Gẹnẹsisi 1:9 - BIBLU WIWE LỌ 1923

⁹ Jiwheyẹwhe sọ dọmọ, Gbọ osìn he to olọn glọ ni hòpli hlan fidopo, bo gbọ aigba kló ni sọawúhia: é so yin mọ.

Gẹnẹsisi 1:9 Iomraidhean Croise

Gẹnẹsisi 1:8

Jiwheyẹwhe sọ ylọ dovlomẹ lọ dọ olọn. Whèjai wá, afọnnu sọ wá, azán awetọ.

NẸHEMIA 9:6

Hiẹ wẹ OKLUNỌ, yèdọ hie sokẹde; hiẹ wẹ basi olọn, òlọn olọn lẹ tọn po awhànpa yetọn lẹpo po, aigba po onú he tin to e ji lẹpo po, ohù lẹ po ehe tin to yé mẹ lẹpo po, hiẹ sọ to yé mẹpo hla dai; awhànpa olọn tọn sọ to taliana we

OWÈ JOB TỌN. 26:10

Ewọ ko jlẹ dogboji de to nukunmẹ osìn lẹ tọn ji, Jẹ tenọtẹn hinhọ́n po zinvlu po tọn.

OWÈ JOB TỌN. 26:7

Ewọ dlẹn agewaji do ofi vọtọ̀ ji, Bo sọ zé aigba pla do agbégbé ji.

PSALM 104:3

Mẹhe do zatin abò etọn tọn to osìn mẹ: Mẹhe yí aslọ do basi kẹkẹ etọn: Mẹhe nọ zinzọnlin to awà jẹhọn tọn ji:

PSALM 33:7

É dọ̀n ohusìn pli do ofi dopo di okiti: E tò dògbo lẹ pli do agbànhọ̀ mẹ.

PSALM 95:5

Etọn wẹ ohù, ewọ wẹ basi i: Alọ etọn wẹ do aigba húhú.

YEWHEHÓDỌTỌ 1:7

Otọ̀ lẹpo wẹ to sisa biọ ohù mẹ; ṣigba ohù ma gọ, fie na otọ̀ lẹ, tọ sisa sọn, finẹ wẹ yé sọ gọ̀ do.

JẸLEMIA 5:22

Mìwlẹ ma dibusi mi? wẹ OKLUNỌ dọ: bé mìwlẹ ma na sisọ to nukọn ṣie, he ko dotẹnna otòkẹn na agbó ohú tọn, aṣẹdoai madopodo de he ma sọgan gble? Yín agbówhẹn etọn lẹ tlẹ to yéde zédlan, gãnṣo yé ma sọgan yla ẹ gba; yín yé tlẹ to gbigbó, gãnṣo yé ma sọgan jugbọn e ji yì gba.

JONA 1:9

Ewọ sọ dọ hlan yé dọ, Heblu de wẹ yen; podọ yen dibusi OKLUNỌ, Jiwheyẹwhe olọn tọn, he ko basi ohù po aigba klo po.

2 PITA 3:5

Na ehe wẹ yé yí ojlo do wòn, dọ gbọn ohó Jiwheyẹwhe tọn dali wẹ olọn lẹ do tin to hóhówhenu, bọ aigba dó mlindopọ sọn osìn mẹ, bó sọ nọte to osìn mẹ.

OSỌHIA 10:6

bo sọ yí ewọ he tin to ogbé kakadoi do whlé, mẹhe da olọn, po onú he tin to e mẹ lẹ po, aigba, po onú he tin to e ji lẹ po, ohù, po onú he tin to e mẹ lẹ po, dọ, ojle ma tin ba: