DANIẸLI 8:26 - BIBLU WIWE LỌ 1923

²⁶ Podọ númimọ whèjai lẹ po afọnnu lẹ po tọn he yè ko dọ lọ nugbo wẹ: ṣigba hiẹ ni súnúdo númimọ lọ; na é tin hlan azán susu to godo ja.

DANIẸLI 8:26 Iomraidhean Croise

ISAIA 24:22

Yè na sọ bẹ́ ye pli di le yè nọ bẹ́ ogàntọ lẹ pli do odo mẹ do, yè na sú yé do gànhọ̀ mẹ, to azán susu godo yè na sọ dla ye pọ́n.

EZEKIELI 12:27

Visunnu gbẹtọ tọn, dayi e go, yé owhe Islaeli tọn tọn lẹ to didọmọ, Númimọ he ewọ mọ tin na azán he ja, podọ ewọ dọdọdai ojlẹ he tin aganu boboe lẹ tọn.

DANIẸLI 10:1

TO owhè atọ̀ntọ Kilusi ahọlu Pẹlsia tọn tọn mẹ yè dè onú de hia hlan Daniẹli, oyín mẹhetọn yè ylọ Bẹlteṣazali; podọ nugbo wẹ onú lọ, yèdọ awhànzón daho de: ewọ sọ tùnwun onú lọ, bo sọ tindo wuntùntùn númimọ lọ tọn.

DANIẸLI 10:14

Dinvie yè hẹn mi wá nado hẹn we tùnwun núhe na jọdo omẹ towe lẹ go to azán agọ̀gbọnẹn lẹ mẹ: na númimọ lọ gbẹ́ sọ tin na azán susu.

DANIẸLI 11:2

Podọ dinvie wẹ yẹn na do nugbo lọ hia we. Dayi e go, ahọlu atọ̀n na gbẹ́ sọ fọ́n titẹ to Pẹlsia mẹ; podọ ẹnẹtọ na yín adọkunnọ lankan hú yé mẹpó: podọ whenuena ewọ whén huhlọnnọ gbọn adọkun etọn mẹ, ehe lẹpo na fọ́nadan ahọlutò Javani tọn lọ.

DANIẸLI 12:4

Ṣigba hiẹ, Daniẹli È, súnúdo ohó lẹ lọ, bo sọ yí ohiadonu do tlé owé lọ, yèdọ jẹ ojlẹ opòdo lọ tọn: mẹsusu na họ̀nwezun yìgodo podọ yìnukọn, yè na sọ hẹn oyọnẹn sudeji.

DANIẸLI 12:9

Ewọ sọ dọmọ, Daniẹli, to yìyì na dewe, na ohó lẹ lọ yín núsúnúdo bo sọ yín yíyí ohiadonu do tlẹ́ jẹ ojlẹ opòdo lọ tọn.

OSỌHIA 10:4

Whenuena osò ṣinawe lẹ yí ogbè yetọn do yénwan, wẹ yẹn pé winwlan: yẹn sọ sè ogbè de sọn olọn mẹ to didọ hlan mi, dọmọ, Yí hiadonu do tlẹ onú he osò ṣinawe lẹ yí wanyinyẹn do dọ, a sọ wlanwe yetọn blo.

OSỌHIA 22:10

E sọ dọ hlan mi, dọ, Hie yí hiadonu do tlé ohó dọdai tọn he tin to owe he mẹ lẹ blo: na ojlẹ lọ to sisepó.