Gẹnẹsisi 15:1 - BIBLU WIWE LỌ 1923

¹ TO godo onú helẹ tọn ohó OKLUNỌ tọn wá Ablam de to númimọ mẹ, dọmọ, A dibú blo, Ablam; yẹn wẹ awòyínú towe, ale towé nasọ yín susu gégé.

Gẹnẹsisi 15:1 Iomraidhean Croise

Gẹnẹsisi 15:2

Ablam sọ dọmọ, OKLUNỌ JIWHEYẸWHE, eté hiẹ na na mi, a sà mọ yẹn wẹ to yíyí matinvì, Dammasẹki Eliezeli he nasọ yín whedútọ owhé ṣie tọn.

Gẹnẹsisi 15:4

Bo dayi e go, oho OKLUNỌ tọn wá e de, bo dọmọ, Dawe he ma na yín whedútọ towe gba; ṣigba ehe na tónsọn adọ́ towe lọsu mẹ jẹgbonu, wẹ na yín whedútọ towe.

Gẹnẹsisi 21:17

Jiwheyẹwhe sọ sè ogbè visunnu lọ ton, angẹli Jiwheyẹwhe tọn sọn olọn ylọ Hagali bo dọ hlan ẹn, dọmọ, Etéwẹ wà we, Hagali? a dibú blo, na Jiwheyẹwhe ko sè ogbe visunnu lọ tọn, to fie é te.

Gẹnẹsisi 22:1

E sọ wá jọ to onú helẹ godo, wẹ Jiwheyẹwhe tẹ́n Ablaham pọ́n, bo dọ hlan ẹn, dọmọ, Ablaham; ewọ sọ dọmọ, Yẹn tin to ofi.

Gẹnẹsisi 22:20

E sọ wá jọ to onú helẹ godo wẹ yè dọ na Ablaham, dọmọ, Dayi e go, Milka, ewọ ga ko JIYI hlan Naholi, nọvisunnu towe;

Gẹnẹsisi 26:24

OKLUNỌ sọ sọawúhia ẹ to ozán nẹ mẹ, bo dọmọ, Yẹn Jiwheyẹwhe Ablaham otọ́ towe tọn wẹ: a dibú blo, na yẹn tin to de we, bo na dona we, bo na hẹn okún towe jipligégé na Ablaham devi ṣie wutu.

Gẹnẹsisi 31:7

Otọ́ mítọn sọ blu mi, bo diọ azọ́nkuẹ ṣie whla ao; ṣigba Jiwheyẹwhe ma dike é ni gble alọ do ogo e gba.

2 SAMUẸLI 22:3

Jiwheyẹwhe osé ṣie tọn, ewọ mẹ wẹ yẹn na dotódido te; Awọyínu ṣie, podọ azò whlẹngan ṣie tọn, atọ̀họ he yìaga ṣie, podọ fìbẹ̀tado ṣie; Whlẹnigantọ ṣie, hiẹ whlẹn mi sọn huhlọnnu si.

2 AHỌLU LẸ 1:15

Angẹli OKLUNỌ tọn sọ dọ hlan Elija dọmọ, Jẹte yì po e po: a yín avosatọ sọn e de blo. Ewọ sọ tite, bo jẹte yì po e po jẹ ahọlu de.

1 OTÀNNUGBO LẸ 28:20

Davidi sọ dọ hlan Sọlọmọni visunnu etọn dọmọ, Yín huhlọnnọ po tudotọ dagbe tọn po, bo wà ẹ: a dibu blo, kavi yín núhatọ blo: na OKLUNỌ Jiwheyẹwhe, yèdọ Jiwheyẹwhe ṣie, tin to de we; é ma to na hẹn we whè, kavi gbẹ́ we dai gba, kaka azọ́n na sinsẹ̀n ohọ̀ OKLUNỌ tọn tọn lẹpo do yín vivò.

PSALM 115:10

Whédo Aalọn tọn emi, mì dotudo OKLUNỌ go, Ewọ wẹ alọgọ yetọn po awòyinú yetọn po.

