DANIẸLI 8:22 - BIBLU WIWE LỌ 1923

²² Podọ na enẹ he yè wén tọn, to otẹn ehetọn mẹ ẹnẹ site do, ahọludu ẹnẹ na fọ́n tite sọn akọta lọ mẹ, ṣigba po huhlọn etọn po ma gba.

DANIẸLI 8:22 Iomraidhean Croise

DANIẸLI 11:4

Podọ whenuena ewọ na fọ́n tite, ahọludu etọn na yín gbigbà, bo na sọ yín mimá hlan o jẹhọn ẹnẹ olọn tọn lẹ dali; ṣigba hlan ovikún etọn ma gba, mọ kẹdẹdi ahọluigba etọn ehe é do dùgán ma gba; na ahọludu na yín dindọnsùn, yèdọ na mẹdevo mayín ehelẹ.

DANIẸLI 7:6

To ehe godo yẹn dayi e go, bo sọ pòn devo, taidi opò de, he tindo awà ẹnẹ ohẹ̀ de tọn to onẹgbé e tọn ji; gbékanlin lọ ga tindo ota ẹnẹ; yè sọ yí ahọluigba de nẹ.

DANIẸLI 7:7

To ehe godo yẹn sọ mọ to numimọ ozánmẹ tọn lẹ mẹ, bo dayi e go gbékanlin ẹnẹtọ de, kanylantọ bo dobu bo sọ dohuhlọn gbahugbahu; é sọ tindo ogànyudú daho lẹ; é vàsúdo bo sọ gbà do flinflin, bo sọ yí afọ etọn lẹ do zín pipòtọ dai: é sọ yín hùnkọhunkọ sọn gbékanlin he tin to ewọ nukọn lẹpo mẹ; é sọ tindo azò ao.

DANIẸLI 8:21

Podọ alunkùn òfúnnọ lọ ahọlu Javani tọn wẹ: podọ azò daho he tin to nukun etọn lẹ ṣẹnṣẹn wẹ ahọlu tintan lọ.

DANIẸLI 8:23

Podọ to ojlẹ agọ̀gbọnẹn ahọludu yetọn tọn lọ mẹ, whenuena yè hẹn osẹ́nmẹjẹ lẹ wá jẹ gigọ́ mẹ, ahọlu nukunmẹ dobu, po wuntùntùn owhẹ́dahó lẹ tọn po de, na site.

DANIẸLI 8:3

Whenẹnu wẹ yẹn zé nukun ṣie lẹ daga, bo mọ, bo, dayi e go, agbò he tindo azò awe de ṣite fìnẹ to otọ̀ lọ nukọn: azò awe lẹ lọ yìaga; ṣigba ode yìaga hú awetọ, ehe yìagahugán wẹ wá aga gbọngodo.

DANIẸLI 8:8

Alunkùn lọ sọ to ede hẹnklo gbahugbahu: podọ whenuena ewọ yín huhlọnnọ, yè wén azò daho lọ; podọ to otẹn etọn mẹ azò klòklo ẹnẹ hẹaga wá hlan ojẹhọn ẹnẹ olọn tọn lẹ dali.

ZEKALIA 6:1

YẸN sọ vó nukun ṣie lọ zé daga, bo mọ, bo dayi e go, kẹkẹ ẹnẹ jẹgbonu wá sọn osọ́ awe lẹ ṣẹnṣẹn: osọ́ lẹ lọ sọ yin osọ́ gànvẹ̃ tọn lẹ.