Eksọdusi 5:3 - BIBLU WIWE LỌ 1923

³ Yé sọ dọmọ, Jiwheyẹwhe Heblu lẹ tọn ko pla mí: gbọ mí ni yì, mí vè wẹ azán atọ̀n gbejizọnlin biọ zùngbo mẹ, bo sánvọ́ hlan OKLUNỌ Jiwheyẹwhe mítọn; ewọ nikã yí azọ̀n do hò mí, kavi yí ohi do hò.

Eksọdusi 5:3 Iomraidhean Croise

Eksọdusi 3:18

Yé na nató ogbè towe: hiẹ nasọ wá hiẹ po mẹho Islaeli tọn lẹ po jẹ ahọlu Egipti tọn de, mìwlẹ nasọ dọ hlan ẹn, OKLUNỌ, Jiwheyẹwhe Heblu lẹ tọn, ko pla mí; dinvie gbọ mí ni yì, mí vẹ́ we, azán atọ̀n gbejizọnlin biọ zùngbo mẹ, na míwlẹ nido sánvọ́ hlan OKLUNỌ Jiwheyẹwhe mítọn.

EZEKIELI 6:11

Le wẹ OKLUNỌ JIWHEYẸWHE dọ: Yí alo towe do hòpẹ, bo sọ yí afọ towe do slẹgète, bo dọmọ, So na osùnú ylanylan owhé Islaeli tọn tọn lẹpo tọn wutu: na yé na jai gbọn ohì lọ dali, gbọn ohùvé lọ dali, podọ gbọn azònylankan lọ dali.

ẸZLA 7:23

Nudepope yè degbèna gbọn Jiwheyẹwhe olọn tọn lọ dali, gbọ é ni yín wiwà domọgẽ na ohò Jiwheyẹwhe olọn tọn lọ tọn; na etẹwutu wẹ homẹgble na do tin to ahọludutẹn ahọlu lọ tọn po visunnu etọn lẹ po ji?

2 OTÀNNUGBO LẸ 30:8

Dinvie mìwlẹ sọ yín tasinẹntọ blo, dile otọ́ mítọn lẹ yín; ṣigba mì ni jó mìde hlan OKLUNỌ, bo sọ biọ fiwiwe etọn me, he é ko lẹ́wé doidoi, bo sọ nọ to OKLUNỌ Jiwheyẹwhe mítọn sẹ́n, na adi zògbe etọn nido diọ sọn mì de.

2 AHỌLU LẸ 17:25

Mowẹ é sọ yín, to ṣaunṣaun ninò finẹ yetọn tọn mẹ, wẹ yé ma dibusi OKLUNỌ gba: enẹwutu wẹ OKLUNỌ do kinnikinni lẹ hlan yé ṣẹnṣẹn, he hù pẹde sọn yé mẹ.

Deutelonomi 28:21

OKLUNỌ lọ na hẹn azọ̀nylankan lọ tó do ogo we, kaka é ko do hù we súdo sẹ́ sọn aigba lọ ji fiẹ mẹ hiẹ jei nado tindo e.

Eksọdusi 7:16

Hiẹ nasọ dọ hlan ẹn, dọmọ, OKLUNỌ, Jiwheyẹwhe Heblu lẹ tọn lọ, ko do mi hlan we, dọmọ, Gbọ omẹ ṣie lẹ ni yì, na yé nido sẹ́n mi to zùngbo mẹ: bo, dayi e go, kaka jẹ dinvie hiẹ ma ko nató gba.

Eksọdusi 8:1

OKLUNỌ sọ dọ hlan Moṣe, dọ, Yi hònme to Falo de, bo dọ hlan ẹn, dọ, Le wẹ OKLUNỌ dọ, Gbọ omẹ ṣie le ni yì, na yé nido sẹ́n mi.

Eksọdusi 8:20

OKLUNỌ sọ dọ hlan Moṣe, dọ, Fọ́n to afọnnufũ, bo site to Falo nukọn; dayi e go, é ja otò tó, bo dọ hlan ẹn, dọ, Le wẹ OKLUNỌ dọ, Gbọ omẹ ṣie lẹ ni yì, na yé nido sẹ̀n mi.

Eksọdusi 8:27

Míwlẹ na yì azán atọ̀n gbejizọnlin biọ zùngbo mẹ, bo sánvọ́ hlan OKLUNỌ Jiwheyẹwhe mítọn, dile é na degbena mí do.

Levitiku 26:25

Yẹn bo nasọ hẹn ohi de wá mì ji, he na yí ahọsu alènu lọ tọn; mìwlẹ nasọ yín bibépli dopọ do tòdaho mìtọn lẹ mẹ: yẹn bo nasọ do azònylankan lọ hlan mì ṣẹnṣẹn; mì bo nasọ yín jijó do alọ kèntọ lọ tọn mẹ.