Gẹnẹsisi 12:3 - BIBLU WIWE LỌ 1923

³ mẹhe dona we wẹ yẹn na dona, ewọ he sọ hodẹ̀do we wẹ yẹn na hodẹ̀do; to hiẹ mẹ wẹ yè na dona hẹnnu aigba tọn lẹpo te.

Gẹnẹsisi 12:3 Iomraidhean Croise

Gẹnẹsisi 18:18

na Ablaham na lẹzun akọtá huhlọnnọ daho, akọta he to aigba mẹ lẹpo wẹ yè nasọ dona to ewọ mẹ?

Gẹnẹsisi 18:19

Na yẹn ko yón ewọ, na é ni dosẹ́n na ovi etọn lẹ, podọ na owhédo etọn to gódo etọn, na yé nido nọ dayi aliho OKLUNỌ tọn go, nado nọ wà dódo po whẹ̀dida po: ná OKLUNỌ nido hẹn wá Ablaham ji enẹ he é dọ gbọn e dali.

Gẹnẹsisi 22:18

to okún towe mẹ wẹ yè na dona akọta aigba ji tọn lẹpo : na hiẹ yí ogbè ṣie sè wutu.

Gẹnẹsisi 24:35

OKLUNỌ sọ dona klunọ ṣie talala; ewọ sọ lẹzun mekiklo: é na lẹngbọ ẹ, po oyín po, po fataka po, po sika po, po devisunnu po, po deviyọnnu po, po kanklosọpoawenọ po, po kẹtẹkẹtẹ po.

Gẹnẹsisi 25:11

E sọ wá jọ to okú Ablaham tọn godo, wẹ Jiwheyẹwhe dona Isaki visunnu etọn; Isaki sọ nọnè Bẹeli-lahai-loi dali.

Gẹnẹsisi 26:29

dọ hiẹ ma na wàylan de do mí, dile míwlẹ ma doalọ go we, podọ dile míwlẹ ma ko wà núde do we, adavo dagbe, bo ko sọ dè we hlan gbonu jijọho: donanọ sọn OKLUNỌ de wẹ hiẹ dinvie.

Gẹnẹsisi 26:4

Yẹn nasọ hẹn okún towe jipligégé di sunwhlẹvu olọn tọn lẹ, yẹn nasọ na aigba helẹ hlan okún towe; na to okún towe mẹ wẹ akọta aihọn tọn lẹpo na yín donanọ te:

Gẹnẹsisi 27:29

Na gbẹtọ lẹ ni nọ sẹ́n we, Na akọta lẹ ni nọ lìtai hlan we: Yín klunọ to mẹmẹsunnu towe lẹ ji, Visunnu onọ towe tọn lẹ ni nọ litai hlan we: Omẹ he hodẹ́do we lẹpo yín mẹhodẹ́do, Omẹ he dona we lẹpo yín donanọ.

Gẹnẹsisi 28:14

okún towe nasọ taidi kógudu aigba tọn; hiẹ nasọ vún hlan whèyìhọ dali, podọ hlan whèzẹtẹn dali, hlan agewàji dali, podọ hlan hùwàjì dali: to hiẹ mẹ podọ to okún towe mẹ wẹ yè na dona hẹnnu he to aigba ji lẹpo te.

Gẹnẹsisi 30:27

Labani sọ dọ hlan ẹn, dọmọ, Yẹn vẹ̀ we, eyindọ yẹn mọ homẹdagbe to nukun towe mẹ,—yẹn ko mọnú dọ, OKLUNỌ dona mi na hiẹ wutu.

Gẹnẹsisi 30:30

Na vude wẹ hiẹ tindo whẹpo yẹn do wá, é ko sọ sudeji hlan susugégé de; OKLUNỌ ko dona we to fidepope yẹn lẹ́hlan: dinvie whetẹnu wẹ yẹn na wleawu dai na owhédo ṣie lọsu ga?

Gẹnẹsisi 39:5

E sọ wá jọ sọn ojlẹ he mẹ é ko yí Josefu do dogán do owhé etọn ji, podọ do onú he é tindo lẹ ji, wẹ OKLUNỌ dona owhé Egiptinu lọ tọn na Josefu tọn wutu; dona OKLUNỌ tọn sọ tin to onú he é tindo to owhé gbè podọ to glegbo tọn lẹpo ji.

PSALM 72:17

Oyín etọn na tin kakadoi: Oyín etọn na nọte dẹn kaka di owhè: Yè na nọ dona gbẹtọ to ewọ mẹ; Akọta lẹpo na nọ ylọ ẹ jijọhonọ.

