Gẹnẹsisi 12:11 - BIBLU WIWE LỌ 1923

¹¹ E sọ wá jọ whenuena é pò nado biọ Egipti, é sọ dọ hlan Salai asi etọn, dọmọ, Dayi e go lò, yẹn yọ́nẹn dọ yọnnu whanpẹnọ na pinpòn wẹ hiẹ:

Gẹnẹsisi 12:11 Iomraidhean Croise

Gẹnẹsisi 12:14

E sọ wá jọ, whenuena Ablam jẹ Egipti, Egiptinu lẹ pòn yọnnu lọ dọ mẹhe yọ́nwhanpẹ talala wẹ.

Gẹnẹsisi 20:13

é sọ wá jọ, whenuena Jiwheyẹwhe hẹn mi nado danpé sọn owhé otọ́ ṣie tọn gbè, wẹ yẹn do dọ hlan ẹn, dọmọ, Ehe wẹ dagbewanyi towe he hiẹ na nọ wà hlan mi; to fìdepope he mí na jẹ, nọ dọ gbọn yẹn tọn dali, dọ, Nọvisunnu ṣie wẹ ewọ.

Gẹnẹsisi 20:2

Ablaham sọ dọ gbọn Sala asi etọn tọn dali, dọmo, nọvi: iyọnnu ṣie wẹ: Abimẹlẹki ahọlu Gelali tọn sọ domehlan, bo plan Sala.

Gẹnẹsisi 24:16

Áwhli lọ yọ̀nwhanpẹ talala na pinpọ́n, awhli de, sunnu he ko yòn ẹn de ma tin: é sọ jẹte yì tòsisá mẹ, bo gò otọ̀zẹ́n etọn, bo sọ gòwá yìaga.

Gẹnẹsisi 26:7

Omẹ finẹ tọn lẹ sọ kàn asi etọn tọn biọ: é sọ dọmọ, Nọviyọnnu ṣie wẹ; na é dibú nado dọmọ, Asi ṣie; é dọ, Omẹ finẹ tọn lẹ nikã hù mi na Lebeka wutu; na é yónwhanpẹ na pinpọ́n wutu.

Gẹnẹsisi 29:17

Nukun Lea tọn bọ; ṣigba Laheli yín whanpẹnọ bo sọ yín dagbenọ.

Gẹnẹsisi 6:2

bọ visunnu Jiwheyẹwhe tọn lẹ sọ mọ viyọnnu gbẹtọ ton lẹ dọ yé yọ̀nwhanpẹ; bọ yé sọ mọ asi na yéde sọn enẹ he yé dè lẹpo mẹ.

2 SAMUẸLI 11:2

E sọ wá jọ to whèjai, wẹ ahọlu tite sọn adọzán etọn ji, bo to zọnlinzin to aga ohọ̀ aholu tọn tọn ji sọn aga ohò lọ tọn é mọ nawe de to awulẹ́; nawe lọ sọ yín whànpẹnọ talala nado dèkọpọ́n.

1 AHỌLU LẸ 1:4

Yọnnuvu lọ sọ yín whànpẹnọ talala, ewọ sọ to ahọlu kẹ̃, bo to devizọ̀nwà hlan ẹn; ṣigba ahọlu ma yọ̀n ewọ gba.

HÓWHÍNWHÉN LẸ 21:30

Nuyọnẹn, kavi zìnzìn, Kavi linlẹn ma tin do OKLUNỌ ji.

HÓWHÍNWHÉN LẸ 29:25

Obu gbẹtọ tọn wẹ nọ hẹn omò wá: Ṣigba mẹdepope he yí otu etọn do OKLUNỌ go, wẹ yè na zé daga.

OHÀN SỌLỌMỌNI TỌN 1:14

Mẹyiwanna ṣie taidi odi amakikọ́ atin kiplessi tọn To vẹ̃ngle Engẹdi tọn mẹ.

1 SAMUẸLI 25:3

Dinvie oyín dawe lọ tọn nọ yín Nabali; podọ oyín asi etọn tọn Abigaili: nawe lọ sọ tin sọn wuntùntùn dagbe mẹ, podọ sọn owhànpẹ nukunmẹ tọn de mẹ: ṣigba dawe lọ yín gbéjinu bo sọ ylan to wàlọ etọn lẹ mẹ; ewọ sọ tin sọn owhé Kalẹbi tọn mẹ