DANIẸLI 9:5 - BIBLU WIWE LỌ 1923

⁵ mìwlẹ ko wàylando, bo ko sọ yí gbigble do zán, bo ko sọ yí yinylan do wà, bo ko sọ ṣatẹ, yèdọ lilé dapadopo sọn ogbèdai towe lẹ mẹ, podọ sọn whẹ̀dida towe lẹ mẹ:

DANIẸLI 9:5 Iomraidhean Croise

2 AHỌLU LẸ 18:12

na yé ma sètónuna ogbè OKLUNỌ Jiwheyẹwhe yetọn tọn wutu, ṣigba bo gbà alẹ̀nù etọn, yèdọ ehe Moṣe mẹmẹsi OKLUNỌ tọn degbèna lẹpo, bo ma jio na sè e, kavi wà ẹ.

2 AHỌLU LẸ 21:15

na yé ko wà enẹ he yín oylan to nukun ṣie mẹ wutu, bo ko to homẹgbledona mi hlan adi sọn azán otọ́ yetọn le tọn sọn Egipti gbọn, yèdọ do jẹ azán he gbè.

ẸZLA 9:6

Yẹn sọ dọmọ. Jiwheyẹwhe ṣie È, yè hẹn winyanhù mi po wùnpẹn po nado zé nukunmẹ ṣie daga hlan de we, Jiwheyẹwhe ṣie: na yè hẹn oylanwà mítọn lẹ sudeji do ota mítọn, yè sọ hẹn owhèylan whẹ́n daga jẹ olọn lẹ mẹ.

PSALM 106:6

Mí ko wàylando po otọ́ mítọn lẹ po, Mi ko wàdanu, mí ko wà ylankan.

PSALM 119:102

Yẹn ma fẹ́ sọn whẹ̀dida towe lẹ ji gba; Na hiẹ wẹ ko plọ́n mi.

PSALM 119:176

Yẹn ko danbú di lẹngbọ he bú; din devi towe; Na yẹn ma wọnji gbèdide towe lẹ go gba.

PSALM 18:21

Na yẹn ko to ayipado ali OKLUNỌ tọn go; yẹn ma sọ yí òylan do klán sọn Jiwheyẹwhe ṣie de.

ISAIA 53:6

Mí omẹ pó wẹ dánbu di lẹngbọ; omẹ dopodopo mítọn lẹ́ do aliho ede tọn ji: OKLUNỌ sọ hẹn ylankan mítọn lẹpo pliafọ to e go.

ISAIA 59:13

To sẹ́nmejijẹ po lalodido po do OKLUNỌ go mẹ, tìntón sọn Jiwheyẹwhe mítọn de, didọhó awufinyẹnnamẹ tọn po atẹṣiṣi po, hómimón po ohó lalo-didọ po sọn ayiha mẹ jẹgbonu.

ISAIA 64:4

Na sọn whẹwhẹwhenu aihọn tọn, gbẹtọ ma ko sè, mọ otó ma ko gbla ẹ, mọ nukun ma ko mọ, Jiwheyẹwhe de to godotowe, he ko wleawu dai na yé he nọtepọ́n ẹn lẹ.

JẸLEMIA 14:20

Mí yón kanyinylan mítọn, OKLUNỌ E, po oylanwà otọ́ mítọn lẹ tọn po: na mí ko wàylando do ogo we.

JẸLEMIA 14:7

Yín oylanwà mítọn lẹ tle dekunnu do mí ji, hiẹ ni wàzón na oyín towe tọn wutu, OKIUNỌ È: na agojijo mítọn lẹ yín susu; mí ko wàylando do we.

JẸLEMIA 3:25

Mì gbọ mí ni mlọn ai to winyan mítọn mẹ, bo sọ gbọ oflujẹ mítọn ni ṣinyọn mí: na mí ko wàylando do OKLUNỌ Jiwheyẹwhe mítọn, míwlẹ po otọ́ mítọn lẹ po sọn ovu mítọn yèdọ jẹ azán he gbè: míwlẹ ma ko sọ sètónuna ogbè OKLUNỌ Jiwheyẹwhe mítọn tọn gba.

JẸLEMIA 30:14

Owanyinọ towe lepo ko wonji ogo we; yé ma sọ din we ba na yẹn ko yí alán okẹntọ de tọn do doalán we, po hihò okanọ de tọn po; na kiklo oylanwà towe tọn, na yè hẹn ylando towe lẹ sudeji wutu.