Eksọdusi 23:22

Ṣigba eyín hiẹ na tùntóai hlan ogbè etọn nugbonugbo, bo sọ wà ehe yẹn dọ na we lẹpo; whenẹnu yen na yín kẹ̀ntọ kẹ̀ntọ towe lẹ tọn de, podọ mẹglatọ mẹglatọ towe lẹ tọn de

Osọha lẹ 24:9

Ewọ pavava, é mlọnai di kìnnikinni de, Podọ di kinnikìnnisi de; mẹnu wẹ na fọ́n ẹn dote? Donanọ wẹ omẹ he dona we lẹpo yín, Podọ dẹ̀hodonọ wẹ omẹ he hodẹ̀do we lẹpo yín.

MATIU 25:40

Ahọlu na sọ gblọn, bo dọ hlan yé, dọmọ, Nugbo wẹ yẹn dọ hlan mì, Le mìwlẹ basi i hlan dopo to mẹmẹsunnu ṣie helẹ mẹ, yèdọ pẹvipete helẹ yẹn wẹ mì basi i hlan.

MATIU 25:45

Whenẹnu wẹ é na gblọnna yé, dọmọ, Nugbo wẹ yẹn dọ hlan mì, Le mìwlẹ ma ko basi i hlan omẹ pẹvi pete helẹ, yẹn wẹ mì ma wà ẹ hlan.

LUKU 24:27

E sọ hen ẹn sọn Moṣe, po yẹwhegán lẹpo po ji, é sọ detana onú he yè dọ gbọn ewlọsu tọn dali lẹ hlan yé to Owé wiwe lẹpo mẹ.

LOMUNU LẸ 4:11

Ewọ sọ mọ ohia owhẹgbo tọn yí, hiadonu dódó yise tọn he ewọ tindo whenu yè ma ko gbowhẹ ne na ewọ nido yín oto yé he yise lẹpo tọn, eyín yè ma tlẹ gbowhẹna yé; na yè nido hia dódó hlan yé ga:

1 KỌLINTINU LẸ 1:30

Ṣigba é de wẹ mì sọn to Klisti Jesu mẹ, mẹhe yè yí do basi nuyọnẹn, po dódó po, lẹ́wé po ofligò po hlan mí sọn Jiwheyẹwhe de:

GALATIANU LẸ 3:16

Be hlan Ablaham po okún etọn lọ po wẹ yè dọ opagbe lẹ lọ. Ewọ ma dọmọ, Podọ hlan okún lẹ gba, taidi hlan ome susu; ṣigba taidi hlan dopo, Podọ hlan okún towe, 7 he yín Klisti.

GALATIANU LẸ 3:28

Mẹde ma tin bo yín Ju kavi Gleki, mẹde ma tin bo yín mẹmẹglọ kavi mẹmẹdekannu, mẹde ma tin bo yín sunnu, kavi yọnnu, na omẹ dopo we mì mẹpo to Klisti Jesu mẹ.

GALATIANU LẸ 3:8

Owe wiwe, mimọ donukọn dọ, Jiwheyẹwhe na sùwhẹna Kosi lẹ gbọn yise dali; dọyẹwheho wendagbe lọ tọn jẹnukọn hlan Ablaham, domọ, Gbọn de we wẹ akọta lẹpo na mọ dona te.

EFESUNU LẸ 1:3

Donanọ we Jiwheyẹwhe Otọ́ Jesu Klisti Oklunọ mítọn tọn, mẹhe yí odona gbigbọnọ lẹpo to oten he tin to olọn lẹ mẹ do dona mí to Klisti me:

KỌLỌSINU 3:11

fie Gleki kavi Ju, owhẹgbo kavi owhẹmagbo, akọmasegbe, Skitiatọ, mẹmẹglọ kavi mẹmẹdekannu ma tin te; ṣigba Klisti wẹ popo, podọ to popo mẹ.

OSỌHIA 7:9

To onú helẹ godo yẹn pọ́n, do ayi e go, gbẹtọ susugege, he mẹdepope ma sọgan hia, sọn akọta lẹpo mẹ, sọn ohẹnnu lẹpo mẹ, sọn gbẹtọ lẹpo mẹ, podọ sọn ogbè lẹpo mẹ, site to ofìn lọ nukọn podọ to Lẹngbọvu lọ nukọn, yè do asóvò wéwé na yé, odéma sọ tin to alọ yetọn mẹ;