọ mẹhe gò nẹ̃ lẹ tọn po ga.

Gẹnẹsisi 43:24

Dawe lọ sọ hẹn omẹ ewlẹ wá owhó Josefu tọn gbè, bo na osìn yé, yé sọ klọ afọ yetọn lẹ; é sọ na kanlinmahúhú kẹtẹkẹtẹ yetọn lẹ.

LUKU 7:44

E sọ lé pànnukọn nawe lọ, bo dọ hlan Simọni dọmọ, Hiẹ mọ nawe he? Yẹn biọ owhé towe gbè, hiẹ ma na osìn mi na afọ ṣie: ṣigba ewọ odasìn wẹ é do to afọ kló na mi, bo sọ yí oda etọn do to yé súnsún sẹ̀.

1 TIMOTI 5:10

mẹhe yè dọhó etọn to azọ́n dagbe mẹ; eyín é ko pọ́n ovi lẹ go, eyín e ko yí jonọ do whégbe, eyín é ko kló afo mẹwiwe lẹ tọn, eyín é ko gọalọna nukunbibianọ lẹ, yín é yín dọ e ko yí sọwhiwhe do domọna azọ́n dagbe lẹpo.

WHẸ̀DATỌ 19:21

Mọwẹ é hẹn ẹn biọ owhé etọn gbè, bo na núdùdù kẹtẹketẹ etọn lẹ: yé klọ afọ yetọn lẹ, bo sọ dù bo nù.

1 SAMUẸLI 25:41

Ewọ sọ tite, bo dẹ́ ede po nukunmẹ etọn po hlan aigba, bo dọmọ, Dayi e go, devi de wẹ deviyọnnu towe nado klọ́ afọ devi klunọ ṣie tọn lẹ tọn.