Gẹnẹsisi 1:16 - BIBLU WIWE LỌ 1923

¹⁶ Jiwheyẹwhe sọ dá hinhọ́n daho awe; hinhọ́n he klohú nado dugán to okle, hinhọ́n he whehú nado dugán to ozánmẹ: é sọ dá sunwhlẹvu lẹ ga.

Gẹnẹsisi 1:16 Iomraidhean Croise

Gẹnẹsisi 1:15

Bo gbọ yé ni tin na hinhọ́n lẹ to dovlomẹ olọn tọn mẹ, nado na hinhọ́n to aigba ji: é sọyín mọ.

OWÈ JOB TỌN. 31:26

Eyín yẹn pọn owhè whenuena é vẹ́, Kavi osùn he to zọnlinzin to osisẹ́ mẹ;

OWÈ JOB TỌN. 38:7

Whenuena sunwhlẹvu afọnnu tọn lẹ to hànji dopọ, Bọ visunnu Jiwheyẹwhe tọn lẹpo to abóbodo na homẹhùn?

PSALM 148:3

Mì pa ẹ, owhè po osùn po: Mì pa ẹ, mì sunwhlẹvu hinhọ́n tọn lẹ emi.

PSALM 148:5

Mì gbọ yé ni pa oyín OKLUNỌ tọn: Na é degbè, yè sọ da yé.

PSALM 19:6

Tintón jẹgbonu etọn sọn olọn dòdó, Lédo etọn sọ jẹ pòdo etọn; Núde ma tin bo sọ awuwhlá sọn yózo etọn mẹ.

PSALM 74:16

Towe wẹ okle, towe sọ wẹ ozán ga: Hiẹ wleawu hinhọ́n po owhè po tọn.

PSALM 8:3

Whenuena yẹn lẹn olọn towelẹ pọ́n, azọ́n alọviyẹyẹ towe tọn lẹ, Osùn po sunwhlẹvu lẹ po he hiẹ ko zẹ́ali dai na;

ISAIA 13:10

Na sùnwhlẹvu olọn tọn lẹ, podọ mlindopọ yetọn ma to na họ̀n hinhọn yetọn: owhè na dozinvlu to titọnyì etọn mẹ, osùn ma to na hẹn hinhọ́n etọn họ́nun bà.

ISAIA 24:23

Whenẹnu wẹ yè na doflu osùn, winyan na sọ hù owhè, whenuena OKLUNỌ awhànpa lẹ tọn na dugán to osó Ziọni tọn ji, podọ to Jelusalẹm, gigo na sọ tin to omẹ hóhó etọn lẹ nukọn.

ISAIA 40:26

Zé nukun mitọn doaga, bo pọn, mẹnu wẹ da onú helẹ, bo so hẹn awhàn sọhasọha yetọn jẹgbonu: e nọ ylọ oyín yetọn dopodopo gbọn kiklo huhlọn etọn tọn dali, na ewọ sinyẹn to huhlọn mẹ; depope ma pò.

ISAIA 45:7

Yẹn wẹ da hinhọ́n, bo sọ da zinvlu: yẹn wẹ basi jijọho, bo sọ da oylan: yẹn, OKLUNỌ wẹ basi onú he lẹpo.

JẸLEMIA 31:35

Le wẹ OKLUNỌ dọ, he na owhè omẹ na hinhọ́n de to okle, po asẹdai osùn tọn po po sunwhlẹvu lẹ tọn po na hinhọ́n de to ozánmẹ, he hẹn ohù whiwhé, whenuena agbówhẹn etọn lẹ to zíngidiyẹn; OKLUNỌ awhànpa lẹ tọn wẹ oyín etọn:

HABBAKUK 3:11

Owhè po osùn po ṣite abẹ to fininò yetọn mẹ: To hinhọ́n ogá towe lẹ tọn mẹ le yé to yiyí do, To sisẹ́ owhán súnsún towe tọn mẹ.

MATIU 24:29

Ṣigba to afọdoponẹji, to azán nukunbibia nẹlẹ tọn godo, yè na hẹn owhè dozinvlu, osùn ma to na yí hinhọ́n etọn hia, sunwhlẹvu lẹ nasọ flé sọn olọn, huhlọn olọn lẹ tọn lẹ wẹ yè nasọ whan.

MATIU 27:45

Dinvie sọn ogàn sidopotọ mẹ, wẹ zinvlu de do ṣinyọn aigba lẹpo ji, kaka jẹ ogàn sinẹnẹtọ mẹ.

1 KỌLINTINU LẸ 15:41

Ovò wẹ gigo owhè tọn, ovò wẹ gigo osùn tọn, ovò sọ wẹ gigo sunwhlẹvu lẹ tọn: na sunwhlẹvu de gbonvo na sunwhlẹvu devo to gigo me.

Deutelonomi 4:19

podọ hiẹ nikã zé nukun towe lẹ daga hlan olọn, podọ whenuena hiẹ mọ owhè lọ po osùn lọ po po sunwhlẹvu lẹ lọ po, yèdọ awhànpa olọn tọn lẹpọ lọ, hiẹ yín dindòn yì bo sọ litaina yé bo to yé sèn, he OKLUNỌ lọ Jiwheyẹwhe towe ko má hlan akọta lẹpo lọ to olọn lọ pete glọ.

OSỌHIA 21:23

Otòdaho lọ ma sọ jlo owhè, kavi osùn, nado nọ họ́n hinhọ́n do e mẹ: na gigo Jiwheyẹwhe tọn wẹ to hinhọ́n họ́n do e mẹ, Lẹngbọvu lọ sọ wẹ hinhọ́n etọn.