JẸLEMIA 44:3

na kan yìnylan yetọn he vó ko wà tọn wutu nado hẹnhomẹgble mi hlan adi, to ehe yé ko yì nado mè nuyọnwan mẹ, podọ nado sẹ̀n yẹwhe devo lẹ, mẹhe yé ma yọnẹn, yéwlẹ, kavi mìwlẹ, kavi otọ́ mitọn lẹ.

AVIGBÈ JẸLEMIA TỌN 1:18

Dódóno wẹ OKLUNỌ; na yẹn ko ṣiatẹ do gbèdide-ẹtọn go: Sè, yẹn vè mì, mì akọta lẹpo, bo pọ́n awubla ṣie: Yè hẹn awhli ṣie lẹ po yọ̀pọ sunnu siẹ lẹ po yì biọ mẹmẹglọ mẹ.

AVIGBÈ JẸLEMIA TỌN 1:20

OKLUNỌ È, dayi e go; na yẹn tin to nukunbibia mẹ; yè sọ hẹn adọ̀mẹ ṣiejetukla; Yè lé ayiha ṣie to hòmẹ na mi; na yẹn ko yí homẹgble do ṣiatẹ: Ohi lọ fòyì to gbonu, to whegbè finẹ sọ tin di okú.

AVIGBÈ JẸLEMIA TỌN 3:42

Mí ko jẹsẹ́nmẹ bo ko sọ ṣiatẹ; hiẹ ma ko sọ jona gba.

EZEKIELI 5:6

Bọ ewọ ko sọ diọ whẹ̀dida ṣie lẹ do yìnylan mẹ hugan akọta lẹ, podọ do oséndoai ṣie lẹ go hugan otò he tin lédo ewọ pé lẹ: na yé ko gbẹ́ whẹ̀dida ṣie lẹ dai, podọ na oséndoai ṣie lẹ tọn, yé ma ko zinzọnlin to yé mẹ gba.

EZEKIELI 6:9

Podọ yé he hòngan sọn mì mẹ lẹ na flin mi to akọta lẹ ṣẹnṣẹn fiedali yè na bé yé yì mẹglọnọ te, Ìe yẹn ko gbà ayiha ogàlilọ yetọn tọn do, he ko fọ́nyì sọn dè, po nukun yetọn lẹ po, he yi ogàgbó de hodo ovodun yetọn lẹ: yé na sọ gbẹwanna yéde to nukun yetọn titi mẹ na oylan he yé ko wà to ósùnú yetọn lẹpo mẹ.

DANIẸLI 9:11

Mowẹ, Islaeli lẹpo wẹ ko jẹsẹ́nmẹna osẹ́n towe, yèdọ lilé dapadopo, na yé ma na do sètónuna ogbè towe: enẹwutu wẹ yè ko do kọ̀n odẹ́hodo jẹgbonu do mí ji, po aṣẹtúndo he yè wlan to osẹ́n Moṣe devi Jiwheyẹwhe tọn tọn mẹ lọ po; na míwlẹ ko wàylando do e go.

DANIẸLI 9:15

Podọ dinvie, OKLUNỌ Jiwheyẹwhe mítọn E, he ko yí alọ hlọnhlọnnọ de do hẹn omẹ towe lọ jẹgbonu sọn aigba Egipti tọn ji wá, bo ko sọ do doyíndina we dile é te to egbé; mí ko wàylando, ní ko yí yinylan do wà.

DANIẸLI 9:9

Lẹblanu lẹ po ojona po tin hlan OKLUNỌ Jiwheyẹwhe mítọn, le míwlẹ tlẹ ko ṣatẹ do e go sọ;

HOSEA 1:2

Whenuená OKLUNỌ dọhó to ṣaunṣaunwhenu hẹ Hosea, OKLUNỌ dọ hlan Hosea dọmọ, Yì, yí asi de hlan we sọn ogàlọtọ ovi ogàlọtọ lẹ tọn mẹ: na aigba lọ basi ogàlilọ, finfọ́nyì sọn OKLUNỌ de.

MALAKI 3:7

Sọn azán otọ̀ mìtọn lẹ tọn lẹ mẹ wẹ mì ko lẹ́ jẹpadopo sọn gbèdai ṣie lẹ mẹ, bo ma ko yìn yé gba. Mì lẹ́gọ̀ do dẽ, yẹn na sọ lẹ́gọ̀ do mì de, wẹ OKLUNỌ awhànpa lẹ tọn dọ. Ṣigba mìwlẹ dọmọ, Etẹ́ mẹ míwlẹ na lẹ́gọ̀ te?

HEBLU LẸ 3:12

Mì payi mìde go, mẹmẹsunnu emi, na ayiha ylankan mayise tọn nikã tin to mì medepope mẹ, nado yì sọn Jiwheyẹwhe ogbènọ de.