Gẹnẹsisi 1:21 - BIBLU WIWE LỌ 1923

²¹ Jiwheyẹwhe sọ dá núdazì daho lẹ po nútẹgbè he nọ lìn le po, ehe osìn lẹ yí do to sisawẹ̃n kẹdẹdi yetọn, po ohẹ́ awànọ lẹ po kẹdẹdi etọn: Jiwheyẹwhe sọ mọ dọ é yọn.

Gẹnẹsisi 1:21 Iomraidhean Croise

Gẹnẹsisi 1:18

podọ nado dugán to okle ji, podọ to ozan ji, podọ nado klán hinhọ́n po zinvlu po: Jiwheyẹwhe sọ mọ dọ é yón.

Gẹnẹsisi 1:20

Jiwheyẹwhe sọ dọmọ, Gbọ osìn lẹ ni yí sisawẹ̃n núdidá gbẹ́te lẹ tọn lẹ do to sisawẹ̃n, bo sọ gbọ ohẹ́ lẹ ni nọ to zinzlọn to aigba ta dogodo dovlomẹ olọn tọn lọ.

Gẹnẹsisi 1:22

Jiwheyẹwhe sọ dona ye, dọmọ, Mì yín sinsẹ́nnọ bo sọ sudeji bo gó osìn lẹ to ohù mẹ, bo gbọ ohẹ́ ni sudeji to aigba ji.

Gẹnẹsisi 1:25

Jiwheyẹwhe sọ dá gbékanlin aigba tọn kẹdẹdi etọn, po whékanlin lẹ po kẹdẹdi yetọn, po onú he nọ lìn to aigba ji lẹpo po kẹdẹdi etọn: Jiwheyẹwhe sọ mọ dọ é yón.

Gẹnẹsisi 1:31

Jiwheyẹwhe sọ mo onú he edá lẹpo, bo dayi e go é yọ́n talala. Whèjai wá, afọnnu sọ wá, azán sidopotọ.

Gẹnẹsisi 2:19

Aigba mẹ wẹ OKLUNỌ Jiwheyẹwhe dá kanlin ogbé mẹ tọn lẹpo jẹgbonu sọn, ohọ̀ aga tọn lẹpo; bo sọ hẹn yè wá Sunnu lọ de, nado pọ́n onú he é na ylọ yé: núdepope sunnu lọ ylọ nútegbè lẹ dopodopo, enẹ wẹ oyín he é yím

Gẹnẹsisi 6:20

To ohè le mẹ kẹdedi yetọn, to whèkanlin lẹ mẹ kẹdẹdi yetọn, onú he nọ lìn to aigba lẹpo mẹ kẹdẹdi yetọn, awe-awe to yé mẹpo mẹ na wá de we nado whlen yé dogbè.

Gẹnẹsisi 7:14

Yé, po gbékanlin kẹdẹdi yetọn lẹpo; po whékanlin kẹdẹdi yetọn lẹpo po, po onú he nọ lìn to aigba ji kẹdẹdi yetọn po, po ohè kẹdẹdi yetọn po, po ohẹ̀ awànọ alọpalọpa lẹpo po.

Gẹnẹsisi 8:17

Hẹn tónwá gbonu hẹ we onú tẹgbẹ́ lẹpo he tin to de we, sọn nútẹgbẹ́ lẹpo mẹ, ohọ́ po whékanlin po, po onú lìnlìn lẹpo po he nọ lìn to aigba ji lẹ; na yé nido sawẹ̃n to aigba ji, bo yín sinsẹ́nnọ, bo jigbà to aigba ji.

Gẹnẹsisi 8:19

gbékanlin lepo, onú lìnlìn lẹpo, po ohó lẹpo po, po núdepope he nọ lìn to aigba ji lẹ po, kẹdẹdi ohẹnnu yetọn lẹ, yé tọ́njẹgbonu sọn aki mẹ.

Gẹnẹsisi 9:2

Osí mítọn po avosisa mítọn po nasọ tin to gbékanlin he to aigba ji lẹpo ji, podọ to ohè he to aga lẹpo ji; to onu he nọ lìn to aigba ji lẹpo, podọ to owhèvi he to ohù mẹ lẹpo ji, alọ mítọn mẹ wẹ yè yí yé do.

Gẹnẹsisi 9:7

Podọ mìwlẹ, mì ni yín sinsẹ́nnọ bo sawẹ̃n to aigba ji gégé, bo so sudeji to e mẹ.

OWÈ JOB TỌN. 12:7

Ṣigba kanbiọ gbekanlin lẹ dinvie, Yé na sọ plọn we; po ohẹ̀ agahomẹ tọn lẹ po, yé na sọ dọ na we:

OWÈ JOB TỌN. 26:5

Yẹtẹn lẹ sisọ To osìn lẹ po tòmẹnu etọn lẹ po glọ.

OWÈ JOB TỌN. 7:12

Bé ohù de wẹ yẹn, kavi núdazi ohù mẹ tọn de, Bọ hiẹ do dè hihọtọ de do oji e?

PSALM 148:7

Mì pa OKLUNỌ sọn aigba-homẹ, Mì dànawànọ lẹ emi, po mì osédò lẹpo po:

Eksọdusi 1:7

Ovi Islaeli ton lẹ yín sinsẹ́nnọ, bo to sisawẹ̃n, bo to jijigbà, tónalùn bo gángán gbahú: yè sọ hẹn aigba lọ gó na yé.

Eksọdusi 8:3

Otò lọ nasọ yí obese do sawẹn, he na hẹ́ji bó wá biọ owhé towe gbè, bo biọ adọhó towe mẹ, bo hẹ́ adọzan towe ji, bo biọ owhé devi towe lẹ tọn gbe, bo hẹ́ gbẹtọ towe lẹ ji, bo biọ nuhitẹn towe lẹ mẹ, podọ biọ aklahòpanko towe lẹ mẹ.

EZEKIELI 32:2

Visunnu gbẹto tọn, zé avigbè de daga na Falo ahọlu Egipti tọn, bo sọ dọ hlan ewọ dọ, Hiẹ yín yíyíjlẹ hlan okinmvú akọta lẹ tọn de: gãnṣo hiẹ tin di odanawànọ de to ohù lẹ mẹ; hiẹ sọ gbà jẹgbonu to otò towe lẹ mẹ, bo sọ yí afọ towe lẹ do dotukla osìn lẹ, bo sọ hẹn otò yetọn lẹ wlu.

JONA 1:17

OKLUNỌ bo sọ wleawuna owhèvi daho de nado zé Jona mì; Jona bo sọ tin to adọgo owhèvi lọ tọn mẹ okle atọ̀n po ozán atọ̀n po.

JONA 2:10

OKLUNỌ sọ dọhó hlan owhèvi lọ, é bo sọ kọ́ Jona jẹgbonu do aigba klo ji.

MATIU 12:40

Na dile Jona nò okle atọ̀n ozán atọ̀n to ohò olia tọn mẹ; mowẹ Ovi gbẹtọ tọn na nò okle atón ozán atọ̀n to aigba hòmẹ;