PSALM 119:114

Hiẹ wẹ fiwhiwhla ṣie po awòyinú ṣie po: Yẹn tindo tódido to ohó towe mẹ

PSALM 142:5

OKLUNỌ E, yẹn dawhá hlan we; Yẹn dọmọ, Hiẹ wẹ fibẹ̀tado ṣie po mimá Sie po to aigba gbẹ̀nọ lẹ tọn ji.

PSALM 18:2

OKLUNỌ wẹ osé ṣie, figángán ṣie, whlẹngantọ ṣie, Jiwheyẹwhe ṣie, awinyan ṣie, yẹn na din fibẹ̀tado to e mẹ, Awóyínú ṣie, azò whlẹngan ṣie tọn, atọ̀họ he yìaga ṣie.

PSALM 27:1

OKLUNỌ wẹ hinhọ́n ṣie po whlẹngan ṣie po, mẹnu yẹn na dibuna? OKLUNỌ wẹ gingántẹn ogbẹ̀ ṣie tọn: mẹnu yẹn na savọ̀na?

PSALM 3:3

Ṣigba hiẹ, OKLUNỌ E, wẹ awóyínù lódo mi; Gigo ṣie, podọ ota ṣie zédagatọ.

PSALM 3:4

Yẹn yí ogbẹ̀ ṣie do dawhá ylọ, OKLUNỌ, É sọ siọ mi sọn osé etọn wiwe ji wá. Selah.

PSALM 5:12

Na hiẹ, OKLUNỌ E, na dona dódónọ, Nukundagbe wẹ hiẹ na yí lẹ́do e pé di awọ̀yínu.

PSALM 58:11

Mọ bọ gbẹtọ lẹ na dọmọ, Nugbo, ale de tin na dódónọ lẹ Nugbo, Jiwheyẹwhe de tin ehe to whẹ̀da to aigba ji.

PSALM 84:11

Na OKLUNỌ Jiwheyẹwhe wẹ owhè de po awọ̀yinú de po: OKLUNỌ na na ojọmiọn po gigo po omẹ: É ma to na whlẹn Onú dagbe de do yé he to zọnlin jlọjlọ zìn lẹ.

PSALM 84:9

Pọ́n, Jiwheyẹwhe awòyinú mítọn È, Bo hùn nukun pọ́n nukunmẹ mẹyiamisisadode towe tọn.

PSALM 91:4

E na yí awà etọn lẹ ṣinyọn oji we, Podọ to awà etọn lẹ glọ wẹ hiẹ na nọ din fibẹ̀tado te: Nugbo etọn wẹ awọ́yínu de po gaglo po.

Eksọdusi 14:13

Moṣe so dọ hlan gbẹtọ ewlẹ, dọ, Mìwlẹ-dibú blo, ṣite gũ, bo mọ whléngan OKLUNỌ tọn, he ewọ na basi na mì to egbé; na Egiptinu lẹ mẹhe mì mọ to egbé mì ma na sọ vó yé mọ gbèdegbède ba kakadoi.

HÓWHÍNWHÉN LẸ 11:18

Mẹylankan to azón ale oklọ tọn wà; Ṣigba ewọ he to dódó dọ wẹ ale nugbo tin na.

HÓWHÍNWHÉN LẸ 30:5

Ohó Jiwheyẹwhe tọn lẹpo wẹ wiwé: Ewọ wẹ sàgba hlan yé he sọ otu yetọn do é gó lẹ.

ISAIA 35:4

Mì dọ hlan yé he ayiha yetọn gọ́ na obu lẹ, dọ, mì wlekli, dọmọ, mì dibu blo: pọ́n, Jiwheyẹwhe mitọn na wá po ahọsuyí po; ewọ na wá bo na sọ whlẹn mì.

ISAIA 40:10

Dayi e go, OKLUNỌ Jiwheyẹwhe na wá po alọ sinsinyẹn po, awà etọn na dugán nẹ̃: dayi e go, ale etọn tin to e si, ahọsuyí etọn tin to nukọn etọn.

ISAIA 41:10

A dibu blo; na yẹn tin po hi po: adòyanú wẹ blo: na yẹn wẹ Jiwheyẹwhe towe: yẹn na na huhlọn we; yẹn na gọalọna we; nugbo, yẹn na yí adusilọ ṣie dódó tọn do zé we daga.

