DANIẸLI 9:8 - BIBLU WIWE LỌ 1923

⁸ OKLUNỌ È, oflu nukunmẹ tọn tin hlan míwlẹ, hlan ahọlu mítọn lẹ, hlan ahọvi mítọn lẹ, podọ hlan otọ́ mítọn lọ, na mí ko wàylando do ogo we wutu.

DANIẸLI 9:8 Iomraidhean Croise

2 AHỌLU LẸ 21:15

na yé ko wà enẹ he yín oylan to nukun ṣie mẹ wutu, bo ko to homẹgbledona mi hlan adi sọn azán otọ́ yetọn le tọn sọn Egipti gbọn, yèdọ do jẹ azán he gbè.

2 OTÀNNUGBO LẸ 6:37

gãnṣo eyín yé na fiinnu jẹ yéde go to aigba fie yè bé yé yì mẹmẹglọ te, bo vó diọ, bo sọ basi ovọ́ hlan we to aigba mẹglọnọ yetọn tọn lọ ji, dọmọ, Míwlẹ ko wàylando, míwlẹ ko ylannúwà, bo ko sọ wà ylankan;

NẸHEMIA 1:6

gbọ otó towe dinvie ni yín tùntùnai, po nukun towe lẹ po hùnhùn, na hiẹ nido tuntóai hlan odẹ̀ mẹmẹsi towe tọn, he yẹn to hihò to nukọn towe to ojlẹ he mẹ, to okle po ozán po, na ovi Islaeli mẹmẹsi towe tọn lẹ, whenuena yẹn to gbèyína ylando ovi Islaeli tọn lẹ tọn lọ, he mí ko do wàylando do we: nugbo, yẹn po owhé otọ́ ṣie tọn po ko wàylando

ISAIA 64:4

Na sọn whẹwhẹwhenu aihọn tọn, gbẹtọ ma ko sè, mọ otó ma ko gbla ẹ, mọ nukun ma ko mọ, Jiwheyẹwhe de to godotowe, he ko wleawu dai na yé he nọtepọ́n ẹn lẹ.

JẸLEMIA 14:20

Mí yón kanyinylan mítọn, OKLUNỌ E, po oylanwà otọ́ mítọn lẹ tọn po: na mí ko wàylando do ogo we.

JẸLEMIA 32:32

na oylan ovi Islaeli tọn lẹ tọn lẹpo tọn wutu po ovi Juda tọn lẹ tọn po, he yé ko wà nado hẹnhomẹgble mi hlan adi, yéwlẹ, ahọlu yetọn lẹ, ahọvi yetọn lẹ, yẹwhenọ yetọn lẹ, po yẹwhegán yetọn lẹ po, po omẹ Juda tọn lẹ po, po tòmẹnu Jelusalẹm tọn lẹ po.

JẸLEMIA 7:19

Bé yé hẹnhomegble mi hlan adi? we OKLUNỌ dọ; be yede ma wẹ yé hẹnhomẹgblena, hlan ofluje nukunmẹ yétọn titi lẹ tọn?

AVIGBÈ JẸLEMIA TỌN 1:18

Dódóno wẹ OKLUNỌ; na yẹn ko ṣiatẹ do gbèdide-ẹtọn go: Sè, yẹn vè mì, mì akọta lẹpo, bo pọ́n awubla ṣie: Yè hẹn awhli ṣie lẹ po yọ̀pọ sunnu siẹ lẹ po yì biọ mẹmẹglọ mẹ.

AVIGBÈ JẸLEMIA TỌN 3:42

Mí ko jẹsẹ́nmẹ bo ko sọ ṣiatẹ; hiẹ ma ko sọ jona gba.

AVIGBÈ JẸLEMIA TỌN 5:16

Yè hẹn ojẹgbakun lẹ flẹ sọn ota mítọn: Dindọn hlan míí na mí ko wàylando.

EZEKIELI 16:63

na hiẹ nido flin, bo sọ yín oflunọ, bo ma sọ do kó onù towe gbède ba, na owinyan towe tọn wutu; whenuena yẹn ko na ehe hiẹ ko wà lẹpo we, wẹ OKLUNỌ JIWHEYẸWHE dọ.

EZEKIELI 5:6

Bọ ewọ ko sọ diọ whẹ̀dida ṣie lẹ do yìnylan mẹ hugan akọta lẹ, podọ do oséndoai ṣie lẹ go hugan otò he tin lédo ewọ pé lẹ: na yé ko gbẹ́ whẹ̀dida ṣie lẹ dai, podọ na oséndoai ṣie lẹ tọn, yé ma ko zinzọnlin to yé mẹ gba.

DANIẸLI 9:9

Lẹblanu lẹ po ojona po tin hlan OKLUNỌ Jiwheyẹwhe mítọn, le míwlẹ tlẹ ko ṣatẹ do e go sọ;