Gẹnẹsisi 10:5 - BIBLU WIWE LỌ 1923

⁵ Sọn ehelẹ mẹ wẹ olopó Okosi lẹ tọn yín mimá to aigba yetọn lẹ mẹ, omẹ dopodopo kẹdẹdi ogbè etọn; kẹdẹdi ohẹnnu yetọn lẹ, to akọta yetọn lẹ mẹ.

Gẹnẹsisi 10:5 Iomraidhean Croise

Gẹnẹsisi 10:20

Ehelẹ wẹ visunnu Ham tọn lẹ, kẹdẹdi ohẹnnu yetọn lẹ, kẹdẹdi ogbè yetọn lẹ, to otò yetọn lẹ mẹ, podọ to akọta yetọn lẹ mẹ.

Gẹnẹsisi 10:25

Hlan Ebeli wẹ yè sọ ji visunnu awe; oyín dopo tọn wẹ Pelẹgi, na azán etọn mẹ wẹ yè má aigba wutu; oyín nọvisunnu etọn tọn sọ wẹ Jọktani.

Gẹnẹsisi 10:32

Ehelẹ sọ wẹ ohẹnnu visunnu Noa tọn lẹ tọn lẹ, kẹdẹdi owhẹndo yetọn lẹ, to akọta yetọn lẹ mẹ; sọn ehelẹ mẹ wẹ yè má akọta aihọn tọn lẹ to osìn gigò godo.

Gẹnẹsisi 10:4

Visunnu Javani tọn lẹ; Eliṣa, po Talẹisi po, po Kitimi po, po Dodammi po.

Gẹnẹsisi 10:6

Visunnu Hapi tọn lẹ; Kusi, po Mizlaimi po, po Futi po, po Kẹnani po.

Gẹnẹsisi 9:19

Ehelẹ wẹ visunnu atọ̀n Noa tọn lẹ; yé de wẹ aigba lẹpo vùn sọn.

ẸSTELI 10:1

AHỌLU lọ Ahasuelusi zé osènjọ de do aigba lọ ji, podọ do olòpo ohù tọn lẹ ji,

PSALM 72:10

Ahọlu Taṣiṣi tọn lẹ, po lòpojì lẹ tọn po na hẹn nunina wá: Ahọlu Ṣeba po Seba tọn po nasọ hẹn tòkuẹ wá.

ISAIA 11:11

To enẹgodo to azán lọ gbè wẹ OKLUNỌ na dè alọ etọn whlawetọ nado hẹn pipòtọ omẹ etọn he pò lẹ ton gọ sọn Assylia, sọn Egypti, podọ sọn Patlo, sọn Etiopia, podọ sọn Elami, sọn Ṣinale, sọn Hamati, podọ sọn olopo ohù tọn.

ISAIA 24:15

Enẹwutu pàgigona OKLUNỌ to aigba hinhọn tọn, yèdọ oyín OKLUNỌ Jiwheyẹwhe Islaeli tọn tọn to olopo ohu tọn ji.

ISAIA 40:15

Dayi e go, akọta lẹpo taidi kùnkùn osìn tọn dopọ to osìn tòzẹ́n mẹ tọn mẹ, yè sọ hia yé di kọ́gudu vude to nujlẹnu mẹ; dayi e go, ewọ sọ to olopo lẹ zé di onú pẹvide.

ISAIA 41:5

Olòpo lẹ mọ ẹn, bo dibu; adozinnúdo opòdo aigba tọn lẹ; yé sẹ̀pọ́, bo sọ wá.

ISAIA 42:10

Mì jihàn yọ́yọ́ man OKLUNỌ, pipa etọn sọn pòdo aigba tọn, mi mẹhe to tejẹ jei ohù mẹ lẹ, po onú he tin to é mẹ lẹ po: olopo po mẹhe to é mẹ lẹ po.

ISAIA 42:4

Onú ma to na dikọ nẹ̃, mọ ewọ ma to na fiọhomẹ, kaka é na do zé whẹ̀dida dai to aihọn mẹ: olopo lẹ na sọ nọtepọ́n osẹ́n etọn.

ISAIA 49:1

MI se ṣie, mì olopo lẹ; bo dotóai, mì gbẹtọ sọn ofi dindẹn; OKLUNỌ ko ylọ mi sọn ohò mẹ wá; sọn ohò onọ ṣie tọn mẹ wẹ é ko ylọ oyín ṣie.

ISAIA 51:5

Dódó ṣie tin to yakẹ; whlẹngán ṣie ko tọ́n jẹgbonu, alọ ṣie na dawhẹ̀ gbẹtọ lẹ tọn; olopo na nọtepọ́n mi, yé na sọ dotudo awà ṣie go.

ISAIA 59:18

Kẹdẹdi owàlọ yetọn, mọkẹdẹ wẹ é na suahọ do, homẹgble hlan kẹ̀ntọ etọn lẹ, ahọsu hlan kẹ̀ntọ etọn lẹ; na jlopo lẹ é na yí ahọsu.

ISAIA 60:9

Nugbo olopo lẹ na nọtepọ́n mi, ohún Talsisi tọn lẹ whẹ, nado hẹn ovi towe lẹ sọn aganu wá, fataka yetọn podọ sika yetọn po yé po, na oyín OKLUNỌ Jiwheyẹwhe towe tọn, podọ na Omẹ Wiwe Islaeli tọn, na ewọ ko pagigona we wutu.

JẸLEMIA 2:10

Na jugbọn lopo Ṣitimi tọn lẹ ji, bo pọ́n; bo domẹhlan Keda, bo whèsọ do lẹnpọ́n, bo pọ́n eyín onú mọtọnnkọ de tin.

JẸLEMIA 25:22

po ahọlu Tile tọn lẹpo po, po ahọlu Zidọni tọn lẹpo po, po ahọlu tòtóigba tọn he tin to ohù nukọn tọn lẹ po;

EZEKIELI 26:15

Le wẹ OKLUNỌ JIWHEYẸWHE dọ hlan Tile: Bé olopó lẹ ma na whàn na nudidọ aijẹ towe tọn, whenuena alántọ lẹ to azọ̀nwèn, whenuena yè basi hùhù lọ tó gblagbla hiẹ tọn mẹ?

EZEKIELI 26:18

Dinvie wẹ olopó lẹ na sisọ to azán aijẹ towe tọn mẹ; mọwẹ, yè na hẹn olopó he tin to ohù mẹ yín avosatọ na ofọ́nyì towe tọn

DANIẸLI 11:18

Èhe godo wẹ é na lé nukunmẹ etọn hlan hùtóigba lẹ, bo na bẹ́ susu: ṣigba awhàngán de na hẹn ovlẹ yè namẹ gbọn ewọ lọ dali nado doalọte; mọwẹ, humọ, ewọ na hẹn ovlẹ etọn nado diọ do e ji.

ZẸFANIA 2:11

OKLUNỌ na yín osinọ hlan yé: na ewọ na hẹn vodun aigba lọ tọn lẹpo kúhùvẹ́; gbẹtọ lẹ na sọ nọ litaina ewọ, omẹ dopodopo sọn otẹn etọn mẹ, yèdọ ohùtóigba akọta lẹ tọn lẹpo.

Deutelonomi 32:8

Whenuena Gigogán na hlan akọta lẹ ogú yetọn, Whenuena é klan ovi gbẹtọ lẹ tọn lẹ lọ dovovo; E do dògbó gbẹtọ lẹ lọ tọn lẹ. Kẹdẹdi osọha ovi Islaeli tọn lẹ lọ tọn.