DANIẸLI 8:24 - BIBLU WIWE LỌ 1923

²⁴ Huhlọn etọn yín hlọnhlọnnọ, ṣigba po huhlọn etọn pọ ma gba; ewọ bo na sọ yí awujiji do vàmẹ, bo na wàdagbe bo sọ wà homẹhùn etọn: podọ ewọ na và omẹ hlọnhlọnnọ lẹ po gbẹtọ mẹwiwe lẹ tọn po.

DANIẸLI 8:24 Iomraidhean Croise

PSALM 37:35

Yẹn ko nọ mọ mẹylankan yín núsisi, E vlọn ede di atin mú to ayitẹn etọn mẹ.

DANIẸLI 11:23

Podọ kẹdẹdi alẹ̀nù he yè basi po e po ewọ na yi oklọ do wàzón: na ewọ na hẹji wá, bo na lẹzùn huhlọnnọ po omẹ vude po.

DANIẸLI 12:7

Yẹn sọ sè dawe yè ṣinyọn alàvò na lọ, he tin taga osìn otò lọ tọn le, whenuena é zé alọ etọn adusi po alọ amiọn etọn po daga hlan olọn, bo whle gbọn ewọ he togbẹ̀ kakadoi dali dọ é na tin na ojlẹ de, ojlẹ lẹ, po odá de po; podọ whenuena yé ko basi opòdo gbigbà huhlọn omẹ wiwe lẹ tọn tọn de hanyanhanyan, onú he lepo na yín tadona.

DANIẸLI 7:25

Ewọ bo na nọ dọ ohó lẹ do Gigogán go, bo na sọ hẹn agbọpé mẹwiwe Gigogán tọn lẹ: ewọ bo na sọ lẹn nado diọ ojlẹ lẹ po osẹ́n lọ po; yè na sọ jó yé do alọ etọn mẹ kaka ojlẹ de podọ ojlẹ lẹ po odá ojlẹ de tọn po.

DANIẸLI 8:10

E whén zùn kiklo, yèdọ jẹ awhànpa olọn tọn lọ de; podọ é zé vude sọn awhànpa lọ mẹ podọ sọn sunwhlẹvu lẹ mẹ dlan odò jẹ aigba, bo sọ tùnafọ yé ji.

DANIẸLI 8:11

Mọwẹ, ewọ to ede hẹnklo, yèdọ jẹ ahọvi awhànpa lọ tọn de; yè sọ yí avọ́ nunina mimẹ̀ whepoponu tọn lọ yì sọn e si, yè sọ zé otẹn fiwiwe etọn tọn lọ liai.

DANIẸLI 8:12

Yè sọ na awhànpa de hlan ẹn do avọ núnina mimẹ whepoponu tọn lọ ji gbọn osẹ́nmẹjẹ mẹ; é sọ zé nugbo dlan odò jẹ aigba, é bo sọ wà homẹhùnnu etọn bo duale.

DANIẸLI 8:23

Podọ to ojlẹ agọ̀gbọnẹn ahọludu yetọn tọn lọ mẹ, whenuena yè hẹn osẹ́nmẹjẹ lẹ wá jẹ gigọ́ mẹ, ahọlu nukunmẹ dobu, po wuntùntùn owhẹ́dahó lẹ tọn po de, na site.

OSỌHIA 16:6

Na yé ko sọ̀n ohùn mẹwiwe po yewhegán lẹ po tọn dai, hie ko sọ na ohùn yé nù; yé tin jẹ.

OSỌHIA 17:17

Na Jiwheyẹwhe ko yí do ayiha yetọn mẹ nado hẹn ojlọ eton di, nado dogbèpó, podọ nado yí ahọludu yetọn na kanlin lọ, kaka ohó Jiwheyẹwhe tọn nado di.

OSỌHIA 17:6

Yẹn sọ mọ yọnnusi lọ nù ohùn mewiwe lẹ tọn mú, po ohùn kunnudetọ Jesu tọn lẹ tọn po: whenuena yẹn mọ ẹn, avọ̀ daho vọ mi.

OSỌHIA 19:2

na nugbo po dódó po wẹ whẹ̀dida etọn lẹ: na é ko da whẹ̀na ayòdetọ daho lọ, he yí ayòdide etọn do hẹn aigba gble, bo sọ yíahosu ohùn devi etọn lẹ tọn to alọ etọn mẹ.