ISAIA 41:14

A dibu blo, hiẹ Jakob owán, podọ mì gbẹtọ Islaeli tọn lẹ; yẹn na gọalọna we, mọwẹ OKLUNỌ, Omẹflitọ towe dọ, Omẹ Wiwe Islaeli tọn lọ.

ISAIA 43:1

ṢIGBA dinvie lẹ wẹ OKLUNỌ dọ, mẹhe da we hiẹ Jakob, podọ ewọ mẹhe do we hiẹ Islaeli dọmọ, A dibu blo: na yẹn ko fli we gọ̀, yẹn ko yí oyín towe do ylọ we.

ISAIA 43:5

A dibu blo: na yẹn tin hẹ we: yẹn na hẹn okún towe sọn whèzizẹ, bo sọ dọ̀n we pli sọn whèyihọ̀.

ISAIA 44:2

le wẹ OKLUNỌ dọ, mẹhe da we, bo sọ do we sọn ohò mẹ, he na gọalọna we; A dibu blo, Jakob devi ṣie; po hiẹ Jeṣuluni mẹhe yẹn dè po.

ISAIA 44:8

Mì dibu blo, adò sọ yànu mì blo: bé yẹn ma ko dọ hlan mì sọn ojlẹ nẹ mẹ, bo sọ do e hia? Míwlẹ wẹ kunnudetọ ṣie. Bé Jiwheyẹwhe de tin dogó mì? nugbo, Jiwheyẹwhe de ma tin; yẹn ma yọ́n ode.

ISAIA 51:12

Yẹn, yèdọ yẹn wẹ ewọ he to homẹmiọnna mì: mẹnu wẹ hiẹ, bọ hiẹ na do dibuna gbẹtọ he na kú, podọ na ovi gbẹtọ tọn he yè basi di ogbé.

JẸLEMIA 39:17

Ṣigba yen na whlẹn wẹ to azán nẹ gbè, wẹ OKLUNỌ dọ: hiẹ ma na sọ yín jijo do alọ omẹ ewlẹ tọn mẹ avosatọ mẹhe tọn hiẹ yín gba.

AVIGBÈ JẸLEMIA TỌN 3:24

OKLUNỌ wẹ mimá ṣie, wẹ alindọn ṣie dọ; enẹwutu wẹ yẹn na dotódido to ewọ mẹ.

EZEKIELI 1:1

DINVIE é sọ wá jọ to owhè ogbàntọ mẹ, to osùn ẹnẹtọ mẹ, to azán atóntọ osùn lọ tọn mẹ, le yẹn tin to mẹmẹglọ ṣẹnṣẹn to otò Kẹbali dali, wẹ yè hùn olọn lẹ, yẹn sọ mọ númimọ Jiwheyẹwhe tọn lẹ.

EZEKIELI 11:24

Gbigbọ lọ sọ zé mi daga, bo hẹn mi to numimọ lọ mẹ gbọn gbigbọ Jiwheyẹwhe tọn dali wá biọ Kaldea mẹ, jẹ yé mẹmẹglọ lẹ tọn de. Mowẹ numimọ he yẹn ko mọ hẹji yì sọn dẽ.

EZEKIELI 3:4

Ewọ sọ dọ hlan mi dọ, Visunnu gbẹto tọn, yì, hẹn dewe jẹ owhé Islaeli tọn gbè, bo yí ohó ṣie lẹ do dọhó hlan yé.

Osọha lẹ 12:6

E bo sọ dọmọ, Mi sè oho ṣie lẹ dinvie: eyín yẹwhegán de tin to mì ṣẹnṣẹn finẹ, Yẹn OKLUNỌ lọ na hẹn dè zùn yinyọnẹn hlan ẹn to numimọ de mẹ, yẹn na dọhó hẹ ẹ to odlọ de mẹ.

Osọha lẹ 18:20

OKLUNỌ lọ sọ dọ hlan Aalọn dọmọ, Hiẹ ma na tindo ogú de to aigba yetọn mẹ gba, mọ hiẹ ma na tindo mimá depope to yé ṣẹnṣẹn gba: Yẹn wẹ mimá towe po ogú towe po to ovi Islaeli tọn lẹ lọ ṣẹnṣẹn.

