DANIẸLI 7:9 - BIBLU WIWE LỌ 1923

⁹ Yẹn to pinpọ́n yè do zé ofìn lẹ dlan ai, bọ mẹde he yín hóhótọ azán lẹ tọn sinai: avọ̀ etọn yín wéwé di osìnagó, podọ odà ota etọn tọn taidi lẹngbọfún wiwe; ozolọ miyọnnọ lẹ wẹ ofìn etọn, podọ kẹkẹfọ etọn miyọn jiji.

DANIẸLI 7:9 Iomraidhean Croise

1 AHỌLU LẸ 22:19

Ewọ sọ dọmọ, Enẹwutu hiẹ ni sè ohó OKLUNỌ tọn: Yẹn mọ OKLUNỌ to aisínsin to ofìn etọn ji, awhànpa olọn tọn lẹpo site to e de to alọ adusi etọn ji podọ to amiyọn etọn ji.

2 OTÀNNUGBO LẸ 18:18

E sọ dọmo, Enẹwutu mì sè ohó OKLUNỌ tọn: yẹn mọ OKLUNỌ aísínsín to ofìn etọn ji, awhànpa olọn tọn lẹpo ṣite to alọ adusi etọn ji podọ to amiyọn etọn ji.

PSALM 45:8

Avò towe lẹpo to wande na nuwhẹnkun, alọsi, po kasia po; Ajalẹn hẹn we yín homehùnnọ sọn awá ajlakudu tọn lẹ mẹ.

PSALM 90:2

Whẹpo yè do hẹn osé lẹ tónjẹgbonu wá, Kavi whẹpo hiẹ do hẹn aigba po owẹkẹ po tónkùn, Yèdọ sọn madopodo jẹ madopodo, hiẹ wẹ Jiwheyẹwhe.

PSALM 93:2

Yè ko hẹn ofìn towe lódo sọn hóhówhenu: Hiẹ ko tin sọn madopodo.

ISAIA 6:1

TO owhè he mẹ Ozia ahọlu kú te, yẹn mọ OKLUNỌ sinai to ofìn he yì aga ji, ehe fón yì oji, aṣọvọ̀ etọn gọ́ tẹmpli mẹ.

ISAIA 9:6

Na yè ji ovi de hlan mí, yè na ovisunnu de hlan mí; ahọludu na sọ tin to abọ́ etọn ji: yè na nọ ylọ oyín etọn dọ Jawu, Hónamẹtọ, Jiwheyẹwhe huhlọnnọ, Otọ madopodo, Ahọvi Jijọho tọn.

JẸLEMIA 49:38

podọ yẹn na sọ zé ofìn ṣie do Elami mẹ, yen na sọ hù ahọlu po ahọvi lẹ po súdo sọn finẹ, wẹ OKLUNỌ dọ.

EZEKIELI 1:26

Podọ to dovlomẹ lọ to aga he tin to ota yeton lẹ wẹ apajlẹ ofìn de tọn te, di awusọhia ozannu sapfile de tọn: podọ to apajlẹ ofìn lọ tọn ji wẹ apajlẹ de te di awusọhia gbẹtọ de tọn to e ji aga.

DANIẸLI 7:13

Yẹn sọ mọ to númimọ ozán lọ mẹ tọn lẹ mẹ, bo, dayi e go, mẹde po aslọ olọn tọn lè po taidi visunnu gbẹtọ tọn de wá fìnẹ, ewọ sọ wá yèdọ jẹ hóhótọ azán lẹ tọn lọ de, yé sọ hẹn ewọ wá sẹpọ́ ewọ nukọn.

DANIẸLI 7:22

kaka hóhótọ azán lẹ tọn lọ do wá, yè sọ yí whẹ̀dida lọ jó na mẹwiwe Gigogán tọn lẹ; ojlẹ lọ bo sọ wa he mẹwiwe lẹ do yí ahọludu lọ na nutindo.

MIKA 5:2

Ṣigba hiẹ, Bẹti-lehẹm Eflata, he yín pẹvi nado tin to whédo Juda tọn lẹ ṣẹnṣẹn, hiẹ mẹ wẹ mẹde na jẹgbonu sọn wá jẹ dè he tin nado yín ogán to Islaeli mẹ; gbonujẹ yì mẹhetọn lẹ tin sọn hóhó tọn mẹ, sọn azán hóhótọ lẹ mẹ.

