Eksọdusi 11:3 - BIBLU WIWE LỌ 1923

³ OKLUNỌ sọ na nukundagbe gbẹtọ ewlẹ to nukun Egiptinu lẹ tọn mẹ. Humọ dawe lọ Moṣe sọ yín mẹkiklo talala to aigba Egipti tọn ji, to devi Falo tọn lẹ nukunmẹ, podọ to gbẹtọ ewlẹ nukunmẹ.

Eksọdusi 11:3 Iomraidhean Croise

Gẹnẹsisi 12:2

yẹn nasọ yí we do basi akọta daho de, yẹn na dona we, bo na hen oyín towe zùn daho; hiẹ ni sọ yín odona de:

Gẹnẹsisi 39:21

Ṣigba OKLUNỌ tin hẹ Josefu, bo sọ wà dagbewányí nẹ̃, bo na nukundagbe e to ogànkọnnọtọ nukun mẹ.

2 SAMUẸLI 7:9

Yẹn sọ tin po hiẹ po to fie hiẹ to yìyì lẹpo, bo ko sọ sán kẹ̀ntọ towe lẹpo sọn nukọn towe; yẹn na sọ basi oyín daho de na we, taidi oyín omẹ daho he tin to owẹkẹ mẹ lẹ de tọn.

ẸSTELI 9:4

Na mẹkiklo wẹ Mọldekài to owhé ahọlu tọn gbè, olinlin etọn sọ tón yì lédo otòyíyí lẹpo mẹ: na dawe lọ Mọldekai to lilẹ́zùn kiklo dejideji.

PSALM 106:46

É basi na omẹ he bé ye Jei to mẹglọnọ mẹ lẹ nado blawuna yé.

Eksọdusi 12:35

Ovi Islaeli tọn lẹ wà kededi ohó Moṣe tọn; yé sọ biọ sọn Egiptinu lẹ si núzinzán fataka tọn lẹ, po núzinzán sika tọn lẹ po, po avọ̀ po:

Eksọdusi 12:36

OKLUNỌ sọ na nukundagbe gbẹtọ ewlẹ to nukun Egiptinu lẹ tọn me, sọmọ bọ yé gbẹ yé ni tindo núhe yé biọ lẹ. Yé sọ yí Egiptinu lẹ do dugbànna.

Eksọdusi 3:21

Yẹn nasọ na nukundagbe omẹ helẹ to nukun Egiptinu lẹ tọn mẹ: é nasọ wá jọ, dọ, whenuena mì jei, mì ma to na yì alọvó gba.

ISAIA 60:14

Ovi sunnu yé he bianukunna we lẹ tọn ga na wá de we to taliai mẹ; yé he ko to vivlẹ we lẹpo wẹ na litaina we to afọpáhomẹ towe go; yé na ylọ we, dọ Otò OKLUNỌ tọn, Ziọni Omẹ Wiwe Islaeli tọn tọn.

OWALỌ APỌSTELI LẸ TỌN 7:22

Yè sọ plọn nuyọnẹn Egiptitọ tọn lẹpo Moṣe, ewọ sọ dohuhlọn to ohó po owalọ po mẹ

Deutelonomi 34:10

Yẹwhegán de ma ko fọ́n to godo to Islaeli mẹ jijlẹ do Moṣe go gba, mẹhe OKLUNỌ lọ yọnẹn nukunmẹ hlan nukunmẹ;

Deutelonomi 34:11

to ohia lẹ lọ lẹpo mẹ po nujawu lẹ lọ po, he OKLUNỌ lọ do e hlan nado basi to aigba Egipti tọn lọ ji, hlan Falo, podọ hlan devi etọn lẹ lepo, podọ hlan aigba etọn lẹpo;

JỌṢUA 4:14

To azán nẹ gbè OKLUNỌ hẹn Jọṣua klo to nukun Islaeli lẹpo tọn mẹ; yé sọ dibusi i, dile yé nọ dibusi Moṣe do, to azán ogbè etọn lẹpo tọn mẹ.

OSỌHIA 3:9

Do ayi e go, yẹn na hẹn omẹ sinagogu Satani ton mẹ lẹ, he dọ dọmọ Ju wẹ yewlẹ, bo ma yín, ṣigba lalo yé do;—-do ayi e go, yen na hẹn yé nado wá, nado litai to afọ towe nukọn, podọ nado yọnẹn dọ yẹn yiwanna we.