Osọha lẹ 24:4

Ewọ he sè ohó Jiwheyẹwhe tọn lẹ lọ didọ, He mọ numimọ Ganhunupo lọ tọn lọ, He to aijẹ, bọ tintindo nukun etọn lẹ hùnhùn:

MATIU 28:5

Angeli lọ sọ gblọn, bo dọ hlan yọnnu lẹ, domọ, Mì dibu blo: na yẹn yọnen dọ mì to Jesu din, he yè whè do satin go.

MATIU 8:26

E sọ dọ hlan yé, dọmọ, Etwutu wẹ mì dibú, mì yisepẹvinọ? Whenẹnu wẹ é fọ́n bo kọ́hona jẹhọn po ohù po; jijọho susu tin.

LUKU 1:13

Ṣigba angeli lọ dọ hlan ẹn, dọmo, A dibu blo, Zakali: na yè sè odè towe; asi towe Elizabẹti na ji ovisunnu de hlan we, hiẹ nasọ ylọ oyín etọn Johanu.

LUKU 1:30

Angẹli lọ sọ dọ hlan ẹn, dọmọ, A dibu blo, Malia, na hiẹ ko mọ nukundagbe to Jiwheyẹwhe de.

LUKU 12:32

Mì dibu blo, lẹngbọpa pevi; na homẹvivi Otọ mìton tọn wẹ nado yí ahọludu na mì.

OWALỌ APỌSTELI LẸ TỌN 10:22

Yé sọ dọmọ, Kọneliọsi, mẹkanwekowhangán, dawe dódónọ de, mẹhe dibusi Jiwheyẹwhe, bo sọ diyín dagbe to akọta Ju tọn lẹpo mẹ, wẹ yè hensèava sọn Jiwheyẹwhe de gbọn angeli wiwe dali, nado dowẹn hlan we, na hiẹ ni wá owhé etọn gbè nado sè ohó sọn de we.

1 KỌLINTINU LẸ 3:22

yín é yín Paulu, kavi Apọlo, kavi Kefa, kavi aihọn, kavi ogbé, kavi okú, kavi onú dinvie tọn, kavi onú he ja; mìtọn wẹ popo;

Deutelonomi 18:2

Yé ma na tindo ogú de to mẹmẹsunnu yetọn lọ ṣẹnṣẹn gba: OKLUNỌ lọ wẹ ogu yetọn, dile é ko dọhó hlan yé do.

Deutelonomi 31:6

Mì yín huhlónnọ podọ tudido dagbe de tọn, mì dibu blo, mì sọ yín avosatọ na yé blo: na OKLUNỌ lọ Jiwheyẹwhe towe, ewọ é yín he po hi po to yìyì; é ma na blu we, kavi gbẹ́ we dai gba.

HEBLU LẸ 1:1

JIWHEYẸWHE, mẹhe sọn ojlẹ hóhó mẹ, podọ To jijọ hunkọhunkọ mẹ ko gbọn yẹwhegán lẹ me dọhó hlan otọ́ lẹ to whenẹnu,

OSỌHIA 1:17

Whenuena yẹn mọ ẹn, yẹn jẹklo to afọ etọn go di oṣiọ. E so yí adusilo etọn do oji e, bo to didọ hlan mi, dọ, A savo blọ Yẹn wẹ nukọntọ, godotọ:

LUTI 2:12

OKLUNỌ ni suahọ azọ́n towe, yè ni sọ na ale gigọ̀ de we sọn OKLUNỌ de, Jiwheyẹwhe Islaeli tọn, awàfún mẹhetọn glọ hiẹ yín hinhẹn wá nado yí fìbẹ̀tado te.

1 SAMUẸLI 15:10

Whenẹnu wẹ ohó OKLUNỌ tọn wá Samuẹli de, dọmọ,

1 SAMUẸLI 9:9

(Daidai to Islaeli mẹ, whenuena omẹ de jei nado kanbiọ sọn Jiwheyẹwhe de, le wẹ é nọ dọ, dọmọ, Wá mì gbọ mí ni yì númọtọ de: na ewọ he yè to yiylọ Yẹwhegán de dinvie wẹ yè nọ ylọ dọ numọtọ de daidai.)