FILEMONI 1:14 - BIBLU WIWE LỌ 1923

¹⁴ ṣigba yen ma ylo nado wa núde to ayiha towe mayọnẹn godo; ha dagbewà towe ma na do yin numananọmawà tọn, adavo ojlo tọn.

FILEMONI 1:14 Iomraidhean Croise

1 OTÀNNUGBO LẸ 29:17

Yẹn sọ yọnẹn ga, Jiwheyẹwhe ṣie, dọ hiẹ nọ whle ayiha pọ́n, bo sọ tindo homehùn to dódó mẹ. Na yẹn tọn, to dódó ayiha ṣie tọn mẹ wẹ yen do jó onú he lẹpo podọ dinvie yẹn ko sọ mọ po ayajẹ po omẹ towe le, he tin to ofile, nado na po ojlo po hlan we.

PSALM 110:3

Gbẹtọ towe lẹ na yín ojlonọ to azán huhlọn towe tọn gbè; To whanpẹ owàlọwiwe tọn mẹ, sọn adò afọnnufu tọn mẹ; Hiẹ tindo ahún ovu whenu towe tọn.

1 KỌLINTINU LẸ 9:17

Na eyín yẹn yí ojlo do to onú helẹ wà, yẹn tindo ale de: ṣigba eyín é jẹagò do ojlo ṣie gó, yè ko yí ománamẹ wẹndaghe tọn dè hlan mi.

1 KỌLINTINU LẸ 9:7

Mẹnu wẹ nọ yì awhàn to ojlẹ de mẹ to akuẹzinzán ede tọn mẹ? mẹnu wẹ nọ do ojipa ovẹ̃n tọn bo ma nọ dù to sinsẹ́n etọn mẹ? kavi mẹnu wẹ nọ yìn okanlin, bo ma nọ dù to oyìnnọ́ okanlin lọ tọn mẹ?

2 KỌLINTINU LẸ 1:24

E ma yín dọ mìwlẹ tindo huhlọn to yise mìtọn ji wutu gba, ṣigba alọgọnamẹtọ ayajẹ mìtọn tọn wẹ mìwlẹ yin: na gbọn yise dali wẹ mì to ote.

2 KỌLINTINU LẸ 8:12

Na eyín ojlo homẹ tọn tin jẹnukọn, yè kealọyi i kẹdedi ehe omẹ lọ tindo, é ma yín kẹdẹdi ehe é ma tindo gba;

2 KỌLINTINU LẸ 9:5

Enewutu wẹ yẹn lẹn dọ é jlọ nado yí ohó do jlàhomẹdona mẹmẹsunnu lẹ dọ yé ni jẹnúkọn wá mì de, bo wleawu nunina mìtọn tọn dote, ehe yè ko sọhia mì dai, na yè nido wleawu dopolọ tọn dote, di nunina, é yín di nukunken tọn blo.

2 KỌLINTINU LẸ 9:7

Omẹ dopodopo dile é lẹn to ayiha etọn mẹ do, mọwẹ mí ni gbọ é ni na do; é yín po hunhlun po blo, kavi huhlọn dohẹnbasi tọn blo; na Jiwheyẹwhe yiwanna nunamẹtọ homẹhùnhùnnọ