HABBAKUK 1:12

OKLUNỌ Jiwheyẹwhe ṣie È, Mẹwiwe ṣie Dopo, bé hiẹ ma tin sọnmadopodo? mí ma na kú gba. OKLUNỌ E, hiẹ ko do ewọ ai na whẹ̀dida; podọ hiẹ, Osé È, ko hẹn ewọ lódo na mẹplọnlọ.

MATIU 17:2

Agbasa etọn sọ diọun to yé nukọn: nukunmẹ etọn to sisé di owhè, avọ̀ etọn sọ lẹzun wewé taidi hinhọ́n.

MATIU 28:3

Awusọhia etọn tin di abì, podọ avọ̀ etọn wéwó di osìn-ago:

MALKU 9:3

Avó etọn sọ lẹzun sisémlanmlan, é wé gbahugbahu; sọmọ bọ avọ̀yantọ to aihọn mẹ de ma sọgan hẹn yé wéwé.

OWALỌ APỌSTELI LẸ TỌN 2:30

Enẹwutu na é yín yẹwhegán wutu, é ko yọnen dọ Jiwheyẹwhe ko yí whiwhlé do whlé hlan ẹn dọ to okún ohò eton mẹ tọn mẹ, gbon agbasa tọn, dali, é na hen Klisti wá sinai to ofìn etọn ji;

OWALỌ APỌSTELI LẸ TỌN 2:33

Enẹwutu mẹhe yè ko yí adusilọ Jiwheyẹwhe tọn do zé daga, bọ é ko sọ mọ opagbe Gbigbọ Wiwe ton yí sọn Otò de, é tuntún ehe jẹgbonu, ehemì tomimọ, bo sọ to sisè to dinvie

FILIPPINU LẸ 3:9

na yè nido mọ mi to ewọ mẹ, to mado dódó yenlọsu ton de mẹ, he yín osén tọn, adavo ehe gbọn yise Klisti tọn mẹ, dódó he yín Jiwheyẹwhe tọn gbọn yise dali:

1 TIMOTI 6:16

mẹhe ewọ dopokẹdẹ wẹ tindo makú, bo nọnọ̀ hinhọ́n mẹ, he mẹde ma sọgan sẹpọ́; mẹhe mẹde ma ko mọ gbède, bọ yè ma sọ sọgan mọ; mehe tọn yẹyi po huhlọn po yín kakadoi. Niṣẹ.

1 JOHANU 1:5

Be ehe wẹ owẹn he mí ko sè sọn e de, ehe mìwlẹ sọ la hlan mì, dọ hinhọ́n wẹ Jiwheyẹwhe; podọ zinvlu depope ma tin to ewọ mẹ lala.

OSỌHIA 1:14

Ota eton po odà eton po wé di sekanfún, yé we di kẹnsu; nukun etọn sọ di zodẹ́;

OSỌHIA 19:18

na mì nido dù agbasalan ahọlu lẹ tọn, agbasalan awhangán lẹ tọn, agbasalan mẹgángán lẹ tọn, agbasalan osé lẹ tọn, po yé he sinai to ye ji lẹ po tọn, agbasalan gbẹtọ lẹpo tọn, mẹmẹdekannu po mẹmẹglọ lẹ po tọn, pẹvi po daho lẹ po tọn.

OSỌHIA 20:4

Yẹn sọ mọ ofìn lẹ, yé sinai to yé ji, yè sọ na whẹ̀dida hlan yé: yẹn sọ mọ alindọn yé he yè gbòtana na okunnuhó Jesu tọn, po ohó Jiwheyẹwhe tọn po tọn wutu, podọ yé he ma ko litaina kanlin lọ, podọ na bosiọ etọn, kavi yé he ma ko yí ohia etọn do nukọn yetọn, kavi to alọ yetọn mẹ; yé tin to ogbè, bo sọ to ahọludu hẹ Klisti hò owhè fọtọ́n.

OSỌHIA 4:2

To afọdoponẹji yẹn tin to Gbigbọ mẹ: do ayi e go, yè zé ofìn de dai to olọn mẹ, mẹde sọ sinai to ofìn lọ ji.